လံာ်စီၤယိၤဘး 9:21 - Sgaw Karen Common Bible

²¹ ယတၢ်ကမၣ်မ့ၢ်တအိၣ် ဒၣ်လဲာ်န့ၣ်, ယတကိၢ်တၢ်လၢ ယဂီၢ်ဒၣ်ယဲဘၣ်. ယသးဘၣ်အၢလီၤက့ၤယတၢ်အိၣ်မူဒၣ်ယဲလီၤ.

လံာ်စီၤယိၤဘး 9:21 Iomraidhean Croise

လံာ်စီၤယိၤဘး 1:1

ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.

လံာ်စီၤယိၤဘး 10:7

နသ့ၣ်ညါလၢယတမ့ၢ်ဘၣ်ပှၤအိၣ်ဒီးတၢ်ကမၣ်ဒီးပှၤမၤပူၤဖျဲး ယၤလၢနစုပူၤသ့တအိၣ်နီတဂၤဘၣ်.

လံာ်စီၤယိၤဘး 12:4

ခဲကနံၣ်အံၤယတံၤသကိးတဖၣ်ဒၣ်လဲၣ်နံၤဘၣ်ယၤလီၤ. ယမ့ၢ်ပှၤတီပှၤလိၤဒီးပှၤပာ်ဒ့ၣ်ပာ်ကမၣ်အလီၢ်တအိၣ်ဘၣ် သနာ်က့အဝဲသ့ၣ်နံၤဘၣ်ယၤလီၤ. ဘၣ်ဆၣ်အဆၢအကတီၢ်အိၣ် ဝဲဒၣ်လၢကစၢ်ယွၤစံးဆၢယတၢ်ထုကဖၣ်တဖၣ်န့ၣ်လီၤ.

လံာ်စီၤယိၤဘး 13:18

ယအိၣ်ကတဲာ်ကတီၤယသးလၢယကပာ်ဖျါထီၣ်ယတၢ်ဂ့ၢ် တၢ်ကျိၤန့ၣ်လီၤ. အဂ့ၢ်ဒ်အံၤယသ့ၣ်ညါလၢယအိၣ်လၢ တၢ်အဘၣ်တခီန့ၣ်လီၤ.

လံာ်စီၤယိၤဘး 33:9

ယကဆှီယဲ, ယတၢ်ကမၣ်တအိၣ်ဘၣ်. ယစီယဲဒီးတၢ်ဒဲးဘး တအိၣ်လၢယပူၤန့ၣ်ဘၣ်.

လံာ်စီၤယိၤဘး 6:9

မ့ၢ်အသးအိၣ်ဒၣ်ထဲလၢကမၤသံယၤန့ၣ်ဧါ. ကပျၢ်စုပျၢ်ခီၣ်ဒီး ဒီၣ်တဲာ်ကွံာ်ယၤန့ၣ်ဧါ.

လံာ်စီၤယိၤဘး 7:21

နပျၢ်ယတၢ်ဒဲးဘးတသ့လၢၤဘၣ်ဧါ. နကွၢ်ကပာ်ကွံာ်တၢ်ကမၣ် လၢယမၤဘၣ်အီၤတသ့ဘၣ်ဧါ. တယံာ်ဘၣ်ဒီးယကအိၣ်ယဲလၢ ယသွၣ်ခိၣ်အပူၤဒီးဖဲနဃုယၤန့ၣ်ယတအိၣ်လၢၤဘၣ်.

လံာ်စီၤယိၤဘး 9:15

ယမ့ၢ်တီမ့ၢ်လိၤဘၣ်ဆၣ်ဒီးတၢ်လၢယမၤသ့ခဲလၢာ်န့ၣ်မ့ၢ်ဒၣ် ယတၢ်ဃ့တၢ်သူၣ်ကညီၤသးကညီၤလၢကစၢ်ယွၤ, ယပှၤစံၣ်ညီၣ်ကွီၢ်န့ၣ်လီၤ.

တၢ်ကတိၤဒိ. 28:26

တၢ်ပိာ်ထွဲနသးအတၢ်ဆိကမိၣ်ဒၣ်နဲန့ၣ်မ့ၢ်တၢ်မၢးလီၤ. ပိာ်ထွဲပှၤကူၣ်တၢ်သ့တဖၣ်အတၢ်သိၣ်လိတက့ၢ်. အန့ၣ်ဒီး, နကပူၤဖျဲးလီၤ.

1 ကရံၣ်သူး 4:4

ယသးလၢအသ့ပဲာ်ဖးနီၤဖးတၢ်ဂ့ၤဒီးတၢ်အၢအဆၢဖျါဆှံကစီဒီလီၤ. ဘၣ်ဆၣ်ဒီးအဝဲန့ၣ်တမၤဖျါလၢယတၢ်ဒဲးဘးတအိၣ်စဲဃဲၤနီၢ်နီၢ် န့ၣ်ဘၣ်. ကစၢ်မ့ၢ်ပှၤလၢအစံၣ်ညီၣ်ထိၣ်ကွၢ်တဲာ်ကွၢ်ယၤလီၤ.

၁ ယိၤဟၣ် 3:20

အဂ့ၢ်ဒ်အံၤ, ပသးမ့ၢ်စံၣ်ညီၣ်ပှၤဒီး, ပသ့ၣ်ညါလၢကစၢ်ယွၤ န့ၣ်ဒိၣ်န့ၢ်ပသးတက့ၢ်ဒီးလၢအဝဲဒၣ်သ့ၣ်ညါတၢ်ခဲလၢာ် န့ၣ်လီၤ.