လံာ်ယိၤအ့လး 1:12 - Sgaw Karen Common Bible

¹² စပံးမုၢ်ဒီးချၢၣ်ဒၢအထူၣ်တဖၣ်လီၤညွံးလီၤဘဲကွံာ်လံ. ကယဲၢ်တၤသူတၤသၣ်အမုၢ်ခဲလၢာ်လီၤဘီဒီးသံကွံာ်လံ. ပှၤဂီၢ်မုၢ်အတၢ်သူၣ်ခုသးခုလီၤမၢ်ကွံာ်လံ.

လံာ်ယိၤအ့လး 1:12 Iomraidhean Croise

စံးထီၣ်ပတြၢၤ 4:7

တၢ်သးခုလၢနဟ့ၣ်ယၤန့ၣ်, ဒိၣ်န့ၢ်အဝဲသ့ၣ် အတၢ်သးခုလၢအအိၣ်ဒီးအီၤ ဖဲအဘုဧိၤဟုဧိၤဒီးအစပံးထံအိၣ်ဝဲ အါအါဂီၢ်ဂီၢ်အခါန့ၣ်လီၤ.

စံးထီၣ်ပတြၢၤ 92:12

ပှၤတီပှၤလိၤကဂုၤထီၣ်ပသီထီၣ်ဒ်သ့ၣ်စူၣ်ပလိၣ်အသိး, ဒီးမဲထီၣ်ဒ်သ့ၣ်ဆှိအ့ရ့းလၢ လဘၤနိၣ်အသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:3

ဒ်သ့ၣ်ဖီသၣ်တထူၣ်အိၣ်လၢသ့ၣ်အဂၤတဖၣ်အကျါလၢပှၢ်ပူၤအသိးန့ၣ်, ပှၤလၢယအဲၣ်အီၤတဂၤဘၣ်တၢ်ပာ်သတြီၤအီၤဒီးပိာ်ခွါအဂၤတဖၣ် လီၤ. ယဆ့ၣ်နီၤလၢအကဒုအဖီလာ်ပှဲၤဒီးတၢ်သးခု, ဒီးအသၣ်တဖၣ်န့ၣ်ယအီၣ်ဝံၣ်ဒိၣ်မးလီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:13

ဖဲန့ၣ်တၢ်မုၢ်တၢ်ဘိတဖၣ်မဲထီၣ်ဝဲန့ၣ်လီၤ. အဝဲသ့ၣ်ဘၣ်တၢ်သူၣ်လီၤအီၤဒ်တၤသၣ်လီၢ်တပူၤအသိး, ဖဲသ့ၣ်သလဲအထူၣ်တဖၣ်မဲထီၣ်ဒီးသၣ်ထီၣ်တၤသၣ်အဂ့ၤကတၢၢ်တဖၣ် န့ၣ်လီၤ.

လံာ်ယၡါယၤ 16:10

လၢစံာ်ပျီလၢဟီၣ်ခိၣ်ညၣ်ထ့ၣ်ဂ့ၤတဖၣ်အပူၤ, ပှၤတသးခုလၢၤ နီတဂၤလၢၤဘၣ်. လၢစပံးလီၢ်တဖၣ်အပူၤပှၤကကိးပသူထီၣ် ဒီးသူၣ်ဝံၣ်သးဆၢတၢ်တအိၣ်လၢၤနီတဂၤလၢၤဘၣ်. ပှၤကယီၢ်စပံးသၣ်လၢကဒုးကဲထီၣ်စပံးထံအဂီၢ်တအိၣ်လၢၤ နီတဂၤလၢၤဘၣ်. တၢ်သးခုအတၢ်ကိးပသူထီၣ်တဖၣ် ဆိကတီၢ်အသးလံ.

လံာ်ယၡါယၤ 24:11

ပှၤဂီၢ်မုၢ်ကိးသတြီထီၣ်လၢကျဲတဖၣ်အပူၤမ့ၢ်လၢစပံးထံတအိၣ် လၢၤဘၣ်အဃိလီၤ. တၢ်သူၣ်ဖှံသးညီလဲၤပူၤကွံာ်ဝဲလီၤထူလီၤ ယိာ်ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤလၢကီၢ်ပူၤလီၤ.

လံာ်ယၡါယၤ 24:7

စပံးမုၢ်တဖၣ်ဃ့ထီကွံာ်ဝဲဒီးစပံးထံကၤဝဲလီၤ. ပှၤကိးဂၤဒဲးလၢတဘျီအသးခုန့ၣ်, အခဲအံၤသးအုးဝဲလီၤ.

လံာ်ယၡါယၤ 9:3

ယွၤဧၢ, နဟ့ၣ်တ့ၢ်အဝဲသ့ၣ်လၢတၢ်သးခုဖးဒိၣ်, ဒီးနမၤသူၣ်ဖှံသးညီတ့ၢ်အဝဲသ့ၣ်န့ၣ်လီၤ. အဝဲသ့ၣ်သးမုာ်သးခုဝဲလၢတၢ်လၢနမၤတ့ၢ်, ဒ်ပှၤသးမုာ်သးခုဝဲဖဲအဝဲသ့ၣ်ကူးက့ၤဘုခ့အကတီၢ်, မ့တမ့ၢ်, ဖဲအဝဲသ့ၣ်နီၤဟ့ၣ်လိာ်အသးလၢတၢ် ထူးတၢ်တီၤလၢအဂုာ်န့ၢ်ဝဲအကတီၢ်, အသိးန့ၣ်လီၤ.

