လံာ်စီၤယိၤဘး 9:17 - Sgaw Karen Common Bible

¹⁷ လၢတၢ်ဂ့ၢ်တၢ်ကျိၤတအိၣ်ဘၣ်နီတမံၤအပူၤအဝဲဆှၢလီၤကလံၤ မုၢ်တဖၣ်လၢကတီၢ်ယၤဒီးမၤသဘှံးယၤလီၤ.

လံာ်စီၤယိၤဘး 9:17 Iomraidhean Croise

လံာ်စီၤယိၤဘး 10:8

နစုတ့ယၤဒီးသိယၤလီၤ. ဒီးခဲကနံၣ် နစုဒၣ်နဲမၤဟးဂီၤ ကွံာ်ယၤလီၤ.

လံာ်စီၤယိၤဘး 16:12

ယအိၣ်မုာ်မုာ်လီၤ. ဘၣ်ဆၣ်ဒီးကစၢ်ယွၤစှီၤယၤလၢယကိာ်ယူၢ်ဒီး တီၢ်ယၤဒီးမၤသဘှံးယၤန့ၣ်လီၤ. ကစၢ်ယွၤသူယၤဒ်ပှၤခးဒိး တၢ်အပနီၣ်,

လံာ်စီၤယိၤဘး 16:14

အဝဲမၤဆါယၤတဘျီဝံၤတဘျီ, ဒီးထီဒါယၤဒ်ပှၤသုးဖိ တဂၤလၢအသးပျူၢ်ထီၣ်လၢတၢ်သးဒိၣ်အဃိအသိးန့ၣ်လီၤ.

လံာ်စီၤယိၤဘး 16:17

မ့မ့ၢ်တၢ်စုဆူၣ်ခီၣ်တကးအတၢ်မၤတအိၣ်ဘၣ်လၢယစုပူၤနီတမံၤ ဘၣ်. ဒီးယတၢ်ထုကဖၣ်န့ၣ်ကဆှီဝဲလီၤ.

လံာ်စီၤယိၤဘး 2:13

ဒီးအဝဲသ့ၣ်ဆ့ၣ်နီၤဃုာ်ဒီးအီၤလၢဟီၣ်ခိၣ်လိၤနွံနံၤဒီး နွံနၤ, ဒီးတကတိၤတၢ်ဒီးအီၤနီတဂၤဘၣ်. အဂ့ၢ်ဒ်အံၤအဝဲသ့ၣ် ထံၣ်ဘၣ်ဝဲလၢအတၢ်နးတၢ်ဖှီၣ်ဒိၣ်နီၢ်မးန့ၣ်လီၤ.

လံာ်စီၤယိၤဘး 2:3

ဒီးယွၤစံးဘၣ်မုၣ်ကီၤလံၢ်, “မ့ၢ်နကွၢ်ထံယခ့ယပှၤစီၤယိၤဘး တဂၤလၢနသးစ့ၢ်ကီးဧါ. လၢဟီၣ်ခိၣ်ချၢန့ၣ်ပှၤအတီအလိၤဒီး ပှၤဂ့ၤဒ်သိးအီၤတအိၣ်ဘၣ်နီတဂၤဘၣ်. မ့ၢ်ပှၤပျံၤယွၤဒီးဟး ဆှဲးတၢ်အၢတဂၤလီၤ. နထိၣ်ဂဲၤတ့ၢ်ယၤဒ်သိးယကထီဒါအီၤ, မၤဟးဂီၤအီၤကလီကလီဘၣ်ဆၣ်ဒီးအဝဲဟံးဃာ်ဒံးအတၢ်တီတၢ် လိၤဂၢၢ်ဂၢၢ်ကျၢၤကျၢၤန့ၣ်လီၤ.”

