လံာ်စီၤယိၤဘး 9:12 - Sgaw Karen Common Bible

¹² အဝဲဟံးထီၣ်ကွံာ်တၢ်လၢအသးလီဝဲဒီးပှၤတြီအီၤတသ့ နီတဂၤဘၣ်န့ၣ်လီၤ. ပှၤသံကွၢ်အီၤလၢ, “နမၤတၢ်မနုၤလဲၣ်” န့ၣ်တဘူၣ်နီတဂၤဘၣ်န့ၣ်လီၤ.

လံာ်စီၤယိၤဘး 9:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:10

စီၤပၤစံးဘၣ်စီၤအဘံၡဲၤဒီးအဒီပုၢ်ဝဲၢ်ခွါစီၤယိၤအာ်, “တၢ်အံၤတဘၣ်ဃးဒီးသုနီတမံၤဘၣ်. အဝဲမ့ၢ်ဆိၣ်အၢယၤလၢ ယွၤတဲဘၣ်အီၤအဃိဒီး, ဘၣ်မနုၤအဝဲမၤတၢ်အံၤလဲၣ်န့ၣ်, မတၤအိၣ်ဒီးတၢ်ခွဲးတၢ်ယာ်လၢ ကသံကွၢ်ဝဲလဲၣ်.”

လံာ်စီၤယိၤဘး 1:21

ဒီးအဝဲစံးဝဲဒၣ်, “ယဟဲထီၣ်ဘ့ၣ်ဆ့လၢယမိၢ်အဒၢလီၢ်အပူၤ ဒီးယကက့ၤဘ့ၣ်ဆ့လီၤ. ယွၤဟ့ၣ်တၢ်ဒီးယွၤဟံးက့ၤတၢ်လံ မ်ယွၤအမံၤဘၣ်တၢ်စံးထီၣ်ပတြၢၤအီၤတက့ၢ်.”

လံာ်စီၤယိၤဘး 10:7

နသ့ၣ်ညါလၢယတမ့ၢ်ဘၣ်ပှၤအိၣ်ဒီးတၢ်ကမၣ်ဒီးပှၤမၤပူၤဖျဲး ယၤလၢနစုပူၤသ့တအိၣ်နီတဂၤဘၣ်.

လံာ်စီၤယိၤဘး 11:10

ကစၢ်ယွၤမ့ၢ်ဖီၣ်နၤဒီးဟဲစိာ်နၤဆူတၢ်သမံသမိးအလီၢ်န့ၣ်ဒီး မ့ၢ်မတၤအိၣ်ဝဲလၢကဆိကတီၢ်အီၤန့ၣ်လဲၣ်.

လံာ်စီၤယိၤဘး 23:13

အဝဲတလဲလိာ်အသးနီတစုဘၣ်. ပှၤထီဒါအီၤမ့ၢ်ဂ့ၤ တြီအီၤမ့ၢ်ဂ့ၤ လၢကမၤတၢ်လၢအအဲၣ်ဒိးမၤဝဲ တသ့နီတဂၤဘၣ်.

လံာ်စီၤယိၤဘး 33:13

နကဒူးကဒ့ၣ်လၢကစၢ်ယွၤအလိၤဒီးစံးလၢအတစံးဆၢဘၣ် ပှၤကညီအတၢ်ကတိၤနီတဘျီဘၣ်န့ၣ်, မ့ၢ်အဘၣ်မနုၤလဲၣ်.

လံာ်စီၤယိၤဘး 34:29

တုၤမ့ၢ်ကစၢ်ယွၤပာ်လီၤအသးလၢကအိၣ်ဘှ့ၣ်အိၣ်ဘှီၣ်ဒီး မတၤပာ်တၢ်ကမၣ်လၢအလိၤသ့တဂၤလဲၣ်. တုၤအပာ် သဒၢအမဲာ်ဒီးမတၤထံၣ်အီၤကသ့တဂၤလဲၣ်.

