လံာ်စီၤယိၤဘး 8:8 - Sgaw Karen Common Bible

⁸ ဃုထံၣ်ပှၤလၢပျၢၤတဖၣ်အတၢ်ကူၣ်သ့ဒီးဆိကမိၣ်တၢ်မ့ၢ် တၢ်တီတဖၣ်လၢပပၢ်တဖၣ်မၤလိတ့ၢ်ဝဲတက့ၢ်.

လံာ်စီၤယိၤဘး 8:8 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 10:6

စီၤပၤရဃၤဘၣ်ဃ့တၢ်ဟ့ၣ်ကူၣ်ဟ့ၣ်ဖးလၢပှၤသးပှၢ်တဖၣ်လၢအမၤ တ့ၢ်တၢ်ဒ်အပၢ်စီၤၡလိၤမိၤအပှၤဟ့ၣ်ကူၣ်တၢ်တဖၣ်အအိၣ်န့ၣ်လီၤ. အဝဲသံကွၢ်ဝဲ, “မ့ၢ်သုကဟ့ၣ်ကူၣ်ယၤလၢယကဟ့ၣ်ပှၤဂီၢ်မုၢ်တဖၣ် အံၤလၢတၢ်စံးဆၢဒ်လဲၣ်.”

လံာ်စီၤယိၤဘး 12:12

ပှၤသးပှၢ်အိၣ်ဝဲဒီးတၢ်ကူၣ်သ့မ့မ့ၢ်ကစၢ်ယွၤအိၣ်ဝဲဒီးတၢ် ကူၣ်သ့ဒီးတၢ်စိတၢ်ကမီၤန့ၣ်လီၤ.

လံာ်စီၤယိၤဘး 13:1

တၢ်ခဲလၢာ်လၢသုစံးန့ၣ်ယနၢ်ဟူတ့ၢ်လၢညါန့ၣ်လံ, ယနၢ်ပၢၢ်တၢ်တဖၣ်န့ၣ်ခဲလၢာ်လီၤ. ယသ့ၣ်ညါတၢ်ထဲသိးသိးဒီးသုသ့ၣ်ညါန့ၣ်လီၤ. ယတလီၤတိၢ်ဘၣ်န့ၢ်သုဘၣ်.

လံာ်စီၤယိၤဘး 15:10

ပမၤလိန့ၢ်တ့ၢ်ပတၢ်ကူၣ်တၢ်ဆးလၢပှၤသးပှၢ်ခိၣ်ဝါသ့ၣ် တဖၣ်အအိၣ်, လၢအအိၣ်ဖျဲၣ်ဆိန့ၢ်ဒံးနပၢ်န့ၣ်လီၤ.

လံာ်စီၤယိၤဘး 15:18

ပှၤကူၣ်ဘၣ်ကူၣ်သ့သ့ၣ်တဖၣ်သိၣ်လိတ့ၢ်လံယၤတၢ်မ့ၢ်တၢ်တီ တဖၣ်လၢအမၤလိန့ၢ်တ့ၢ်လၢအမိၢ်ပၢ်ဖံဖုလၢပျၢၤတဖၣ်အအိၣ် ဒီးအဝဲသ့ၣ်တဖၣ်တပာ်ခူသူၣ်တၢ်နီတမံၤဘၣ်.

လံာ်စီၤယိၤဘး 20:4

နသ့ၣ်ညါသပှၢ်တၢၢ်လၢပျၢၤလံၤလံၤ, ဖဲတၢ်ပာ်လီၤတ့ၢ်ပှၤ ကညီလၢအဆိကတၢၢ်ဟီၣ်ခိၣ်ချၢန့ၣ်,

စံးထီၣ်ပတြၢၤ 44:1

ကစၢ်ယွၤဧၢ, ပနၢ်ဟူတ့ၢ်လၢပနၢ်, ပပၢ်သ့ၣ်တဖၣ်တဲတ့ၢ်ပှၤ တၢ်ဖံးတၢ်မၤလၢနမၤတ့ၢ်လၢအမုၢ်နံၤတဖၣ်, မုၢ်နံၤလၢပျၢၤန့ၣ်လီၤ.