လံာ်စီၤယိၤဘး 2:7

အန့ၣ်ဒီးမုၣ်ကီၤလံၢ်ဟးထီၣ်ဝဲလၢယွၤအမဲာ်ညါဒီးမၤနးမၤ ဖှီၣ်စီၤယိၤဘးလၢတၢ်ဝ့အၢစးထီၣ်လၢအခီၣ်ညါသးတုၤလၢ အခိၣ်ထံလီၤ.

လံာ်စီၤယိၤဘး 30:22

နပျဲကလံၤအူဖျိးကွံာ်ယၤဒီးနထုးဆှဲးဆှိးယၤလၢကလံၤမုၢ် ဒိၣ်အပူၤန့ၣ်လီၤ.

လံာ်စီၤယိၤဘး 33:10

ဘၣ်ဆၣ်ဒီးကစၢ်ယွၤဃုထံၣ်တၢ်ဂ့ၤတဖၣ်လၢကထီဒါယၤဒီး ပာ်ယၤဒ်အဒုၣ်အဒါအသိးန့ၣ်လီၤ.

လံာ်စီၤယိၤဘး 34:6

အဝဲသံကွၢ်ဝဲ, ယကလီတၢ်ဒီးစံးလၢယမ့ၢ်ပှၤမၤကမၣ်တၢ် န့ၣ်ကသ့ဒ်လဲၣ်. ယတူၢ်ဘၣ်တၢ်မၤဘၣ်ဒိဆါယၤတုၤယ သံသ့ဘၣ်ဆၣ်ယတၢ်ဒဲးဘးတအိၣ်ဘၣ်.

လံာ်စီၤယိၤဘး 9:16

အဝဲမ့ၢ်ပျဲယစံးကတိၤတၢ်ဒၣ်လဲာ်အဝဲကဒိကနၣ်ယၤန့ၣ် ယနာ်တသ့ဘၣ်န့ၣ်လီၤ.

စံးထီၣ်ပတြၢၤ 25:3

ပှၤလၢအနာ်နၤသ့ၣ်တဖၣ်တဘၣ်တၢ်မၤနၢၤအီၤဘၣ်. မ့မ့ၢ်ဘၣ်ဒၣ်ထဲပှၤလၢအချ့ဝဲလၢ တၢ်ပူထီၣ်နၤအပူၤတဖၣ်န့ၣ်လီၤ.

စံးထီၣ်ပတြၢၤ 29:5

ယွၤအကလုၢ်မၤကၢ်လီၤသ့ၣ်ဆှိအ့ရ့း, ယွၤမၤကၢ်လီၤလဘၤနိၣ်အသ့ၣ်ဆှိအ့ရ့းန့ၣ်လီၤ.

စံးထီၣ်ပတြၢၤ 42:7

နဆှၢလီၤတၢ်သူၣ်အုးသးအုးအလပီသ့ၣ်တဖၣ်လၢ ယသးအလိၤ, တၢ်သဘံၣ်ဘုၣ်ကိးပသူထီၣ်ဆူ ယအိၣ်ဒ်တၢ်လုၣ်ဘၢတၢ်အသိးန့ၣ်လီၤ.

စံးထီၣ်ပတြၢၤ 83:15

လူၤထွဲအဝဲသ့ၣ်လၢနကလံၤမုၢ်တွၤ, ဒီးမၤပျံၤအဝဲသ့ၣ်လၢနကလံၤ မုၢ်လၢအအူတပျုာ်တပျီၤတၢ် တက့ၢ်.

လံာ်ယၡါယၤ 28:17

တၢ်စံၣ်ညီၣ်တီကမ့ၢ်နီၣ်ထိၣ်အပျံၤတဘိလၢတၢ်အခီၣ်ထံး အဂီၢ်, ဒီးတၢ်သူၣ်လိၤသးဘျၢကမ့ၢ်အနီၣ်ထိၣ်ထံအပျံၤ လၢအလီၤစဲၤဝဲန့ၣ်လီၤ.” ကလံၤမုၢ်အိၣ်ဒီးသူၣ်ကစိာ်ကွံာ် တၢ်လီတၢ်ဝ့ၤခဲလၢာ်လၢသုသန့ၤသုသး, ဒီးထံလုၣ်ဘၢ တၢ်ကမၤဟးဂီၤသုတၢ်ပူၤဖျဲးအလီၢ်န့ၣ်လီၤ.