လံာ်ပှၤစံၣ်တဲၤတဲလီၤတၢ် 8:4

စီၤပၤမၤတၢ်လၢတၢ်စိတၢ်ကမီၤလီၤ. ဒီးတၢ်လၢအမၤဝဲန့ၣ်, ပှၤတၤအီၤတသ့ဘၣ်နီတဂၤဘၣ်.

လံာ်ယၡါယၤ 43:13

ယမ့ၢ်ကစၢ်ယွၤဒီးကမ့ၢ်ယဲထီဘိလီၤ. ပှၤဃ့ၢ်ပူၤဖျဲးလၢယစိကမီၤအဖီလာ်တသ့နီတဂၤဘၣ်. တၢ်လၢယမၤအီၤန့ၣ်ပှၤလဲလိာ်ကွံာ်အီၤ, တသ့နီတဂၤဘၣ်.”

လံာ်ယၡါယၤ 45:9

သပၢၤဟီၣ်ခိၣ်တဖျၢၣ်ကတိၤဂ့ၢ်လိာ်တၢ်ဒီးပှၤလၢအတ့ အီၤဘၣ်ကဘူၣ်ဧါ. မ့ၢ်ဒၣ်သပၢၤတဖျၢၣ်လၢအလီၤဂာ်ဒီးသပၢၤအဂၤတဖၣ်ခဲလၢာ်လီၤ. ကပံာ်ဟီၣ်ခိၣ်သံကွၢ်ပှၤတ့သပၢၤလၢအမၤတၢ်မနုၤလဲၣ်န့ၣ်စ့ၢ် ကီးဧါ. သပၢၤဟီၣ်ခိၣ်ကဒူးကဒ့ၣ်တၢ်လၢပှၤလၢအတ့အီၤအတၢ်သ့ တၢ်ဘၣ်တအိၣ်ဘၣ်န့ၣ်ဧါ.

လံာ်ဒၤနံးယ့လး 4:32

ဒီးနကဘၣ်တၢ်နီၣ်ထီၣ်ကွံာ်နၤလၢပှၤကညီအကျါ, ဒီးနတၢ်အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ် အသိးအကျါလီၤ. နကအီၣ်တပံၢ်တမါဒ်ဂီၤဖံးတဒုအသိး လၢနွံနံၣ်အတီၢ်ပူၤလီၤ. တုၤနုၤတစု, နကသ့ၣ်ညါက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢပှၤဟီၣ် ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤတၢ်ဆူပှၤလၢအဃု ထၢဝဲဒ်အသးအိၣ်ဒၣ်ဝဲအသိးအစုပူၤသ့ဝဲန့ၣ်လီၤ.”

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်မးသဲ 11:26

မ့ၢ်လီၤပၢ်ဧၢ, တၢ်အံၤမ့ၢ်အမၤအသးဒ်နအဲၣ်ဒိးလၢအကမၤ အသးအသိးန့ၣ်လီၤ.

လံာ်မးသဲ 20:15

မ့ၢ်ယတအိၣ်ဘၣ်ဒီးတၢ်အခွဲးအယာ်လၢယကသူယကျိၣ်ယစ့ဒၣ်ယဲ, ဒ်ယသးအိၣ်အသိးဘၣ်ဧါ. မ့တမ့ၢ်ဘၣ်ဒီး, မ့ၢ်ယသးအိၣ်ဟ့ၣ်ညီတၢ်အဃိဒီး, နသးကါနဲစ့ၢ်ကီးဧါ.’

ရိမ့ၤ 11:34

ဒ်တၢ်ကွဲးအသးစီဆှံစံးဝဲအသိး, “မတၤသ့ၣ်ညါကစၢ်အသးတဂၤလဲၣ်. မတၤဟ့ၣ်ကူၣ်ဟ့ၣ်ဖးအီၤကသ့တဂၤလဲၣ်.

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.