လံာ်ယိၤအ့လး 1:7 - Sgaw Karen Common Bible

⁷ အဝဲသ့ၣ်မၤဟးဂီၤကွံာ်ပစပံးမုၢ် တဖၣ်ဒီးအ့ၣ်ကွံာ်ပချၢၣ်ဒၢအထူၣ်တဖၣ်လီၤ. အဝဲသ့ၣ်အီးကွံာ်ပချၢၣ်ဒၢအထူၣ်တဖၣ်အဖံးဒီးကွံာ်ကွံာ်ဝဲ, ဒီးအဒ့တဖၣ်အိၣ်တ့ၢ်ဝါဝဲဒၣ်န့ၣ်လီၤ.

လံာ်ယိၤအ့လး 1:7 Iomraidhean Croise

စံးထီၣ်ပတြၢၤ 105:33

အဝဲမၤဟးဂီၤအသ့ၣ်စပံးမုၢ်တဖၣ်, ဒီးအချၢၣ်ဒၢထူၣ်တဖၣ်, ဒီးမၤကၢ်လီၤကွံာ်အသ့ၣ်ခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 10:14

အဝဲသ့ၣ်ဟဲဝဲအါဖုအါဂီၢ်ဒီးစီၢ်လီၤလၢကီၢ်အဲၤကူပတူးဒီ ဘ့ၣ်ညါန့ၣ်လီၤ. တၢ်န့ၣ်မ့ၢ်ဒွဲၣ်ဧိၤသကံၤဧိၤအဖုအဂီၢ်အဒိၣ်ကတၢၢ်လၢတၢ်တထံၣ် ဘၣ်တ့ၢ်အီၤနီတစုမ့ၢ်ဂ့ၤ, တဘၣ်တၢ်ထံၣ်ကဒီးအီၤနီတစုလၢၤမ့ၢ်ဂ့ၤဘၣ်န့ၣ်လီၤ.

လံာ်တၢ်ဟးထီၣ်ကွံာ် 10:15

အဝဲသ့ၣ်လုၣ်ဘၢကွံာ်ဟီၣ်ခိၣ်တုၤဒၣ်လဲာ်ဟီၣ်ခိၣ်ထီၣ်သူလၢအဃိ န့ၣ်လီၤ. အဝဲသ့ၣ်အီၣ်ကွံာ်ကယဲၢ်တၢ်အိၣ်လီၤတဲာ်တဖၣ်လၢသူၣ် တမၤဟးဂီၤအီၤ, ဃုာ်ဒီးသ့ၣ်သၣ်ခဲလၢာ်လၢသ့ၣ်တဖၣ်အလိၤန့ၣ်လီၤ. ဒီးတၢ်အဟ့အလါတအိၣ်တ့ၢ်ဘၣ်နီတမံၤလၢသ့ၣ်ဧိၤဝၣ်ဧိၤမ့ၢ်ဂ့ၤ, တၢ်မုၢ်တၢ်ဘိမ့ၢ်ဂ့ၤလၢကီၢ်အဲၤကူပတူးဒီကီၢ်ညါအပူၤဘၣ်.

လံာ်ယၡါယၤ 24:7

စပံးမုၢ်တဖၣ်ဃ့ထီကွံာ်ဝဲဒီးစပံးထံကၤဝဲလီၤ. ပှၤကိးဂၤဒဲးလၢတဘျီအသးခုန့ၣ်, အခဲအံၤသးအုးဝဲလီၤ.

လံာ်ယၡါယၤ 32:12

ဒဲလီၤသုသးနါပှၢ်တဖၣ်လၢတၢ်သူၣ်အုးသးအုး အပူၤတက့ၢ်. အဂ့ၢ်ဒ်အံၤ, စံာ်ပျီလၢဟီၣ်ခိၣ် ညၣ်ထ့ၣ်ဂ့ၤဝဲဒီးစပံးမုၢ်အလီၢ်တဖၣ်ဘၣ်တၢ်မၤ ဟးဂီၤကွံာ်အီၤလံ.