လံာ်ယၡါယၤ 38:19

ဒ်ယစံးထီၣ်ပတြၢၤနၤခဲအံၤအသိး, ပှၤလၢအစံးထီၣ်ပတြၢၤနၤမ့ၢ်ပှၤအမူန့ၣ်လီၤ. ပၢ်တဖၣ်စံးဘၣ်တဲဘၣ်အဖိတဖၣ်လၢနသူၣ်တီသးရၤထဲလဲၣ်အဂ့ၢ် န့ၣ်လီၤ.

လံာ်ယိၤအ့လး 1:2

ပှၤသူၣ်က့သးပှၢ်သ့ၣ်ဧၢ, ကနၣ်တၢ်အံၤ, ဒီးပှၤတဂၤလၢ်လၢ်လၢကီၢ် ယူဒၤဧၢ, ဒိကနၣ်တက့ၢ်. မ့ၢ်တၢ်ဒ်သိးအံၤမၤအသးတဘျီဘျီလၢသုဆၢသုကတီၢ်မ့ၢ်ဂ့ၤ, သုပၢ်တဖၣ်အဆၢကတီၢ်မ့ၢ်ဂ့ၤန့ၣ်ဧါ.

ရိမ့ၤ 15:4

တၢ်ကိးမံၤဒဲးလၢတၢ်ကွဲးအသးစီဆှံအပူၤန့ၣ်ဘၣ်တၢ် ကွဲးအီၤလၢတၢ်ကသိၣ်လိပှၤအဂီၢ်, ဒ်သိးပကအိၣ်ဒီးတၢ်မုၢ်လၢ်ခီဖျိတၢ်ကွဲးအသးစီဆှံ အတၢ်ဟ့ၣ်ပှၤတၢ်သူၣ်စူၤသးစူၤဒီးတၢ်ဟ့ၣ်ဂံၢ်ဟ့ၣ်ဘါအဃိ န့ၣ်လီၤ.

1 ကရံၣ်သူး 10:11

တၢ်သ့ၣ်တဖၣ်အံၤခဲလၢာ်မၤအသးဒီးအဝဲသ့ၣ်ဒ်သိးအကကဲ ထီၣ်တၢ်အဒိအတဲာ်လၢပှၤဂၤတဖၣ်အဂီၢ်ဒီးဘၣ်တၢ်ကွဲးနီၣ် ကွဲးဃါအီၤဒ်သိးအကကဲထီၣ်တၢ်ဟ့ၣ်ပလီၢ်လၢပဂီၢ်လီၤ. အဂ့ၢ်ဒ်အံၤ, ပအိၣ်မူပဝဲဖဲဆၢကတီၢ်လၢတၢ်အကတၢၢ်ဘူး ကတုၤအိၣ်ပှၤလံန့ၣ်လီၤ.

လံာ်သိၣ်လီၤသီလီၤတၢ် 32:7

ဆိကမိၣ်ထီၣ်တၢ်မၤအသးလၢအပူၤကွံာ်, လၢတၢ်ဆၢကတီၢ်လၢယံာ်တ့ၢ်မးလံ အဂ့ၢ်, မၢသုပၢ်တဖၣ်တဲဘၣ်သုတၢ်လၢမၤတ့ၢ်အသး, မၢပှၤသးပှၢ်တဖၣ်တဲသုတၢ်လၢအပူၤကွံာ်အဂ့ၢ် န့ၣ်တက့ၢ်.

လံာ်သိၣ်လီၤသီလီၤတၢ် 4:32

ဃုကွၢ်တၢ်မၤအသးလၢအလဲၤပူၤကွံာ်, တချုးဒံးဘၣ်လၢသုအိၣ်ဖျဲၣ်ထီၣ်ဒံးအကတီၢ်ဘၣ်, ဃုကွၢ်ကဒါက့ၤအီၤတုၤဆူတၢ်ဆၢကတီၢ်, ဖဲကစၢ်ယွၤတ့လီၤပှၤကညီလၢဟီၣ်ခိၣ်ချၢန့ၣ်တက့ၢ်. ဃုကွၢ်ဟီၣ်ခိၣ်ဒီဘ့ၣ်ညါတက့ၢ်. မ့ၢ်တၢ်အဒိၣ်အမုၢ်ထဲသိးအံၤတမံၤမံၤမၤတ့ၢ်အသးလၢညါတဘျီ ဘျီဧါ. မ့ၢ်ပှၤတဂၤဂၤနၢ်ဟူဘၣ်တ့ၢ်တၢ်ဒ်သိးအံၤတမံၤမံၤန့ၣ်တစုစု ဧါ.