လံာ်စီၤယိၤဘး 9:20 - Sgaw Karen Common Bible

²⁰ ယမ့ၢ်တီမ့ၢ်လိၤဒၣ်လဲာ်ယထးခိၣ်ကစံၣ်ညီၣ်က့ၤယၤ, ယမ့ၢ်ပှၤလၢတၢ်ပာ်တၢ်ကမၣ်အလီၢ်တအိၣ်ဘၣ်ဆၣ်အဝဲကပာ် ဖျါဝဲဒၣ်လၢယမ့ၢ်ပှၤလၢအလူၤယသးဒၣ်ယဲန့ၣ်လီၤ.

လံာ်စီၤယိၤဘး 9:20 Iomraidhean Croise

လံာ်စီၤယိၤဘး 1:1

ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.

လံာ်စီၤယိၤဘး 10:15

ယမ့မ့ၢ်ပှၤလၢအတၢ်ကမၣ်အိၣ်ဒီးယဘၣ်အဖှီၣ်လီၤ. ယတၢ်ကမၣ်မ့ၢ်တအိၣ်ဒၣ်လဲာ်, ယမိာ်ထီၣ်ယခိၣ်တသ့ဘၣ်. အဂ့ၢ်ဒ်အံၤယပှဲၤဒီးတၢ်မဲာ်ဆှးဒီးယဘၣ်တၢ်လုၣ်ဘၢယၤလၢ ယတၢ်နးတၢ်ဖှီၣ်လီၤ.

လံာ်စီၤယိၤဘး 14:17

နကပျၢ်ကွံာ်ယတၢ်ဒဲးဘးတဖၣ်ဒီးသုးယံၤကွံာ်အီၤန့ၣ်လီၤ. နကတြူာ်ကွံာ်တၢ်ကမၣ်တဖၣ်လၢယမၤတ့ၢ်ခဲလၢာ်န့ၣ်လီၤ.

လံာ်စီၤယိၤဘး 34:35

စီၤယိၤဘးကတိၤတၢ်လၢတၢ်သ့ၣ်ညါနၢ်ပၢၢ်တအိၣ်ဘၣ်အပူၤ, ဒီးအတၢ်ကတိၤတဖၣ်န့ၣ်အခီပညီတအိၣ်ဘၣ်.

လံာ်စီၤယိၤဘး 35:16

နကတိၤတၢ်ဆူညါန့ၣ်အဘျုးတအိၣ်လၢနဂီၢ်ဘၣ်. အိၣ်ဖျါလၢ နတနၢ်ပၢၢ်တၢ်လၢနကတိၤအီၤန့ၣ်ဘၣ်.

လံာ်စီၤယိၤဘး 4:17

“ပှၤကညီလၢအသံသ့န့ၣ်ကတီကလိၤဝဲလၢကစၢ်ယွၤအမဲာ်ညါ ဘၣ်ကသ့ဧါ. ပှၤကညီကကဆှီဝဲလၢပှၤလၢအတ့လီၤအီၤ အမဲာ်ညါဘၣ်ကသ့ဧါ.”

လံာ်စီၤယိၤဘး 9:15

ယမ့ၢ်တီမ့ၢ်လိၤဘၣ်ဆၣ်ဒီးတၢ်လၢယမၤသ့ခဲလၢာ်န့ၣ်မ့ၢ်ဒၣ် ယတၢ်ဃ့တၢ်သူၣ်ကညီၤသးကညီၤလၢကစၢ်ယွၤ, ယပှၤစံၣ်ညီၣ်ကွီၢ်န့ၣ်လီၤ.

လံာ်စီၤယိၤဘး 9:28

ယပျံၤဒံးဒၣ်ယတၢ်နးတၢ်ဖှီၣ်တဖၣ်, မ့ၢ်လၢယသ့ၣ်ညါ လၢနတပျၢ်ယတၢ်ကမၣ်ဒံးဘၣ်အဃိန့ၣ်လီၤ.

လံာ်စီၤယိၤဘး 9:29

မ့ၢ်လၢယတၢ်ကမၣ် ဘၣ်တၢ်စၢဃာ်အီၤ အဃိဒီး ဘၣ်မနုၤယဘၣ်မၤတံာ်တာ်ယသးန့ၣ်လဲၣ်.

