လံာ်စီၤယိၤဘး 7:7 - Sgaw Karen Common Bible

⁷ ကစၢ်ယွၤဧၢ, သ့ၣ်နီၣ်ထီၣ်က့ၤလၢယတၢ်အိၣ်မူအံၤမ့ၢ်ဒၣ်ထဲတၢ် သါတဘီဧိၤန့ၣ်တက့ၢ်. ယတၢ်သူၣ်ဖှံသးညီကတၢၢ်ကွံာ်တ့ၢ်လံ.

လံာ်စီၤယိၤဘး 7:7 Iomraidhean Croise

လံာ်တၢ်ကဲထီၣ်အခီၣ်ထံး 42:36

အဝဲသ့ၣ်အပၢ်စံးဘၣ်အီၤ, “မ့ၢ်သုအဲၣ်ဒိးယဖိတဖၣ်လီၤမၢ်သဒၣ် ကွံာ်ယၤခဲလၢာ်န့ၣ်ဧါ. စီၤယိၤသးလီၤမၢ်ကွံာ်လံ. စီၤစူၤမ့းအိၣ်လီၤမၢ်ကွံာ်လံ. ဒီးခဲကနံၣ်အံၤသုသးအိၣ် လဲၤစိာ်ကွံာ်စီၤဘံၣ်ယၤမံၣ်န့ၣ်ဧါ. ယမ့ၢ်ပှၤတဂၤလၢအတူၢ်ဘၣ်တၢ်လီၤ.”

လံာ်စီၤနဃ့မယၤ 1:8

ဒီးခဲကနံၣ်အံၤသ့ၣ်နီၣ်ထီၣ်က့ၤတၢ်လၢနတဲဘၣ်စီၤမိၤၡ့န့ၣ် တက့ၢ်. “သုဝဲပှၤအံၣ်စရ့လးဖိတဖၣ်မ့ၢ်တတီဒီးယၤန့ၣ်ဘၣ်ဒီးယကမၤ လီၤပြံလီၤပြါသုလၢပှၤကလုာ်အဂၤတဖၣ်အကျါန့ၣ်လီၤ.

လံာ်စီၤယိၤဘး 10:20

မ့ၢ်ယတၢ်အိၣ်မူတလၢာ်ဒံးဘၣ်ဧါ. ပျဲယအိၣ်ထဲတဂၤဧိၤတက့ၢ်. မ်ယကမုာ်လၤလၢတၢ်ဆၢကတီၢ်လၢအအိၣ်လီၤတဲာ်တ့ၢ်ဒီးယၤ န့ၣ်တက့ၢ်.

လံာ်စီၤယိၤဘး 10:9

သ့ၣ်နီၣ်ထီၣ်က့ၤလၢ်လၢနတ့ယၤလၢကပံာ်ဒီးမ့ၢ်နကဒုးကဲထီၣ် ကဒီးက့ၤယၤလၢဟီၣ်ခိၣ်အကမူၣ်န့ၣ်ဧါ.

လံာ်စီၤယိၤဘး 7:16

ဘၣ်လံ. ယသးလၢာ်ကွံာ်တၢ်အိၣ်မူလံ. ပျဲယအိၣ်ဒၣ်ယတၢ်တက့ၢ်. ယတၢ်အိၣ်မူအခီပညီ တအိၣ်ဘၣ်.

လံာ်စီၤယိၤဘး 9:25

ယမုၢ်နံၤမုၢ်သီတဖၣ်လဲၤပူၤကွံာ်ဝဲချ့သဒံးန့ၣ်လီၤ. ယူၤထီၣ်ကွံာ်ဝဲဒီးတထံၣ်တၢ်ဂ့ၤနီတမံၤဘၣ်.

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

စံးထီၣ်ပတြၢၤ 4:6

ပှၤအိၣ်ဝဲအါဂၤလၢအစံး, “အိ, မ့ၢ်မတၤကဒုးထံၣ်ပှၤ လၢတၢ်အဂ့ၤန့ၣ်လဲၣ်. ယွၤဧၢ, ကွၢ်လီၤပှၤလၢ တၢ်သူၣ်ကညီၤသးကညီၤအပူၤတက့ၢ်.”