လံာ်ယံးရမံယၤ 48:3

ဝ့ၢ်ဃိရနဲၣ်အပှၤဂီၢ်မုၢ်ကိးပသူထီၣ်ဝဲ, တၢ်မၤဆူၣ်မၤစိး, တၢ်မၤဟးဂီၤအိၣ်ထီၣ်လံ.’

လံာ်ယံးရမံယၤ 48:33

တၢ်သူၣ်ဖှံသးညီဒီး တၢ်သူၣ်ခုသးခုဘၣ်တၢ်ဟံး ထီၣ်ကွံာ်လၢ ကီၢ်မိၤအးအဟီၣ်ခိၣ်ညၣ်ထ့ၣ်အဂ့ၤ အပူၤလီၤ. ယဒုးဆိကတီၢ် စပံးထံအတၢ်ယွၤလီၤလၢ နီၣ်စံၢ်စပံးသၣ်တဖၣ်အပူၤန့ၣ်လီၤ. ပှၤတအိၣ်နီတဂၤဘၣ် လၢကယီၢ်စပံးသၣ်ဒီး ကိးထီၣ်လၢတၢ်သးခုအပူၤန့ၣ်ဘၣ်.

လံာ်ယိၤအ့လး 1:10

စံာ်ဧိၤပျီဧိၤတဖၣ်ဘၣ်တၢ်မၤဟးဂီၤကွံာ်အီၤ, ဟီၣ်ခိၣ်ဃ့ထီကွံာ်ဝဲ, မ့ၢ်လၢဘုဧိၤဟုဧိၤဘၣ်တၢ်မၤဟးဂီၤကွံာ်အီၤ, စပံးထံဃ့ထီကွံာ်ဝဲ, ဒီးသ့ၣ်စၤယံးအထံးတဖၣ်လီၤညွံးလီၤဘဲကွံာ်ဝဲဒၣ်အဃိန့ၣ်လီၤ.

လံာ်ယိၤအ့လး 1:16

ပကွၢ်တၢ်ဒ်ပှၤလၢတၢ်မၤစၢၤအီၤတအိၣ်ဘၣ်မ့ၢ်လၢ ပတၢ်မုၢ်တၢ်ဘိတဖၣ်ဘၣ်တၢ်မၤဟးဂီၤကွံာ်အီၤအဃိန့ၣ်လီၤ. ဒီးတၢ်သူၣ်ဖှံသးညီန့ၣ်တအိၣ်ဝဲဒၣ်လၢပကစၢ်ယွၤ အတၢ်လုၢ်ဟံၣ်အပူၤန့ၣ်ဘၣ်.

လံာ်ယိၤနါ 4:7

ဘၣ်ဆၣ်လၢခံတနံၤမုၢ်ဆ့ၣ်ထီၣ်ဂီၤဂီၤန့ၣ်ကစၢ် ယွၤမၤလိာ်တၢ်ဖိဃၢ်တဘိလၢကအီၣ်ကွံာ်မာ်တိဒီးအလၣ် လီၤညွံးလီၤဘဲကွံာ်ဝဲလီၤ.

လံာ်ဃးကဲ 2:19

ဘုဧိၤဟုဧိၤမ့ၢ်တအိၣ်တ့ၢ်လၢၤဘၣ်ဆၣ်, စပံးမုၢ်တဖၣ်, ချၢၣ်ဒၢအထူၣ်တဖၣ်, သ့ၣ်သလဲတဖၣ်ဒီးသ့ၣ်စၤယံးတဖၣ်မ့ၢ်တသၣ်ထီၣ်ဒံးဒၣ်လဲာ်, စးထီၣ်ခဲအံၤဒီးဆူညါန့ၣ်ယကဆိၣ်ဂ့ၤသုလီၤ.”

လံာ်မၤလကံ 3:11

ယတပျဲတၢ်ဖိဃၢ်တဖၣ်မၤဟးဂီၤသုတၢ်မုၢ်တၢ်ဘိဘၣ်, ဒီးသုစပံးမုၢ်တဖၣ်အသၣ်တလီၤဆှုဘၣ်ဝဲဘၣ်.

လံာ်တၢ်ဂံၢ် 13:23

အဝဲသ့ၣ်ဟဲတုၤလၢအ့ၡကိၤလးအတၢ်တြီၤဒီးဖဲန့ၣ်အဝဲသ့ၣ်ကျီ တဲာ်သ့ၣ်ဒ့တဒ့လၢအအိၣ်ဒီးစပံးသၣ်အချံၣ်ဖးဒိၣ်လၢအဃၢဝဲ တချံၣ်တုၤပှၤခံဂၤဘၣ်ယိးအီၤလၢသ့ၣ်တဘိလၢညါတဂၤဒီးလၢခံ တဂၤန့ၣ်လီၤ. အဝဲသ့ၣ်ဟဲက့ၤစိာ်စ့ၢ်ကီးသလဲသၣ်ဒီးချၢၣ်ဒၢသၣ်တနီၤန့ၣ် လီၤ.