လံာ်စီၤယိၤဘး 9:5 - Sgaw Karen Common Bible

⁵ လၢတၢ်တတဲပလီၢ်ပာ်စၢၤအပူၤအဝဲသုးကွံာ်ကစၢၢ်ကလိ တဖၣ်ဒီးလၢတၢ်သးထီၣ်အပူၤမၤဟးဂီၤကွံာ်အဝဲသ့ၣ်န့ၣ်လီၤ.

လံာ်စီၤယိၤဘး 9:5 Iomraidhean Croise

လံာ်စီၤယိၤဘး 26:6

တၢ်သံအကီၢ်အိၣ်အိးထီၣ်အသးလၢကစၢ်ယွၤအမဲာ်ညါဒီး တၢ်လၢကမၤဘၢအီၤလၢယွၤအမဲာ်ညါတအိၣ်နီတမံၤဘၣ်.

လံာ်စီၤယိၤဘး 28:9

ပှၤကညီခူၣ်န့ၢ်လၢၢ်ဧိၤလ့ဧိၤလၢအကိၤကတၢၢ်ဒီးခူၣ်ကွံာ် ကစၢၢ်လၢအဂံၢ်ထံးန့ၣ်လီၤ.

လံာ်စီၤယိၤဘး 34:25

မ့ၢ်လၢအဝဲသ့ၣ်ညါတၢ်လၢ အဝဲသ့ၣ်မၤဝဲတဖၣ် အဃိအဝဲပာ်လီၤကွံာ်အဝဲသ့ၣ်ဒီး မၤလီၤသဘှံးကွံာ်အီၤလၢ မုၢ်နၤခီန့ၣ်လီၤ.

လံာ်စီၤယိၤဘး 40:11

ကွၢ်ပှၤတဖၣ်လၢအပာ်ထီၣ်ထီအသးန့ၣ်တက့ၢ်. ဂၢ်လီၤနတၢ်သးထီၣ်ဆူၣ်ဆူၣ်ကလဲာ်, ဒီးဆီၣ်လီၤကွံာ်အဝဲသ့ၣ် တက့ၢ်.

လံာ်စီၤယိၤဘး 41:11

မတၤထီဒါအီၤဒီးပူၤဖျဲးကသ့ဒံးတဂၤလဲၣ်. ပှၤတအိၣ်ဘၣ်နီ တဂၤလၢဟီၣ်ခိၣ်ချၢဒီဘ့ၣ်ညါဒ်သိးအမၤတၢ်အံၤကသ့န့ၣ်ဘၣ်.

စံးထီၣ်ပတြၢၤ 114:6

ကစၢၢ်သ့ၣ်ဧၢ, သုစံၣ်ဖှံသလိးဒ်သိဖါတဖၣ်အသိး, တၢ်စိခိၣ်သ့ၣ်ဧၢ, သုစံၣ်တၢ်ဒ် သိဖိတဖၣ်အသိးန့ၣ်ဘၣ်မနုၤလဲၣ်.

စံးထီၣ်ပတြၢၤ 46:2

မၤသးဒ်န့ၣ်ဒီးဟီၣ်ခိၣ်မ့ၢ်လဲလိာ်အသးဘၣ်ဆၣ်, ကစၢၢ်ကလိတဖၣ်မ့ၢ်ဟူးဝးဝဲလၢ ပီၣ်လဲၣ်အသးကံၢ်ပူၤဘၣ်ဆၣ်,

စံးထီၣ်ပတြၢၤ 68:8

ဟီၣ်ခိၣ်ဆှဲးဆှိးဝဲဒီး မူခိၣ်ဒုးစူၤလီၤတၢ်, လၢကစၢ်ယွၤ လၢအမ့ၢ်ကစၢၢ်စံၤနါအကစၢ်, အကစၢ်ယွၤလၢအမ့ၢ် အံၣ်စရ့လးအကစၢ်ယွၤအမဲာ်ညါန့ၣ်လီၤ.

လံာ်ယၡါယၤ 40:12

မ့ၢ်ပှၤထိၣ်ပီၣ်လဲၣ်လၢအစုညါသးတဖၣ်အပူၤ သ့တဂၤဂၤဧါ, မ့တမ့ၢ်ဘၣ်ဒီးထိၣ်မူခိၣ်လၢအစုတဖၣ်သ့တဂၤဂၤဧါ. မ့ၢ်ပှၤစိာ်ဟီၣ်ခိၣ်ဒီဘ့ၣ်အကမူၣ်လၢလီခီတဖျၢၣ်အပူၤ မ့ၢ်ဂ့ၤ, စီၤဝဲကစၢၢ်တဖၣ်ဒီးတၢ်လူၢ်တဖၣ်လၢစီၤပီၢ်ပူၤမ့ၢ်ဂ့ၤ သ့တဂၤဂၤဧါ.

လံာ်နၤဃူၣ် 1:5

ကစၢၢ်ကလိတဖၣ်ဟူးဝးဆှဲးဆှိး ဒီးတၢ်လူၢ်ဒီခိၣ်တဖၣ်ပှံၢ်ထီၣ်ကွံာ်ဝဲလၢယွၤ အမဲာ်ညါန့ၣ်လီၤ. ဟီၣ်ခိၣ်ဟူးဝးဖဲယွၤလီၣ်ဖျါထီၣ်အသး, ဟီၣ်ခိၣ်ဒီးအပှၤဂီၢ်မုၢ်ခဲလၢာ်ကနိးကစုာ်ဝဲဒၣ်န့ၣ်လီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်ဃဘးကူာ် 3:10

တုၤကစၢၢ်ကလိတဖၣ်ထံၣ်ဃီၤနၤဒီးကနိးကစုာ်တ့ၢ်ဝဲ, ဒီးထံဂၢ်လီၤတ့ၢ်အသးလၢ မူခိၣ်အလီၢ်တဖၣ်အပူၤန့ၣ်လီၤ. ထံလၢဟီၣ်ခိၣ်လာ်တဖၣ်သီၣ်ထီၣ်ရုၢ်ရုၢ် ဒီးအလပီတဖၣ်ထီၣ်ထီဝဲလီၤ.

