လံာ်စီၤယိၤဘး 9:7 - Sgaw Karen Common Bible

⁷ အဝဲတြီဃာ်မုၢ်ဒ်သိး အသုတဟဲထီၣ်တဂ့ၤဒီး ဆၣ်တဖၣ်ဒ်သိး သုတကပီၤထီၣ်လၢ မုၢ်နၤခီတဂ့ၤ န့ၣ်သ့ဝဲလီၤ.

လံာ်စီၤယိၤဘး 9:7 Iomraidhean Croise

လံာ်စီၤယိၤဘး 37:7

အဝဲဒုးဆိကတီၢ်ကွံာ်ပှၤကညီအတၢ်မၤဒီးဒုးနဲၣ်အဝဲ သ့ၣ်တၢ်လၢအမၤဝဲသ့န့ၣ်လီၤ.

လံာ်ယၡါယၤ 13:10

ဆၣ်ကိးဖျၢၣ်ဒဲးဒီးဆၣ်ဒီတကရူၢ်ကဆိကတီၢ်လၢတၢ်ဟ့ၣ်ထီၣ်တၢ် ကပီၤအဂီၢ်လီၤ. တုၤမုၢ်ဟဲထီၣ်ဒီးတၢ်ကခံးလီၤဝဲဒီးလါတဟ့ၣ်ထီၣ်ဘၣ်တၢ်ကပီၤဘၣ်.

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်ဧၤမိၣ် 4:13

အဂ့ၢ်ဒ်အံၤ, ကွၢ်ကွၢ်, ပှၤလၢအမၤကစၢၢ်ကလိ ဒီးတ့လီၤကလံၤသီၣ်ဂီၤ, လၢအဒုးသ့ၣ်ညါပှၤကညီလၢအတၢ်ဆိကမိၣ်, လဲလိာ်မုၢ်နံၤဆူမုၢ်နၤ ဒီးယီၢ်လီၤဟီၣ်ခိၣ်အလီၢ်ထီၣ်ထီတဖၣ်န့ၣ်, မ့ၢ်ကစၢ်ယွၤ, တၢ်သုးမုၢ်ဂီၢ်မုၢ်အကစၢ်မ့ၢ်အမံၤလီၤ.

လံာ်ဧၤမိၣ် 8:9

ဒီးလၢမုၢ်တနံၤန့ၣ်, ယကဒုးလီၤနုာ်မုၢ်လၢမုၢ်ထူၣ်အကတီၢ်ဒီး မၤခံးလီၤဟီၣ်ခိၣ်ဖဲမုၢ်ဆါခီစီၣ်ဝဲၤကဲၤလီၤ. ယၤ, တၢ်စိတၢ်ကမီၤခဲလၢာ်အယွၤစံးဝဲဒၣ်.

လံာ်မးသဲ 24:29

တၢ်နးတၢ်ဖှီၣ်အမုၢ်နံၤတဖၣ်ဝံၤတဘျီဃီ, မုၢ်ကခံးလီၤဝဲ, လါတကပီၤလၢၤဘၣ်, ဒီးဆၣ်တဖၣ်ကလီၤတဲာ်ကွံာ်လၢမူခိၣ်, ဒီးတၢ်စိတၢ်ကမီၤလၢမူကပိာ်လိၤတဖၣ် ကဘၣ်တၢ်တရုၤဆှဲးဆှိးကွံာ်အီၤလၢအကျဲအကျိၤဒၣ်ဝဲအပူၤလီၤ.

လံာ်စီၤယိၤၡူ 10:12

မုၢ်တနံၤလၢယွၤဟ့ၣ်ပှၤအံၣ်စရ့လးဖိ တၢ်မၤနၢၤလၢပှၤအမိၢ်ဖိအဖီခိၣ်န့ၣ်, စီၤယိၤ ၡူကတိၤတၢ်ဒီးယွၤလၢပှၤအံၣ်စရ့လးဖိတဖၣ်အမဲာ်ညါဒီးစံးဝဲ, “မုၢ်ဧၢ, အိၣ်ဂၢၢ်တပၢၢ်လၢဝ့ၢ်ကံးဘိၣ်အဖီခိၣ်ဒီးလါဧၢ, အိၣ်ကတီၢ်လၢအးယၤလိၣ်အကစၢၢ်ကဆူးအဖီခိၣ်န့ၣ်တက့ၢ်.”

လံာ်စီၤယိၤၡူ 10:13

ဒီးမုၢ်န့ၣ်အိၣ်ဂၢၢ်တပၢၢ်ဒီးလါန့ၣ်အိၣ်ကတီၢ်ဝဲ တုၤလီၤလၢပှၤဂီၢ်မုၢ်မၤနၢၤကွံာ်အဒုၣ်အဒါတဖၣ်န့ၣ်လီၤ. တၢ်ဂ့ၢ်အံၤကွဲးအသးလၢလံာ်ယၤၡၣ်အပူၤလၢမုၢ်န့ၣ် ဆၢထၢၣ်ဂၢၢ်တပၢၢ်လၢမူခိၣ်အသးကံၢ်ပူၤဒီးဒီနံၤညါန့ၣ် တလီၤနုာ်ဝဲဘၣ်.