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယံးရမံယၤ 8:13

ဒ်ပှၤတဂၤပာ်ဖှိၣ်အတၢ်ကူးက့ၤအသိးန့ၣ်, ယသးအိၣ်ပာ်ဖှိၣ်က့ၤ ယပှၤဂီၢ်မုၢ်လီၤ. ဘၣ်ဆၣ်ဒီးအဝဲသ့ၣ်လီၤဂာ်ဒီးစပံးမုၢ်တမုၢ်လၢ စပံးသၣ်တအိၣ်ဘၣ်အသိး, ချၢၣ်ဒၢတထူၣ်လၢချၢၣ်ဒၢသၣ်တအိၣ် ဘၣ်အသိး, ဒီးအသၣ်တဖၣ်ဒၣ်လဲာ်ဃ့ထီကွံာ်ဝဲလံန့ၣ်လီၤ. လၢတၢ်န့ၣ်အဃိ, ယပျဲတ့ၢ်ပှၤလၢတၢ်ချၢတဖၣ်ကဟံးန့ၢ်ကွံာ် ထံကီၢ်လီၤ.

လံာ်ဟိၤၡ့ 2:12

ယကမၤဟးဂီၤကွံာ်အစပံးမုၢ်တဖၣ်ဒီးအချၢၣ်ဒၢအထူၣ်တ ဖၣ်လၢအစံးဝဲလၢပှၤလၢအအဲၣ်အီၤတဖၣ်ဟ့ၣ်တ့ၢ်အီၤလၢအဝဲမၤတၢ် ခ့တၢ်ပှၤအတၢ်မၤလၢအဝဲသ့ၣ်တဖၣ်အဂီၢ်အဃိန့ၣ်လီၤ. ယကဒုးကဲထီၣ်အစပံးလီၢ်ဒီးတၤသၣ်အလီၢ်တဖၣ်ဆူပှၢ်မုၢ်ကနၢတတီၤ, ဒီးဆၣ်ဖိကီၢ်ဖိအမံၤတဖၣ်ကမၤဟးဂီၤကွံာ်အဝဲသ့ၣ်တဖၣ်န့ၣ်လီၤ.

လံာ်ယိၤအ့လး 1:12

စပံးမုၢ်ဒီးချၢၣ်ဒၢအထူၣ်တဖၣ်လီၤညွံးလီၤဘဲကွံာ်လံ. ကယဲၢ်တၤသူတၤသၣ်အမုၢ်ခဲလၢာ်လီၤဘီဒီးသံကွံာ်လံ. ပှၤဂီၢ်မုၢ်အတၢ်သူၣ်ခုသးခုလီၤမၢ်ကွံာ်လံ.

လံာ်ဧၤမိၣ် 4:9

ယဆှၢလီၤကလံၤကိၢ်လၢကအူဃ့ထီကွံာ်သုဘုဧိၤဟုဧိၤတဖၣ်လီၤ. ဒွဲၣ်ကၤစၣ်တဖၣ်အီၣ်လၢာ်ကွံာ်ကယဲၢ်သုတၤသၣ်အလီၢ်တဖၣ်, သုစပံးမုၢ်, သုချၢၣ်ဒၢဒီးသုသ့ၣ်စၤယံးအလီၢ်န့ၣ်လီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်ဃဘးကူာ် 3:17

ချၢၣ်ဒၢမ့ၢ်တဆှိးဘၣ်ဆၣ်, တၤသၣ်မ့ၢ်တအိၣ်လၢ စပံးမုၢ်အလိၤဘၣ်ဆၣ်, သ့ၣ်စၤယံးအသၣ်မ့ၢ်လီၤဘီဘၣ်ဆၣ်, ဒီးစံာ်ဧိၤပှဲၤဧိၤမ့ၢ်တဟ့ၣ်ထီၣ်ဘုဧိၤဟုဧိၤဘၣ်ဆၣ်, ကယဲၢ်သိတဖၣ်ဒၣ်လဲာ်မ့ၢ်သံကွံာ် ဒီးဂီၤဘုၣ်ဂီၤဖံးတအိၣ်လၢကပိၤတဖၣ်အပူၤဘၣ်ဆၣ်,

လံာ်မၤလကံ 3:11

ယတပျဲတၢ်ဖိဃၢ်တဖၣ်မၤဟးဂီၤသုတၢ်မုၢ်တၢ်ဘိဘၣ်, ဒီးသုစပံးမုၢ်တဖၣ်အသၣ်တလီၤဆှုဘၣ်ဝဲဘၣ်.