လံာ်စီၤယိၤဘး 7:20 - Sgaw Karen Common Bible

²⁰ ပှၤကွၢ်ထွဲပှၤကညီတဖၣ်တဂၤဧၢ, မ့ၢ်ယမၤဆါတ့ၢ်နၤလၢ ယတၢ်ဒဲးဘးအဃိဧါ. ဘၣ်မနုၤလၢနပာ်ယၤလၢနခးတၢ် အပနီၣ်န့ၣ်လဲၣ်. မ့ၢ်ယကဲထီၣ်တၢ်ဝံဃၢလၢနဂီၢ်ဖးဒိၣ်ဧါ.

လံာ်စီၤယိၤဘး 7:20 Iomraidhean Croise

လံာ်စီၤနဃ့မယၤ 9:6

ဒီးကီၢ်အံၣ်စရ့လးအပှၤဂီၢ်မုၢ်ဘါထုကဖၣ်ဝဲ, “နဲဒၣ်ယွၤဧၢ, နမ့ၢ်ယွၤထဲတဂၤဧိၤလီၤ. နတ့လီၤမူခိၣ်အလီၢ်တဖၣ်ဒီးဆၣ်တဖၣ်လၢမူခိၣ်ကပိၤလိၤန့ၣ်လီၤ. နတ့လီၤဟီၣ်ခိၣ်ဒီးပီၣ်လဲၣ်, ဒီးကယဲၢ်တၢ်လၢအအိၣ်လၢအပူၤခဲ လၢာ် ဒီးနဟ့ၣ်အဝဲသ့ၣ်ခဲလၢာ်လၢတၢ်မူန့ၣ်လီၤ. ဒီးမူခိၣ်အသုးမုၢ်ဂီၢ်မုၢ်တီၤလီၤဒီးဘူၣ်ထီၣ် ဘါထီၣ်နၤလီၤ.

လံာ်စီၤယိၤဘး 10:14

နကွၢ်ဟုၣ်ကွၢ်စုးယၤလၢ မ့ၢ်ယကမၤတၢ်ဒဲးဘးတၢ်ဧါ, ဒ်သိးနဂ့ၢ်လိာ်လၢနပျၢ် ယတၢ်ဒဲးဘးကသ့န့ၣ်လီၤ.

လံာ်စီၤယိၤဘး 10:2

ကစၢ်ယွၤဧၢ, စံၣ်ညီၣ်လၢ်ယၤတဂ့ၤ. စံးဘၣ်ယၤ, တၢ်ကမၣ်လၢအဘၣ်တၢ်ပာ်လီၤထီဒါယၤန့ၣ်မ့ၢ် မနုၤလဲၣ်န့ၣ်တက့ၢ်.

လံာ်စီၤယိၤဘး 10:6

လၢနကဘၣ်ဃုထံၣ်ယတၢ်ကမၣ်တဖၣ်ဒီး ဃုကွၢ်လီၤတံၢ်ယတၢ်ဒဲးဘးတဖၣ်န့ၣ်ဧါ.

လံာ်စီၤယိၤဘး 13:26

နဟ့ၣ်လီၤတၢ်စံၣ်ညီၣ်အကလုၢ်ထီဒါယၤန့ၣ် မ့ၢ်တၢ်လၢအနး ဒိၣ်မးတုၤဒၣ်လဲာ်လၢတၢ်လၢယမၤတ့ၢ်အီၤဖဲယသးစၢ်အခါ အဂီၢ်န့ၣ်လီၤ.

လံာ်စီၤယိၤဘး 14:16

တုၤနုၤတစုနကခိးကွၢ်လၢ်ယခီၣ်ခါလၢယကါအီၤကိးခါဒဲး ဘၣ်ဆၣ်ဒီးနတကွၢ်ဟုၣ်ကွၢ်စုးလၢၤယတၢ်ဒဲးဘးတဖၣ်ဘၣ်.

လံာ်စီၤယိၤဘး 22:5

နတၢ်အၢတၢ်သီတဖၣ်န့ၣ်တဒိၣ်ဝဲဘၣ်ဧါ. နတၢ်ဒဲးဘးတဖၣ်အိၣ်တထံၣ်ဃီ တမ့ၢ်ဘၣ်ဧါ.

လံာ်စီၤယိၤဘး 3:24

အဂ့ၢ်ဒ်အံၤယတၢ်သါသဖှိဟဲဝဲဒ်ယတၢ်အီၣ်အသိးဒီးယတၢ် ကအုကစွါလူလီၤအသးဒ်ထံဧိၤနိဧိၤအသိးန့ၣ်လီၤ.

