လံာ်စီၤယိၤဘး 8:13 - Sgaw Karen Common Bible

¹³ ပှၤလၢအတပျံၤကစၢ်ယွၤတဖၣ်န့ၣ်လီၤဂာ်ဒ်တပိၢ်တဖၣ်န့ၣ် အသိးလီၤ. တုၤအသးပ့ၤနီၣ်ကစၢ်ယွၤတဘျီဃီန့ၣ်အတၢ်မုၢ် လၢ်လၢာ်ကွံာ်ဝဲလီၤ.

လံာ်စီၤယိၤဘး 8:13 Iomraidhean Croise

လံာ်စီၤယိၤဘး 11:20

မ့မ့ၢ်ပှၤတတီတလိၤတဖၣ် ကကွၢ်တၢ်ဝးဝးလၢ တၢ်သးဟးဂီၤအပူၤဒီး ထံၣ်ဘၣ်ဝဲလၢတၢ်ထူၣ်ဖျဲး အဂီၢ်ကျဲတအိၣ်နီတဘိဘၣ်. အဝဲသ့ၣ်အတၢ်မုၢ် လၢ်ထဲတမံၤဧိၤမ့ၢ်ဒၣ်တၢ်သံကဟဲဝဲန့ၣ်လီၤ.

လံာ်စီၤယိၤဘး 13:16

ယတၢ်သူၣ်ဒူသးဒူကမ့ၢ်ဒၣ်လဲာ်တၢ်လၢအအုၣ်က့ၤ ခီၣ်က့ၤယၤ, မ့ၢ်လၢဖဲလၢပှၤတတီတလိၤကွၢ်ဆၢၣ်မဲာ် ကစၢ်ယွၤလၢတၢ်သူၣ်ဒူသးဒူတဘူၣ်ဘၣ်နီတဂၤအဃိန့ၣ်လီၤ.

လံာ်စီၤယိၤဘး 15:34

ပှၤတဖၣ်လၢတနာ်ယွၤန့ၣ်ကအိၣ်သယုၢ်လီၤ. ဒီးမ့ၣ်အူကအီၣ် ကွံာ်ပှၤအီၣ်ခိၣ်ဖးလာ်ဆှိးတဖၣ်အဒဲလီၤ.

လံာ်စီၤယိၤဘး 18:14

အဝဲဘၣ်တၢ်ထဲးကွံာ်အီၤလၢဒဲလၢအဝဲအိၣ်ဂၢၢ်ကျၢၤဝဲလၢအပူၤ, ဒီးဘၣ်တၢ်တွံၢ်ထုးထီၣ်အီၤလၢကကွၢ်ဆၢၣ်မဲာ်တၢ်သံအစီၤပၤ အဂီၢ်န့ၣ်လီၤ.

လံာ်စီၤယိၤဘး 20:5

တၢ်သူၣ်ဖှံသးညီအိၣ်တယံာ်ဘၣ်ဒီးပှၤတတီတလိၤနီတဂၤဘၣ်. အဝဲမ့ၢ်ဒိၣ်ထီၣ်, ထီထီၣ်, ထီဝဲတုၤလၢမူခိၣ်ဒီးထီဝဲတုၤဒၣ်လဲာ် အခိၣ်တုၤဃီၤဆူတၢ်အၢၣ်တဖၣ်

လံာ်စီၤယိၤဘး 36:13

ပှၤတဖၣ်လၢ အအိၣ်ဒီးသးလၢတစူၢ်တနာ်ယွၤန့ၣ်, သးဒိၣ်ထီၣ်တထံၣ် ဃီဒီးဖဲအဘၣ်တၢ်စံၣ်ညီၣ်အီၤဒၣ်လဲာ်န့ၣ်, တကိးထီၣ်ဝဲလၢ တၢ်မၤစၢၤအဂီၢ်ဘၣ်.

လံာ်စီၤယိၤဘး 8:12

တုၤထံမ့ၢ်ဃ့ထီကွံာ်ဒီးအဝဲသ့ၣ်ကလီၤညွံးကွံာ်လၢညါကတၢၢ် ဒီးစၢ်ကဲာ်ဆိးလၢတၢ်ကူးအီၤဒီး သူအီၤအဂီၢ်န့ၣ်လီၤ.