စံးထီၣ်ပတြၢၤ 74:18

ကစၢ်ယွၤဧၢ, သ့ၣ်နီၣ်ထီၣ်က့ၤတၢ်အံၤ, လၢနဒုၣ်နဒါဒုၣ်ဒွဲၣ်နၤဒ်လဲၣ်, ဒီးပှၤဂီၢ်မုၢ်လၢအတစီတဆှံ မၤတရီတပါနမံၤဒ်လဲၣ်န့ၣ်တက့ၢ်.

စံးထီၣ်ပတြၢၤ 74:22

ကစၢ်ယွၤဧၢ, ထိၣ်ဂဲၤထီၣ်နသးဒီး ဒီဒၣ်နကွီၢ်န့ၣ်တက့ၢ်. သ့ၣ်နီၣ်ထီၣ်က့ၤပှၤလၢအတအိၣ်ဒီးယွၤ နံၤဘၣ်ဖၣ်လဲနၤဒီတနံၤညါန့ၣ်တက့ၢ်.

စံးထီၣ်ပတြၢၤ 78:39

အဝဲသ့ၣ်နီၣ်ထီၣ်က့ၤဝဲလၢ အဝဲသ့ၣ်တဖၣ်န့ၣ်မ့ၢ်တၢ်ဖံးတၢ်ညၣ်, လီၤဂာ်ဒီးကလံၤလၢအလဲၤပူၤကွံာ်ဒီး တဟဲကဒါက့ၤလၢၤဘၣ်န့ၣ်လီၤ.

စံးထီၣ်ပတြၢၤ 89:47

ယွၤဧၢ, ယဆၢကတီၢ်ဖုၣ်ဆံးဒိၣ်လဲၣ်န့ၣ် သ့ၣ်နီၣ်ထီၣ်တက့ၢ်. ဒီးနတ့လီၤပှၤကညီဖိလၢအသံသ့န့ၣ် သ့ၣ်နီၣ်ထီၣ်တက့ၢ်.

စံးထီၣ်ပတြၢၤ 89:50

ယွၤဧၢ, သ့ၣ်နီၣ်ထီၣ်က့ၤနခ့နပှၤဘၣ်တၢ်ဒုၣ်ဒွဲၣ်ဒ်လဲၣ်, ဒီးယစိာ်ပှၤအါကလုာ်အတၢ်ဒုၣ်ဒွဲၣ်လၢ ယသးနါပှၢ်အပူၤဒ်လဲၣ်န့ၣ်တက့ၢ်.

လံာ်ယံးရမံယၤ 15:15

အန့ၣ်ဒီးယစံး, “ယွၤဧၢ, နသ့ၣ်ညါနၢ်ပၢၢ်နဲလီၤ. သ့ၣ်နီၣ်ထီၣ်ယၤဒီးမၤစၢၤယၤတက့ၢ်. ပျဲယဟ့ၣ်ကၣ်ပှၤလၢအမၤအၢမၤနးယၤတဖၣ်န့ၣ်, တက့ၢ်. ဝံသးစူၤအဝဲသ့ၣ်ကဲၣ်ဆိးတုၤလၢအဝဲသ့ၣ်မၤသံယၤကန့ၢ်န့ၣ်တဂ့ၤ. သ့ၣ်နီၣ်ထီၣ်က့ၤလၢယဘၣ်တၢ်ဒုၣ်ဒွဲၣ်ယၤမ့ၢ်လၢနဃိန့ၣ်တက့ၢ်.

ယၤကိာ် 4:14

သုတၢ်အိၣ်မူခဲမုၢ်ဆ့ၣ်ကမ့ၢ်တၢ်ဒ်လဲၣ်န့ၣ်, သုတသ့ၣ်ညါ ဒၣ်လဲာ်ဘၣ်. သုလီၤဂာ်ဒီးဘှ့ၣ်လၢအအိၣ်ဖျါတစိၢ်ဖိဝံၤ, လၢခံက့ၤလီၤမၢ်ကွံာ်ဝဲဒၣ်န့ၣ်လီၤ.