စံးထီၣ်ပတြၢၤ 130:3

ယွၤဧၢ, နမ့ၢ်ကွဲးနီၣ်ပတၢ်ဒဲးဘးတဖၣ်ဒီး မ့ၢ်မတၤပူၤဖျဲးလၢ တၢ်စံၣ်ညီၣ်ကသ့တဂၤလဲၣ်.

စံးထီၣ်ပတြၢၤ 143:2

ပျဲယၤ, နခ့နပှၤ ဘၣ်တၢ်လိာ်ကွီၢ်တဂ့ၤ. လၢနမဲာ်ညါပှၤလၢအတၢ်ကမၣ်တအိၣ်ဘၣ်န့ၣ် တအိၣ်နီတဂၤဘၣ်.

တၢ်ကတိၤဒိ. 10:19

နတၢ်ကတိၤဒံးအါ, နမၤဒဲးဘးတၢ်ကဒံးအါတက့ၢ်လီၤ. နမ့မ့ၢ်ပှၤလၢအကူၣ်တၢ်သ့ဒီးနကအိၣ်ဘှ့ၣ်အိၣ်ဘှီၣ်န့ၣ်လီၤ.

တၢ်ကတိၤဒိ. 17:20

ပှၤတဂၤလၢအဆိကမိၣ်ဒီးကတိၤတၢ်အၢတၢ်သီန့ၣ်, မုၢ်လၢ်ဝဲသ့ဒၣ်ထဲကထံၣ်န့ၢ်တၢ်နးတၢ်ဖှီၣ်ဒီးထံၣ်န့ၢ်တၢ် အဂ့ၤတသ့ဘၣ်နီတမံၤဘၣ်.

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်လူၤကၣ် 10:29

ဘၣ်ဆၣ်ဒီး, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤအံၤသးအိၣ် ပာ်တီပာ်လိၤအသးသတးဒီးသံကွၢ်ယ့ၣ်ၡူး, “ပှၤလၢယဃၢၤမ့ၢ်မတၤတဂၤလဲၣ်.”

လံာ်လူၤကၣ် 16:15

ယ့ၣ်ၡူးစံးဘၣ်အဝဲသ့ၣ်, “သုမ့ၢ်ပှၤတဖၣ်လၢအမၤဖျါအသးဒ် အတီဝဲလိၤဝဲ, လၢပှၤကညီအမဲာ်ညါ, ဘၣ်ဆၣ်ဒီးကစၢ်ယွၤသ့ၣ်ညါသုသူၣ်သုသးလီၤ. အဂ့ၢ်ဒ်အံၤ, တၢ်လၢပှၤကညီဆိကမိၣ်လၢ အအိၣ်ဒီးအလုၢ်အပှ့ၤဖးဒိၣ်န့ၣ်, လၢကစၢ်ယွၤအမဲာ်ညါ မ့ၢ်တၢ်လၢအလီၤသးဘၣ်အၢန့ၣ်လီၤ.

၁ တံၤမသ့း 6:5

ဒီးတၢ်ဂ့ၢ်လိာ်ဘှီလိာ်တထံၣ်ဃီလၢပှၤလၢအတဆိကမိၣ်ဆိ ကမးတၢ်ဒီးလၢအတအိၣ်လၢၤဒီးတၢ်မ့ၢ်တၢ်တီတဖၣ်အသိး အကျါန့ၣ်လီၤ. အဝဲသ့ၣ်ဆိကမိၣ်ဝဲလၢတၢ်ဘူၣ်တၢ်ဘါမ့ၢ်ကျဲ တဘိလၢပှၤကထူးထီၣ်တီၤထီၣ်အဂီၢ်န့ၣ်လီၤ.

ယၤကိာ် 3:2

ပဝဲခဲလၢာ်ပမၤကမၣ်တၢ်တလီၢ်လီၢ်လီၤ. ဘၣ်ဆၣ်ဒီး, ပှၤတဂၤမ့ၢ်တမၤကမၣ်တၢ်ခီဖျိအတၢ်ကလုၢ်ကတိၤအပူၤနီ တဘျီဘၣ်ဒီး, အဝဲဒၣ်မ့ၢ်ပှၤအလၢအပှဲၤတဂၤဒီးသ့ပၢၤစ့ၢ်ကီး အနီၢ်ဒီဂၤညါန့ၣ်လီၤ.