လံာ်စီၤယိၤဘး 31:33

ပှၤအဂၤကျဲးစၢးမၤဘၢအတၢ်ကမၣ်တဖၣ်ဘၣ်ဆၣ်ဒီးယတပာ် တဒၢတ့ၢ်ယတၢ်ကမၣ်နီတဘျီဘၣ်.

လံာ်စီၤယိၤဘး 33:27

အဝဲစံးတၢ်လၢပှၤဂီၢ်မုၢ်အမဲာ်ညါ, “ယမၤတ့ၢ်လံတၢ်ဒဲးဘးလံ. ယတမၤတၢ်လၢ အဘၣ်ဘၣ်. ဘၣ်ဆၣ်ဒီးကစၢ်ယွၤပျၢ်ဖျဲးယၤလီၤ.

လံာ်စီၤယိၤဘး 33:9

ယကဆှီယဲ, ယတၢ်ကမၣ်တအိၣ်ဘၣ်. ယစီယဲဒီးတၢ်ဒဲးဘး တအိၣ်လၢယပူၤန့ၣ်ဘၣ်.

လံာ်စီၤယိၤဘး 35:3

ဒီးနတၢ်သံကွၢ်ကစၢ်ယွၤ, ယတၢ်ဒဲးဘးမၤဘၣ်ဒိဘၣ်ထံး နၤဒ်လဲၣ်. ယမ့ၢ်တမၤဘၣ်တၢ်ဒဲးဘးဒီးယကဘၣ်ဘျုး မနုၤလဲၣ်န့ၣ်, တဘၣ်ဘၣ်.

လံာ်စီၤယိၤဘး 35:6

နမ့ၢ်မၤတၢ်ဒဲးဘးဒီးတမၤဆါဘၣ်ကစၢ်ယွၤနီတမံၤဘၣ်. နမ့ၢ်မၤတၢ်ကမၣ်အဘျီတဖၣ်အဘျီဒၣ်လဲာ်တၢ်န့ၣ်မ့ၢ် အမၤဘၣ်ဒိဘၣ်ထံးအီၤဧါ.

လံာ်စီၤယိၤဘး 6:4

သ့တၢ်လၢာ်အကစၢ်ယွၤခးတ့ၢ်လံယၤလၢအပျၢ်တဖၣ်ဒီး အစုၣ်ထီၣ်ပှဲၤလၢယပူၤန့ၣ်လီၤ. ကစၢ်ယွၤအတၢ်မၤပျံၤမၤ ဖုးတဖၣ်ရဲၣ်လီၤအသးထီဒါယၤလီၤ.

စံးထီၣ်ပတြၢၤ 21:12

အဝဲကခးအဝဲသ့ၣ်လၢပျၢ် တဖၣ် ဒီးအဝဲသ့ၣ်ကဃၣ်ကွံာ်အသးဒီးဃ့ၢ်ဝဲဒၣ်န့ၣ်လီၤ.

စံးထီၣ်ပတြၢၤ 36:6

နတၢ်တီတၢ်လိၤန့ၣ်လီၤဂာ်ဒီးကစၢၢ်တဖၣ်လၢအအိၣ်ထီၣ်ထီ နတၢ်စံၣ်ညီၣ်တီတဖၣ်န့ၣ် လီၤဂာ်ဒီးပီၣ်လဲၣ်အတၢ်ပူၤယိာ်န့ၣ်လီၤ. ယွၤဧၢ, ပှၤကညီဒီးဆၣ်ဖိကီၢ်ဖိန့ၣ်နကဟုကယာ်အီၤလီၤ.

စံးထီၣ်ပတြၢၤ 80:4

ယွၤသ့တၢ်လၢာ်အကစၢ်ယွၤဧၢ, မ့ၢ်နကသးထီၣ်နပှၤဂီၢ်မုၢ် အတၢ်ထုကဖၣ်န့ၣ်ဆံးယံာ်လဲၣ်.

လံာ်သးသယုၢ်တၢ် 3:12

အဝဲဖ့ၣ်ထီၣ်သူထီၣ်အချံၣ်ဒီးဒုးကဲထီၣ်ယၤဒ်တၢ်ပညိၣ်ပနီၣ် လၢအပျၢ်တဖၣ်အဂီၢ်လီၤ.