လံာ်ယံးရမံယၤ 23:19

အဝဲအတၢ်သးဒိၣ်မ့ၢ်ကလံၤမုၢ်, ကလံၤသဝံးလၢအအူတၢ်ဆူၣ်ဆူၣ် လၢပှၤအၢပှၤသီတဖၣ်အခိၣ်အဖီခိၣ်,

လံာ်ယဃ့းစက့လး 13:13

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲလီၤ. “လၢယတၢ်သးထီၣ်အပူၤန့ၣ်ယကမၢလီၤကလံၤမုၢ်ဆူၣ်, တၢ်စူၤလီၤလီၤသလၢ်, ဒီးသူၣ်ဖးဒိၣ်တဖၣ်လၢကမၤဟးဂီၤတၢ်ဒူၣ် အဂီၢ်န့ၣ်လီၤ.

လံာ်မးသဲ 12:20

တပိၢ်တဘိလၢအသဘှံးန့ၣ်တမၤတဲာ်ကွံာ်ဘၣ်ဝဲဘၣ်. ဒီးမ့ၣ်အူဒၢလၢအကပီၤပံာ်လ့ပံာ်လ့န့ၣ် တမၤလီၤပံာ်ကွံာ်ဝဲဘၣ်, ဒီးကကျဲးစၢးဝဲတုၤလီၤလၢတၢ်တီတၢ်လိၤ မၤနၢၤတၢ်တစုလီၤ.

လံာ်မးသဲ 7:27

တၢ်စူၤလီၤဖးဒိၣ်, ထံကျိတဖၣ်အထံလုၣ်ဘၢတၢ်, ကလံၤအူဘၣ်ဟံၣ်န့ၣ်ဆူၣ်ဆူၣ်ကလဲာ်, ဒီးလီၤပှီၢ်ဝဲလီၤ. ဒီးအတၢ်လီၤပှီၢ်န့ၣ်ဒိၣ်ဝဲလီၤ.”

လံာ်ယိၤဟၣ် 15:25

ဘၣ်ဆၣ်ဒီး, တၢ်အံၤကဘၣ်မၤအသးဒ်သိးတၢ်လၢ အဘၣ်တၢ်ကွဲးဃာ်အီၤလၢအဝဲသ့ၣ်အတၢ်သိၣ်တၢ်သီ အပူၤကလၢထီၣ်ပှဲၤထီၣ်ဝဲအဂီၢ်လီၤ. တၢ်ကွဲးဃာ် အသးလၢအစံးဝဲ, ‘အဝဲသ့ၣ်သးဟ့ယၤလၢတၢ်အဂ့ၢ် အခၢးတအိၣ်နီတမံၤဘၣ်အပူၤန့ၣ်လီၤ’ (စံး ၆၉:၄).

လံာ်ယိၤဟၣ် 9:3

ယ့ၣ်ၡူးစံးဆၢတၢ်ဒီးစံးဝဲ, “အဝဲအတၢ်မဲာ်ဘျီၣ်န့ၣ်တဘၣ်ဃးလၢအတၢ်ဒဲးဘးမ့ၢ်ဂ့ၤ, အမိၢ်အပၢ်အတၢ်ဒဲးဘးမ့ၢ်ဂ့ၤန့ၣ်ဘၣ်. မ့ၢ်ဒၣ်လၢကစၢ်ယွၤအစိကမီၤကမၤတၢ်လၢအပူၤ ဒီးကဘၣ်တၢ်ထံၣ်န့ၢ်အီၤအဂီၢ်တခီန့ၣ်လီၤ.