လံာ်စီၤယိၤဘး 6:7 - Sgaw Karen Common Bible

⁷ တၢ်အီၣ်ဒ်န့ၣ်အသိးတဖၣ်န့ၣ်ယသးတဃ့အီၣ်ဘၣ်. ဒီးကယဲၢ်တၢ်လၢယအီၣ်ခဲလၢာ်န့ၣ်ကဲထီၣ်တၢ်ဆူးတၢ်ဆါ လၢယဂီၢ်လီၤ.

လံာ်စီၤယိၤဘး 6:7 Iomraidhean Croise

လံာ်စီၤပၤအခီၣ်ထံးတဘ့ၣ် 17:12

မုၣ်ကမဲစံးဆၢအီၤ, “ယဆိၣ်လီၤယသးလၢယွၤ, နကစၢ်လၢအမူဝဲတဂၤအမံၤအပူၤလၢယတအိၣ်ဒီးကိၣ်နီတစဲးဘၣ်. တၢ်လၢအအိၣ်ဒီးယၤခဲလၢာ်န့ၣ်မ့ၢ်ဒၣ်ကိၣ်ကမူၣ်တစှီၤလၢလီခီ တဖျၢၣ်အပူၤဒီးသ့ၣ်စၤယံးအသိတစဲးဖိလၢကိတဖျၢၣ်အပူၤန့ၣ် လီၤ. ယဟဲတ့ၢ်ဖဲအံၤဒ်သိးယကထၢဖှိၣ်သ့ၣ်မုၣ်တနီၤလၢယကက့ၤစိာ်ဆူ ဟံၣ်ဒီးကတဲာ်ကတီၤတၢ်လၢအအိၣ်ဒီးယၤတစဲးဖိအံၤလၢယဖိခွါ ဒီးယၤအဂီၢ်န့ၣ်လီၤ. တၢ်န့ၣ်မ့ၢ်ပတၢ်အီၣ်လၢခံကတၢၢ်ဝံၤဒီးပကလီၤဒိသံကွံာ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 22:27

တဲဘၣ်အဝဲသ့ၣ်လၢကဒၢနုာ်အီၤဆူဃိာ်ပူၤဒီးလုၢ်အီၣ်လုၢ်အီ လၢကိၣ်ဒီးထံတုၤလၢယဟဲက့ၤတုၤမုာ်မုာ်န့ၣ်တက့ၢ်.”

လံာ်စီၤယိၤဘး 3:24

အဂ့ၢ်ဒ်အံၤယတၢ်သါသဖှိဟဲဝဲဒ်ယတၢ်အီၣ်အသိးဒီးယတၢ် ကအုကစွါလူလီၤအသးဒ်ထံဧိၤနိဧိၤအသိးန့ၣ်လီၤ.

လံာ်စီၤယိၤဘး 33:20

ပှၤဘၣ်ဆူးဘၣ်ဆါတဖၣ်အသးလၢာ်ကွံာ်တၢ်အီၣ်အဝံၣ်အဆၢဒီးသး ဘၣ်အၢတၢ်အီၣ်အဂ့ၤကတၢၢ်တဖၣ်ဒၣ်လဲာ်လီၤ.

လံာ်စီၤယိၤဘး 6:6

ဘၣ်ဆၣ်ဒီးတၢ်အီၣ်အဘျါလၢတအိၣ်ဒီးအံသၣ်န့ၣ်မတၤအီၣ် ကဝံၣ်လဲၣ်. လၢထိၣ်ဒံၣ်အကပိၤဝါပူၤန့ၣ်တၢ်အဝံၣ်အဘဲမနုၤ တမံၤအိၣ်လဲၣ်.

လံာ်စီၤယိၤဘး 6:8

ဘၣ်မနုၤလၢကစၢ်ယွၤတဟ့ၣ်ယၤတၢ်လၢယဃ့န့ၣ်လဲၣ်. ဘၣ်မနုၤလၢအဝဲတစံးဆၢယတၢ်ထုကဖၣ်န့ၣ်လဲၣ်.

စံးထီၣ်ပတြၢၤ 102:9

ယအီၣ်ဖၣ်ဆါဒ်ကိၣ်အသိး ဒီးယမၤဃါဃုာ်ယတၢ်အီဒီးမဲာ်ထံလီၤ.

လံာ်ယဃ့းစက့လး 4:14

ဘၣ်ဆၣ်ဒီးယစံးဆၢအီၤ, “တမ့ၢ်ဘၣ်, ယွၤပၢဘၣ်တၢ်ခဲလၢာ်ကစၢ်ဧၢ, ယတမၤဘၣ်အၢဘၣ်သီယသးနီတစုဘၣ်. လၢယဖိသၣ်လံၤလံၤဒီးတုၤခဲအံၤန့ၣ်, ယတအီၣ်ဆၣ်ဖိကီၢ်ဖိလၢအသံဒၣ်တၢ်အညၣ်မ့ၢ်ဂ့ၤ, ဘၣ်တၢ်မၤသံအီၤလၢဆၣ်ဖိကီၢ်ဖိလၢအမံၤတဖၣ်အညၣ်မ့ၢ်ဂ့ၤ, နီတစုဘၣ်. တၢ်အီၣ်လၢတၢ်ပာ်အီၤလၢအတကဆှီဘၣ်န့ၣ်, ယတအီၣ်အီၤနီတစုဘၣ်.”

လံာ်ယဃ့းစက့လး 4:16

ဒီးကစၢ်ယွၤစံးအါထီၣ်, “ပှၤကညီလၢအသံသ့ဧၢ, ယကဒီၣ်တဲာ်ကွံာ်တၢ်ဆှၢလီၤကိၣ်လၢဝ့ၢ်ယရူၤၡလ့ၣ်အဂီၢ်န့ၣ်လီၤ. ပှၤဂီၢ်မုၢ်ဖဲန့ၣ်တဖၣ်ကဘၣ်တၢ်ကိၢ်တၢ်ဂီၤဒီးကအိၣ်ဒီးတၢ်ဘၣ် ယိၣ်ဘၣ်ဘီ, ဖဲအဝဲသ့ၣ်စီၤထီၣ်ဝဲတၢ်အီၣ်လၢအဝဲသ့ၣ်အီၣ်ဝဲဒီးဃီၣ်ဝဲထံ လၢအဝဲသ့ၣ်အီဝဲအခါန့ၣ်လီၤ.

လံာ်ဒၤနံးယ့လး 10:3

ယတအီၣ်ဘၣ်တၢ်အီၣ်အဝံၣ်မ့ၢ်ဂ့ၤ, တၢ်ဖံးတၢ်ညၣ်, တၢ်အီစပံးထံတကလုာ်ဂ့ၤတကလုာ်ဂ့ၤမ့ၢ်ဂ့ၤ, ခွံယခိၣ်မ့ၢ်ဂ့ၤ တုၤလၢသၢနွံလဲၤပူၤကွံာ်ဝဲဒၣ်လီၤ.