လံာ်စီၤယိၤဘး 9:3 - Sgaw Karen Common Bible

³ မ့ၢ်မတၤကတိၤဂ့ၢ်လိာ်တၢ်ဒီးအီၤကသ့တဂၤန့ၣ်လဲၣ်. အဝဲသံကွၢ်တၢ်သံကွၢ်လၢအကထိလၢပှၤစံးဆၢကသ့တအိၣ် နီတဂၤဘၣ်န့ၣ်လီၤ.

လံာ်စီၤယိၤဘး 9:3 Iomraidhean Croise

လံာ်စီၤယိၤဘး 10:2

ကစၢ်ယွၤဧၢ, စံၣ်ညီၣ်လၢ်ယၤတဂ့ၤ. စံးဘၣ်ယၤ, တၢ်ကမၣ်လၢအဘၣ်တၢ်ပာ်လီၤထီဒါယၤန့ၣ်မ့ၢ် မနုၤလဲၣ်န့ၣ်တက့ၢ်.

လံာ်စီၤယိၤဘး 13:19

ကစၢ်ယွၤဧၢ, မ့ၢ်နဟဲလၢနကပာ်တၢ်ကမၣ်လၢယလိၤန့ၣ်ဧါ. မ့မ့ၢ်ဒ်န့ၣ်ဒီးယအိၣ်ကတဲာ်ကတီၤယသးလၢယကအိၣ်ဘှီၣ်ဒီး သံန့ၣ်လီၤ.

လံာ်စီၤယိၤဘး 33:13

နကဒူးကဒ့ၣ်လၢကစၢ်ယွၤအလိၤဒီးစံးလၢအတစံးဆၢဘၣ် ပှၤကညီအတၢ်ကတိၤနီတဘျီဘၣ်န့ၣ်, မ့ၢ်အဘၣ်မနုၤလဲၣ်.

လံာ်စီၤယိၤဘး 34:23

ကစၢ်ယွၤပာ်လီၤတၢ်ဆၢကတီၢ်လၢပှၤကညီကဘၣ်လဲၤဒီး ဒိးဘၣ်တၢ်စံၣ်ညီၣ်လၢအီၤန့ၣ်အလီၢ်တအိၣ်ဘၣ်.

လံာ်စီၤယိၤဘး 40:5

ယစံးတ့ၢ်တၢ်အါန့ၢ်ဒံးတၢ်လၢယကြၢးစံးယဲဒၣ်န့ၣ်လီၤ.

လံာ်စီၤယိၤဘး 9:14

မၤသးဒ်န့ၣ်ဒီးမ့ၢ်ယကစံးဆၢက့ၤကစၢ်ယွၤလၢတၢ်ကတိၤဒ် လဲၣ်တဖၣ်လဲၣ်.

လံာ်စီၤယိၤဘး 9:20

ယမ့ၢ်တီမ့ၢ်လိၤဒၣ်လဲာ်ယထးခိၣ်ကစံၣ်ညီၣ်က့ၤယၤ, ယမ့ၢ်ပှၤလၢတၢ်ပာ်တၢ်ကမၣ်အလီၢ်တအိၣ်ဘၣ်ဆၣ်အဝဲကပာ် ဖျါဝဲဒၣ်လၢယမ့ၢ်ပှၤလၢအလူၤယသးဒၣ်ယဲန့ၣ်လီၤ.

စံးထီၣ်ပတြၢၤ 19:12

ပှၤထံၣ်သ့ၣ်ညါအတၢ်ကမၣ်ဒၣ်ဝဲ တသ့နီတဂၤဘၣ်. ယွၤဧၢ, မၤကဆှီယၤလၢ တၢ်ကမၣ်ခူသူၣ်တဖၣ်န့ၣ်တက့ၢ်.

စံးထီၣ်ပတြၢၤ 40:12

ယဘၣ်တၢ်ကဝီၤဃာ်ယၤလၢတၢ်ကိၢ်တၢ်ဂီၤတဖၣ် ဒီးအါဝဲဒိၣ်မးလၢယကဂံၢ်အီၤဒၣ်လဲာ်န့ၣ်လီၤ. ယတၢ်ဒဲးဘးသ့ၣ်တဖၣ်ချုးန့ၢ်ယၤ ဒီးယတထံၣ်တၢ်လၢၤဘၣ်. အဝဲသ့ၣ်အါန့ၢ်ဒံးယခိၣ်သူအဘိတဖၣ် ဒီးယတၢ်သူၣ်ဒူသးဒူလီၤမၢ်န့ၢ်ယၤလီၤ.

ရိမ့ၤ 9:20

ဘၣ်ဆၣ်ဒီးပှၤကညီနၤဧၢ, နမ့ၢ်မတၤတဂၤလၢအကကတိၤ ဆၢက့ၤကစၢ်ယွၤန့ၣ်လဲၣ်. သပၢၤဟီၣ်ခိၣ်တဖျၢၣ်တသံကွၢ် က့ၤပှၤလၢအတ့အီၤတဂၤ, “ဘၣ်မနုၤအဃိနတ့ယၤဒ်အံၤလဲၣ်” န့ၣ်ဘၣ်.

၁ ယိၤဟၣ် 1:8

ပမ့ၢ်စံးလၢပတၢ်ဒဲးဘးတအိၣ်နီတမံၤဘၣ်ဒီး, မ့ၢ်ပလီလီၤပသးဒီးတၢ်မ့ၢ်တၢ်တီတအိၣ်လၢပပူၤဘၣ်.

၁ ယိၤဟၣ် 3:20

အဂ့ၢ်ဒ်အံၤ, ပသးမ့ၢ်စံၣ်ညီၣ်ပှၤဒီး, ပသ့ၣ်ညါလၢကစၢ်ယွၤ န့ၣ်ဒိၣ်န့ၢ်ပသးတက့ၢ်ဒီးလၢအဝဲဒၣ်သ့ၣ်ညါတၢ်ခဲလၢာ် န့ၣ်လီၤ.