လံာ်စီၤယိၤဘး 8:7 - Sgaw Karen Common Bible

⁷ တၢ်ထူးတၢ်တီၤခဲလၢာ်လၢအလီၤမၢ်ကွံာ်ဒီးနၤတဖၣ်န့ၣ်တမ့ၢ် လၢၤတၢ်နီတမံၤဘၣ်, ဖဲနထိၣ်သတြီၤအီၤဒီးတၢ်လၢကစၢ် ယွၤကဟ့ၣ်နၤလၢခံန့ၣ်လီၤ.

လံာ်စီၤယိၤဘး 8:7 Iomraidhean Croise

လံာ်စီၤယိၤဘး 42:10

တုၤစီၤယိၤဘးဘါထုကဖၣ်တၢ်လၢအတံၤသကိးသၢဂၤ အဂီၢ်ဝံၤအလီၢ်ခံန့ၣ်, ယွၤမၤဘီၣ်ထီၣ်ညီထီၣ်ကဒါက့ၤကဒီး အီၤ, ဒီးဟ့ၣ်အီၤတၢ်လၢအအိၣ်တ့ၢ်ဒီးအီၤလၢညါခံစးန့ၣ်လီၤ.

လံာ်စီၤယိၤဘး 5:11

မ့ၢ်မးကစၢ်ယွၤပာ်ထီၣ်ထီပှၤလၢအဆီၣ်လီၤအသးဒီးဟ့ၣ် တၢ်သူၣ်ခုသးခုဆူပှၤလၢအသူၣ်ကၢ်အသးလီၤတဖၣ်န့ၣ်လီၤ.

လံာ်စီၤယိၤဘး 8:8

ဃုထံၣ်ပှၤလၢပျၢၤတဖၣ်အတၢ်ကူၣ်သ့ဒီးဆိကမိၣ်တၢ်မ့ၢ် တၢ်တီတဖၣ်လၢပပၢ်တဖၣ်မၤလိတ့ၢ်ဝဲတက့ၢ်.

တၢ်ကတိၤဒိ. 19:20

နမ့ၢ်ဒိကနၣ်တၢ်ဟ့ၣ်ကူၣ်ဟ့ၣ်ဖးဒီးသးအိၣ်မၤလိတၢ်န့ၣ်တနံၤ န့ၣ်နကမ့ၢ်ပှၤကူၣ်တၢ်သ့လီၤ.

တၢ်ကတိၤဒိ. 4:18

ကျဲလၢပှၤတီပှၤလိၤပိာ်ဝဲန့ၣ်လီၤဂာ်ဒ်မုၢ်ဟဲထီၣ်ဒီးကပီၤ ဒံးယံာ်ဒံးဂ့ၤထီၣ်တုၤလၢမုၢ်ထူၣ်အသိးန့ၣ်လီၤ.

လံာ်စကၤရယၤ 14:7

ဖဲန့ၣ်တၢ်ကပီၤကအိၣ်ဝဲဒၣ်ထီဘိ, လၢမုၢ်နၤခီအဆၢကတီၢ်ဒၣ်လဲာ်န့ၣ်လီၤ. တၢ်အံၤကမၤအသးအခါဖဲလဲၣ်န့ၣ်ပှၤလၢအသ့ၣ်ညါမ့ၢ်ဒၣ်ထဲယွၤတဂၤ ဧိၤလီၤ.

လံာ်စကၤရယၤ 4:10

အဝဲသ့ၣ်အသးဟးဂီၤဝဲမ့ၢ်လၢတၢ်လဲၤထီၣ်လဲၤထီမၤအသးထဲ တဆံးတက့ၢ်အဃိန့ၣ်လီၤ. ဘၣ်ဆၣ်ဒီးအဝဲသ့ၣ်ကထံၣ်ဘၣ်စီၤစရူၤဘၤ ဘ့လးဘှီထီၣ်ဒံးတၢ်လုၢ်ဟံၣ်န့ၣ်, ဒီးအဝဲသ့ၣ်ကသူၣ်ဖှံသးညီ ဝဲလီၤ. ကလူးန့ၣ်စံးဘၣ်ယၤ, “မ့ၣ်အူဒၢနွံဖျၢၣ်န့ၣ်မ့ၢ်ယွၤအမဲာ်ချံ နွံဖျၢၣ်လၢအထံၣ်တၢ်လၢဟီၣ်ခိၣ်ဒီဘ့ၣ်ညါန့ၣ်လီၤ.”

လံာ်မးသဲ 13:12

အဂ့ၢ်ဒ်အံၤ, ပှၤလၢတၢ်အိၣ်ဒီးအီၤန့ၣ်, ယွၤကဟ့ၣ်အါထီၣ်အီၤဒီးကအိၣ်ဒီးအီၤအါအါကလဲာ်လီၤ. မ့မ့ၢ်ပှၤလၢအတၢ်တအိၣ်ဘၣ်န့ၣ်, တၢ်တစဲးဖိလၢအအိၣ်ဒီးအီၤဒၣ်လဲာ်ယွၤကဟံးထီၣ်ကွံာ်လၢ အအိၣ်လီၤ.

လံာ်သိၣ်လီၤသီလီၤတၢ် 8:16

လၢပှၢ်မုၢ်ကနၢအပူၤန့ၣ်အဝဲဟ့ၣ်သုကိၣ်မၤနၤလၢသုကအီၣ်အီၤအ ဂီၢ်, ဒီးတၢ်အီၣ်လၢသုမိၢ်ပၢ်ဖံဖုလၢပျၢၤတဖၣ်တအီၣ်ဘၣ်တ့ၢ်နီတစု ဘၣ်န့ၣ်လီၤ. အဝဲဆှၢလီၤတၢ်ကီတၢ်ခဲတဖၣ်လၢသုဖီခိၣ်လၢကမၤကွၢ်သုအဂီၢ် ဒ်သိးလၢအကတၢၢ်န့ၣ်, အဝဲဆိၣ်ဂ့ၤသုလၢတၢ်အဂ့ၤတဖၣ်ကသ့ဝဲအဂီၢ်န့ၣ်လီၤ.

၂ ပ့းတရူး 2:20

ပှၤမ့ၢ်ထူၣ်ဖျဲးထီၣ်ကွံာ်လၢဟီၣ်ခိၣ်အတၢ်သံၣ်သူမီၢ်ကျာ် တဖၣ်ခီဖျိအတၢ်သ့ၣ်ညါပကစၢ်ဒီးပှၤအုၣ်က့ၤခီၣ်က့ၤပှၤ ယ့ၣ်ၡူးခရံာ်ဝံၤဒီး, မ့ၢ်ဘၣ်တၢ်ဖီၣ်န့ၢ်ဒီးမၤနၢၤက့ၤကဒီး အီၤလၢအဝဲသ့ၣ်န့ၣ်, ပှၤဒ်သိးအံၤတဖၣ်အတၢ်မ့ၢ်တၢ်လၢ အကတၢၢ်န့ၣ်, အၢဒိၣ်န့ၢ်ဒံးအတၢ်မ့ၢ်တၢ်လၢအခီၣ်ထံး တက့ၢ်န့ၣ်လီၤ.