လံာ်စီၤယိၤဘး 7:21 - Sgaw Karen Common Bible

²¹ နပျၢ်ယတၢ်ဒဲးဘးတသ့လၢၤဘၣ်ဧါ. နကွၢ်ကပာ်ကွံာ်တၢ်ကမၣ် လၢယမၤဘၣ်အီၤတသ့ဘၣ်ဧါ. တယံာ်ဘၣ်ဒီးယကအိၣ်ယဲလၢ ယသွၣ်ခိၣ်အပူၤဒီးဖဲနဃုယၤန့ၣ်ယတအိၣ်လၢၤဘၣ်.

လံာ်စီၤယိၤဘး 7:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:10

ဘၣ်ဆၣ်ဒီးဖဲစီၤဒၤဝံး မၤတၢ်ဂံၢ်ဒီးတၢ်ကွဲးနီၣ်ကွဲးဃါအံၤဝံၤအလီၢ်ခံန့ၣ်, အဝဲအသးလၢအသ့ၣ်ညါဒၣ်တၢ်, စးထီၣ်ဘၣ်ဒိဘၣ်ထံးဝဲ, ဒီးအဝဲစံးဘၣ်ယွၤ, “ယမၤတ့ၢ်တၢ်ဒဲးဘးလီၤပျံၤလီၤဖုးတမံၤလၢယမၤတၢ်အံၤအဃိန့ၣ်လီၤ. ဝံသးစူၤပျၢ်ယတၢ်ကမၣ်တက့ၢ်. ယမၤယသးဒ်ပှၤအမၢးတဂၤအသိးန့ၣ်လီၤ.”

လံာ်စီၤယိၤဘး 10:14

နကွၢ်ဟုၣ်ကွၢ်စုးယၤလၢ မ့ၢ်ယကမၤတၢ်ဒဲးဘးတၢ်ဧါ, ဒ်သိးနဂ့ၢ်လိာ်လၢနပျၢ် ယတၢ်ဒဲးဘးကသ့န့ၣ်လီၤ.

လံာ်စီၤယိၤဘး 10:9

သ့ၣ်နီၣ်ထီၣ်က့ၤလၢ်လၢနတ့ယၤလၢကပံာ်ဒီးမ့ၢ်နကဒုးကဲထီၣ် ကဒီးက့ၤယၤလၢဟီၣ်ခိၣ်အကမူၣ်န့ၣ်ဧါ.

လံာ်စီၤယိၤဘး 13:19

ကစၢ်ယွၤဧၢ, မ့ၢ်နဟဲလၢနကပာ်တၢ်ကမၣ်လၢယလိၤန့ၣ်ဧါ. မ့မ့ၢ်ဒ်န့ၣ်ဒီးယအိၣ်ကတဲာ်ကတီၤယသးလၢယကအိၣ်ဘှီၣ်ဒီး သံန့ၣ်လီၤ.

လံာ်စီၤယိၤဘး 14:10

ဘၣ်ဆၣ်ပှၤကညီသံဝဲဒီးမ့ၢ်တၢ်အကတၢၢ်လၢအဂီၢ်န့ၣ်လီၤ. သံဝဲ, ဒီးအန့ၣ်တစုမ့ၢ်အအိၣ်ဝဲဖဲလဲၣ်.

လံာ်စီၤယိၤဘး 17:14

ယကကိးတၢ်သွၣ်ခိၣ်လၢယပၢ်, လၢၣ်ဧိၤဆှးဧိၤတဖၣ်လၢ အအီၣ်ယၤန့ၣ်လၢယမိၢ်မ့တမ့ၢ်ယဒီပုၢ်ဝဲၢ်မုၣ်တဖၣ်လီၤ.

လံာ်စီၤယိၤဘး 20:8

အဝဲကဟါမၢ်ကွံာ်ဒ်တၢ်မံမီၢ်အသိးဒီးတၢ်တထံၣ်န့ၢ်ဘၣ်အီၤလၢၤ ဘၣ်ဒ်တၢ်ထံၣ်လၢညါခီလၢမုၢ်နၤအသိးန့ၣ်လီၤ.

လံာ်စီၤယိၤဘး 27:19

အဝဲသ့ၣ်ကမံနီၤလီၤဝဲဒ်ပှၤထူးပှၤတီၤအသိးလၢခံကတၢၢ်တဘျီ, ဒီးတုၤအပၢၢ်ထီၣ်ဒီးကထံၣ်ဝဲလၢအတၢ်ထူးတၢ်တီၤတအိၣ်လၢၤ ဘၣ်န့ၣ်လီၤ.

လံာ်စီၤယိၤဘး 3:13

ယမ့ၢ်သံယဲဖဲန့ၣ်လံၤလံၤန့ၣ်ဒီးခဲအံၤယကအိၣ်ဘှံးဘၣ်ယဲလံ န့ၣ်လီၤ.

လံာ်စီၤယိၤဘး 33:9

ယကဆှီယဲ, ယတၢ်ကမၣ်တအိၣ်ဘၣ်. ယစီယဲဒီးတၢ်ဒဲးဘး တအိၣ်လၢယပူၤန့ၣ်ဘၣ်.

လံာ်စီၤယိၤဘး 7:8

နထံၣ်ယၤခဲကနံၣ်အံၤဘၣ်ဆၣ်လၢခံနတထံၣ်ဘၣ်ယၤနီတစု လၢၤဘၣ်. နမ့ၢ်ကွၢ်ဃုယၤဒီးယတအိၣ်လၢၤဘၣ်.