စံးထီၣ်ပတြၢၤ 1:4

ပှၤတတီတလိၤတဖၣ်န့ၣ်တဒ်န့ၣ်အသိးဘၣ်. အဝဲသ့ၣ်လီၤဂာ်ဒ်ဖ့လၢကလံၤအူဒံကွံာ်ဝဲ အသိးန့ၣ်လီၤ.

စံးထီၣ်ပတြၢၤ 10:4

လၢအတၢ်ပာ်အသးထီၣ်ထီအပူၤန့ၣ်ပှၤတတီတလိၤ, အသးတအိၣ်ဃုယွၤဘၣ်. လၢအတၢ်ဆိကမိၣ်ခဲလၢာ်အပူၤန့ၣ်, “ကစၢ်ယွၤတအိၣ်ဘၣ်.”

စံးထီၣ်ပတြၢၤ 112:10

ပှၤတတီတလိၤထံၣ်ဘၣ်ဝဲတၢ်အံၤဒီး အသးဒိၣ်ထီၣ်လီၤ. အ့ၣ်စဃံးအမဲဒီးပှံၢ်လီၤကွံာ်ဝဲဒၣ်န့ၣ်လီၤ. ပှၤတတီတလိၤအတၢ်ဆၢန့ၢ်ဘၣ်တဖၣ်န့ၣ် တုၤဝဲဆူတၢ်ဟးဂီၤလီၤထူလီၤယိာ်လီၤ.

စံးထီၣ်ပတြၢၤ 50:22

“ကွၢ်ဆိကမိၣ်တၢ်အံၤ, ပှၤလၢအသးပ့ၤနီၣ်ကစၢ်ယွၤသ့ၣ်ဧၢ, ယကအ့ၣ်ဖှီဘၣ်ဖုးသု ဒီးပှၤမၤပူၤဖျဲးတၢ်တအိၣ်ဘၣ်နီတဂၤဘၣ်.

စံးထီၣ်ပတြၢၤ 9:17

ကယဲၢ်ပှၤကလုာ်တဖၣ်လၢအသးပ့ၤနီၣ်ကစၢ်ယွၤခဲလၢာ်, ပှၤတတီတလိၤန့ၣ်ကဘၣ်က့ၤဆူပျုၤပူၤလီၤ.

တၢ်ကတိၤဒိ. 10:28

ပှၤအဂ့ၤတဖၣ်အတၢ်မုၢ်လၢ်န့ၣ်, ဆှၢအီၤဆူတၢ်သးခုလီၤ. မ့မ့ၢ်, ပှၤအၢပှၤသီတဖၣ်န့ၣ်ကွၢ်စိတၢ်ဆူညါတသ့နီတမံၤဘၣ်.

တၢ်ကတိၤဒိ. 11:7

ဖဲပှၤတတီတလိၤတဂၤသံဝဲန့ၣ်, အတၢ်မုၢ်လၢ်သံဃုာ်ဒီးအီၤလီၤ. တၢ်စူၢ်တၢ်နာ်အိၣ်သူၣ်လီၤအသးလၢတၢ်ထူးတၢ်တီၤတဖၣ်အပူၤန့ၣ် ကတၢၢ်ဝဲလၢတၢ်ကလီကလီလီၤ.

တၢ်ကတိၤဒိ. 12:7

ပှၤတတီတလိၤဘၣ်သဂၢၢ်အတၢ်လီၤပှီၢ်ဒီးအစၢၤအသွဲၣ်တအိၣ်လီၤ တဲာ်တ့ၢ်နီတဂၤဘၣ်. မ့မ့ၢ်, ပှၤတီပှၤလိၤအဒူၣ်ဖိထၢဖိ တဖၣ်ကအိၣ်မူဝဲဆူညါလီၤ.