လံာ်ဃဘးကူာ် 3:6

တုၤအအိၣ်ကတီၢ်ဒီးဟီၣ်ခိၣ်ဟူးဝးဝဲ, ကွၢ်ဃီၤတၢ်ဒီးပှၤကလုာ်တဖၣ်ကနိးကစုာ်န့ၣ်လီၤ. ကစၢၢ်ကလိအထူအယိာ်တဖၣ်သ့ၣ်ဖးလီၤကလဲ, တၢ်စိခိၣ်အထူအယိာ်တဖၣ်, တၢ်စိခိၣ်လၢအယီၢ်လီၤတ့ၢ်ဝဲလၢပျၢၤလၢကစၢၤ သ့ၣ်တဖၣ်လီၤယၢၣ်ကွံာ်ဝဲလီၤ.

လံာ်စကၤရယၤ 4:7

တၢ်မၤတံာ်တၢ်တဖၣ်မ့ၢ်ဒိၣ်ထဲသိးကစၢၢ်တဖၣ်ဘၣ်ဆၣ် ကဟါမၢ်ကွံာ်လၢနမဲာ်ညါလီၤ. နကဘှီထီၣ်ကဒါက့ၤတၢ်လုၢ်ဟံၣ်, ဒီးဖဲနပာ်လီၤလၢၢ်လၢခံကတၢၢ်တဖျၢၣ်လၢအလီၢ်န့ၣ်, ပှၤဂီၢ်မုၢ်ကကိးထီၣ်ဝဲ, ဃံလၤမးလဲၣ်, ဃံလၤမးလဲၣ်န့ၣ် လီၤ.”

လံာ်မးသဲ 21:21

ယ့ၣ်ၡူးစံးဆၢအဝဲသ့ၣ်ဒီးစံး, “နာ်ယၤတက့ၢ်. ယစံးဘၣ်တဲဘၣ်သု, သုမ့ၢ်အိၣ်ဒီးတၢ်နာ်ဒီးသုသးမ့ၢ်တဒ့ဒီဘၣ်န့ၣ်, တၢ်လၢယမၤဘၣ်ချၢၣ်ဒၢအံၤသုမၤကသ့ဒီးအါန့ၢ်အန့ၣ်သုမ့ၢ်စံးဘၣ် ကစၢၢ်အံၤ, ‘သုးကွံာ်နသးဒီးတ့ၢ်လီၤကွံာ်နသးဆူပီၣ်လဲၣ်ပူၤတက့ၢ်’ န့ၣ်, ကမၤအသးလီၤ.

လံာ်မးသဲ 27:51

တုၤနုၤတစု, ယၣ်ဘျးသဒၢလၢအအိၣ်စဲၤလီၤအသးလၢတၢ်လုၢ်ဟံၣ်ပူၤတဘ့ၣ်န့ၣ်, ယာ်ကွံာ်ခံခီစးထီၣ်လၢအခိၣ်ပၢၢ်လၢအခီၣ်ထံးလီၤ. ဟီၣ်ခိၣ်ဟူးဝဲ, လၢၢ်ဧိၤလ့ဧိၤတဖၣ်သ့ၣ်မုၢ်သ့ၣ်ဖးကွံာ်,

လံာ်လူၤကၣ် 21:11

ဟီၣ်ခိၣ်ကဟူးဝဲအဒိၣ်အမုၢ်, တၢ်သၣ်ဝံၤလီၤဒိဒီးတၢ်ဆါသံသတြိာ် တဖၣ်ကအိၣ်ထီၣ်ဝဲအဒိၣ်အမုၢ်လၢတၢ်လီၢ်ကိးပူၤဒဲးလီၤ. တၢ်လီၤပျံၤလီၤဖုးဒီးတၢ်ပနီၣ်အဒိၣ်အသွါတဖၣ်ကအိၣ်ဖျါထီၣ်ဝဲလၢမူ ကပိာ်လိၤလီၤ.

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

လံာ်လီၣ်ဖျါ 11:13

တကတီၢ်ဃီဖဲန့ၣ်ဟီၣ်ခိၣ်ဟူးဝးဝဲဒၣ်ဆူၣ်ဆူၣ်ကလဲာ်, ဝ့ၢ်အဆံဆဲၣ်ပူဘၣ်တၢ်မၤဟးဂီၤကွံာ်အီၤ, ဒီးပှၤအဂၤနွံကထိ သံကွံာ်ဝဲဒၣ်လီၤ. ပှၤအိၣ်လီၤတဲာ်တ့ၢ်တဖၣ်အသူၣ်ပျံၤသးဖုး ဒီးစံးထီၣ်ပတြၢၤကစၢ်ယွၤလၢမူခိၣ်တဂၤအတၢ်ဒိၣ်တၢ်မုၢ် န့ၣ်လီၤ.

လံာ်လီၣ်ဖျါ 6:14

မူကပိာ်လိၤလီၤမၢ်ကွံာ်ဝဲဒ်လံာ်ထူတဘ့ၣ်ဘၣ်တၢ်ထူထီၣ် က့ၤအီၤအသိး, ဒီးကစၢၢ်ကိးဖျၢၣ်ဒဲးဒီးကီးကိးဖျၢၣ်ဒဲးဘၣ် တၢ်သုးကွံာ်အီၤလၢအလီၢ်န့ၣ်လီၤ.