လံာ်စီၤယိၤဘး 8:1

ဒီးပှၤၡူၤဃးဖိစီၤဘံးလဒးစံးဆၢဝဲဒၣ်, နကတိၤတၢ်, ဒီးနတဆိကတီၢ်နီတဘျီဘၣ်. တၢ်အံၤမၤသးဒ်ကလံၤမုၢ်အသိး န့ၣ်လီၤ.

လံာ်စီၤယိၤဘး 9:28

ယပျံၤဒံးဒၣ်ယတၢ်နးတၢ်ဖှီၣ်တဖၣ်, မ့ၢ်လၢယသ့ၣ်ညါ လၢနတပျၢ်ယတၢ်ကမၣ်ဒံးဘၣ်အဃိန့ၣ်လီၤ.

စံးထီၣ်ပတြၢၤ 103:15

တၢ်လၢပှၤကညီအံၤ, အမုၢ်နံၤမၤအသးဒ် နီၣ်ဧိၤမံၤဧိၤအသိးလီၤ. အဝဲဟဲထီၣ်ဝဲဒ်သံၣ်ဧိၤဖီဧိၤလၢပျီပူၤအသိးလီၤ.

စံးထီၣ်ပတြၢၤ 37:36

ဘၣ်ဆၣ်ဖဲယလဲၤခီဂာ်ကဒီးတဘျီန့ၣ်, အဝဲတအိၣ်ဖဲန့ၣ်လၢၤဘၣ်. ယဃုအီၤဒၣ်လဲာ်, ယတထံၣ်န့ၢ်အီၤလၢၤဘၣ်.

လံာ်ပှၤစံၣ်တဲၤတဲလီၤတၢ် 12:7

ပနီၢ်ခိတဖၣ်ကက့ၤဆူဟီၣ်ခိၣ်အကမူၣ်, ဒီးပတၢ်မူအသါက့ၤကဒါ က့ၤဆူကစၢ်ယွၤလၢအဟ့ၣ်လီၤတ့ၢ်ပှၤအအိၣ်န့ၣ်လီၤ.

လံာ်ယၡါယၤ 26:19

ပပှၤဂီၢ်မုၢ်လၢအသံတ့ၢ်တဖၣ်ကမူကဒီးလီၤ. အဝဲသ့ၣ်အနီၢ်ခိတဖၣ်ကမူထီၣ်က့ၤလီၤ. ကယဲၢ်ပှၤလၢအမံလၢအသွၣ်ခိၣ်အပူၤတဖၣ်ကပၢၢ်ထီၣ် ဒီးသးဝံၣ်တၢ်လၢတၢ်သးခုအပူၤလီၤ. ဒ်ဘှ့ၣ်ပစီၤအတၢ်ကပီၤမၤသီထီၣ်က့ၤဟီၣ်ခိၣ်အသိးန့ၣ်, ယွၤကမၤမူထီၣ်ပှၤလၢအသံတ့ၢ်ဝဲလၢပျၢၤတဖၣ်လီၤ.

လံာ်ယၡါယၤ 64:9

လၢတၢ်န့ၣ်အဃိဒီး, တဘၣ်သးဒိၣ်ပှၤကဲၣ်ဆိးမ့ၢ်ဂ့ၤ, စၢဃာ်ပတၢ်ဒဲးဘးတဖၣ်ထီဒါပှၤမ့ၢ်ဂ့ၤ, လီၤထူလီၤယိာ်တဂ့ၤ. ပမ့ၢ်နပှၤဂီၢ်မုၢ်ဒီးသူၣ်ကညီၤသးကညီၤလၢ်ပှၤတက့ၢ်.

လံာ်ဒၤနံးယ့လး 12:2

ဒီးပှၤအါဂၤလၢအသံတ့ၢ်လံတဖၣ်ကမူထီၣ်က့ၤဝဲ, တနီၤဆူတၢ်မူအထူအယိာ်ဒီးတနီၤဆူတၢ်မဲာ်ဆှးဒီးတၢ်လီၤ သးဘၣ်အၢအထူအယိာ်န့ၣ်လီၤ.

လံာ်ဟိၤၡ့ 14:2

ဟဲက့ၤဆူယွၤအအိၣ်ဒီးဒုးကဲထီၣ်တၢ်ထုကဖၣ်အံၤလၢတၢ်လုၢ်တၢ် ပာ်ဆူအအိၣ်တက့ၢ်. ပျၢ်လၢ်ဘၣ်ပတၢ်ဒဲးဘးတဖၣ်ခဲလၢာ်ဒီးတူၢ်လိာ်ပတၢ်ထုကဖၣ်, ဒီးပကစံးထီၣ်ပတြၢၤနၤဒ်ပအၢၣ်လီၤတ့ၢ်အသိးန့ၣ်လီၤ.

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.

၁ ယိၤဟၣ် 3:5

သုသ့ၣ်ညါလၢခရံာ်အိၣ်ဖျါထီၣ်တ့ၢ်ဝဲဒ်သိးအကစိာ် ကွံာ်ပတၢ်ဒဲးဘးတဖၣ်အဂီၢ်, ဒီးလၢအဝဲဒၣ်အပူၤတခီ တၢ်ဒဲးဘးတအိၣ်နီတမံၤဘၣ်န့ၣ်လီၤ.