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်ယၡါယၤ 51:13

သုသးပ့ၤနီၣ်ကွံာ်ယွၤတဂၤန့ၣ်လၢအတ့လီၤပာ်လီၤသု, ဒီးသလၣ်ထီၣ်မူခိၣ်မူကပိာ်လိၤ, ဒီးပာ်လီၤဟီၣ်ခိၣ်အခီၣ်ထံးတဖၣ်လံဧါ. ဘၣ်မနုၤသုအိၣ်မူတထံၣ်ဃီလၢတၢ်ပျံၤဘၣ်ဖုးဘၣ်လၢပှၤလၢ အမၤအၢမၤနးသုအတၢ်သးကဲၤထီၣ်, ဒီးပှၤလၢအိၣ်ကတဲာ်ကတီၤအသးလၢကမၤဟးဂီၤသုန့ၣ်လဲၣ်. အဝဲသ့ၣ်အတၢ်သးကဲၤထီၣ်မၤဘၣ်ဒိဘၣ်ထံးသု တသ့လၢၤဘၣ်.

လံာ်သးသယုၢ်တၢ် 3:18

ယတအိၣ်မူလၢၤဘၣ်ဆူညါယံာ်ယံာ်ဘၣ်. ယတၢ်မုၢ်လၢ်လၢယွၤအပူၤန့ၣ်လၢာ်ကွံာ်လံ.

လံာ်မးသဲ 24:51

ဒီးအကစၢ်ကကျီတဲာ်ကွံာ်အီၤတကူာ်တကူာ်, ဝံၤဒီးကဒုးတူၢ်ဘၣ်အီၤတၢ်တမံၤဃီလၢပှၤပာ်မၤအသးတဖၣ် ဒိးန့ၢ်ဘၣ်ဝဲန့ၣ်လီၤ. ဖဲန့ၣ်အဝဲကဟီၣ်ကယၢၤဝဲ, ဒီးကအ့ၣ်စဃံးအမဲလီၤ.

လံာ်သိၣ်လီၤသီလီၤတၢ် 6:12

ပာ်သူၣ်ပာ်သးသပှၢ်ပှၢ်လၢသုတသးပ့ၤနီၣ်ဘၣ်ယွၤလၢအအုၣ်က့ၤခီၣ် က့ၤသုလၢကီၢ်အဲၤကူပတူးအပူၤ, ဖဲသုမ့ၢ်တ့ၢ်ကုၢ်တဖၣ်ဘၣ်န့ၣ်တဂ့ၤ.

လံာ်သိၣ်လီၤသီလီၤတၢ် 8:11

မၤလီၤတံၢ်လၢ, သုတသးပ့ၤနီၣ်ဘၣ်ယွၤ, သုကစၢ်ယွၤဘၣ်န့ၣ်တ က့ၢ်. လီၤတိၢ်ကွံာ်လၢတၢ်စူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီ လၢယဟ့ၣ်လီၤသုလၢမုၢ်မဆါတနံၤအံၤန့ၣ်တဂ့ၤ.

လံာ်သိၣ်လီၤသီလီၤတၢ် 8:14

ဒ်သိးသုသုတပာ်ထီၣ်ထီသုသးတဂ့ၤ, ဒီးသုတသးပ့ၤနီၣ်ကွံာ် ယွၤသုကစၢ်ယွၤလၢအမၤပူၤမၤဖျဲးသုလၢကီၢ်အဲၤကူပတူးဖဲ သုမ့ၢ်ကုၢ်တဖၣ်တဂ့ၤအဂီၢ်န့ၣ်မၤလီၤတံၢ်သုသးတက့ၢ်.

လံာ်သိၣ်လီၤသီလီၤတၢ် 8:19

သးပ့ၤနီၣ်ကွံာ်ယွၤ, သုကစၢ်မ့ၢ်ဂ့ၤ, ဃၣ်ကွံာ်သုသးဆူ ကစၢ်အဂၤတဖၣ်အအိၣ်လၢတၢ်ဘူၣ်ထီၣ်ဘါထီၣ်အီၤဒီးမၤအတၢ်အဂီၢ် မ့ၢ်ဂ့ၤန့ၣ်နီတစုတဂ့ၤ. သုမ့ၢ်မၤဒီး, အန့ၣ်တစု, ယဟ့ၣ်ပလီၢ်သုမုၢ်မဆါတနံၤအံၤလၢသုကဘၣ်တၢ်မၤဟးဂီၤကွံာ်သု သပှၢ်ကတၢၢ်န့ၣ်လီၤ.