လံာ်စီၤယိၤဘး 6:27 - Sgaw Karen Common Bible

²⁷ ဒီးသုကဖီၣ်ဒၣ်လဲာ်တၢ်ဖးလၢတၢ်မၤန့ၢ်ကုၢ်ဖိၣ်ဃဲဖိတဖၣ်အ ဂီၢ်ဒီးဆါလီၤကွံာ်သုတံၤသုသကိးတံၢ်နီၢ်တဖၣ်လၢသုကထူး ထီၣ်တီၤထီၣ်အဂီၢ်န့ၣ်လီၤ.

လံာ်စီၤယိၤဘး 6:27 Iomraidhean Croise

လံာ်စီၤယိၤဘး 22:9

နဒုးဟးကွံာ်မုၣ်ကမဲတဖၣ်အိၣ်ထဲစုယၢ်ခီ, ဒီးနဂုာ်ဆူၣ်ပျီဆူၣ်ပှၤဖိၣ်ဃဲတဖၣ်ဒီးပျဲအစုကၢ်ခီၣ်ကၢ်န့ၣ်လီၤ.

လံာ်စီၤယိၤဘး 24:3

အဝဲသ့ၣ်ဟံးန့ၢ်ပှၤဖိၣ်ဃဲတဖၣ်အကသ့ၣ်ယီၤတဖၣ်ဒီးဟံးကီၤမုၣ် ကမဲတဂၤအဂီၤဖံးတုၤအလိးက့ၤအကမၣ်န့ၣ်လီၤ.

လံာ်စီၤယိၤဘး 24:9

ပှၤအၢပှၤသီဒုးမၢကဲကုၢ်ဖိၣ်ဃဲဖိသ့ၣ်တဖၣ်, ဒီးဂုာ်န့ၢ်ပှၤဖှီၣ်ဖိယာ်ဖိတဖၣ်လၢတၢ်လိးက့ၤအဒ့ၣ်အကမၣ် အဂီၢ်န့ၣ်လီၤ.

လံာ်စီၤယိၤဘး 29:12

တုၤပှၤဖှီၣ်ဖိယာ်ဖိကိးထီၣ်ဝဲဒၣ်န့ၣ်ဒီးယမၤစၢၤအီၤ, ဒီးယမၤစၢၤပှၤဖိၣ်ဃဲဖိသ့ၣ်တဖၣ်လၢပှၤကမၤစၢၤအီၤတအိၣ် ဘၣ်န့ၣ်လီၤ.

လံာ်စီၤယိၤဘး 31:17

ဒီးယတပျဲပှၤဖိၣ်ဃဲတဖၣ်သၣ်ဝံၤလီၤဒိဖဲယအီၣ်တၢ်အခါန့ၣ်ဘၣ်.

လံာ်စီၤယိၤဘး 31:21

ယသ့ၣ်ညါလၢယကမၤနၢၤတၢ်လၢကွီၢ်ဘျီၣ်ပူၤသတးဒီး ယမ့ၢ်လီန့ၢ်ပှၤဖိၣ်ဃဲတဂၤ, တစုစုဒီး,

စံးထီၣ်ပတြၢၤ 57:6

ယဒုၣ်ယဒါသ့ၣ်တဖၣ်ရၤလီၤအပှာ် ဧိၤစၤဧိၤလၢကဖီၣ်န့ၢ်ယၤအဂီၢ်လီၤ. ယဘၣ်တၢ်မၤနၢၤယၤလၢတၢ်ကိၢ်တၢ်ဂီၤန့ၣ်လီၤ. အဝဲသ့ၣ်ခူၣ်လီၤတၢ်ပူၤလၢယကျဲ, ဘၣ်ဆၣ်အကစၢ်ဒၣ်ဝဲလီၤတဲာ်လၢတၢ်ပူၤန့ၣ်လီၤ. စ့လၤ

စံးထီၣ်ပတြၢၤ 7:15

ခူၣ်တၢ်ပူၤဒီးဘၢၣ်ဝဲ, ဒီးလီၤတဲာ်နုာ်ဆူတၢ်ပူၤလၢအခူၣ်ဝဲန့ၣ်လီၤ.

စံးထီၣ်ပတြၢၤ 82:3

အိၣ်ပှိၤပှၤဂံၢ်စၢ်ဘါစၢ်ဒီး ပှၤဖိၣ်ဃဲတဖၣ်အကွီၢ်ဒီး ဟံးဃာ်ပှၤဘၣ်နးဘၣ်ဖှီၣ်ဒီး အတၢ်ခွဲးတၢ်ယာ်တက့ၢ်.

လံာ်တၢ်ဟးထီၣ်ကွံာ် 22:21

မၤတရီတပါမ့တမ့ၢ်မၤနးမၤဖှီၣ်ပှၤတခီဘီမုၢ်ဖိတဂၤန့ၣ်တဂ့ၤ. သ့ၣ်နီၣ်ထီၣ်လၢသုမ့ၢ်တ့ၢ်ပှၤတခီဘီမုၢ်ဖိတဖၣ်လၢကီၢ် အဲၤကူပတူးအပူၤန့ၣ်တက့ၢ်.

လံာ်ယံးရမံယၤ 18:20

တၢ်အဂ့ၤန့ၣ်ကြၢးတၢ်ဟ့ၣ်ဆၢက့ၤလၢတၢ်အၢန့ၣ်ဧါ. အန့ၣ်ဒၣ်လဲာ်အ ဝဲသ့ၣ်ခူၣ်တ့ၢ်တၢ်ပူၤတပူၤလၢယကလီၤတဲာ်နုာ်အဂီၢ်လီၤ. သ့ၣ်နီၣ်ထီၣ်က့ၤလၢယဟဲဆူနအိၣ်ဒီးကတိၤတၢ်လၢ အဝဲသ့ၣ်အခၢၣ်စးဒ်လဲၣ်, ဒ်သိးဒီးနသုတမၤအဝဲ သ့ၣ်လၢတၢ်သူၣ်ဒိၣ်သးဖျိးအပူၤတဂ့ၤအဂီၢ်န့ၣ်တက့ၢ်.

လံာ်ယံးရမံယၤ 18:22

ဆှၢလီၤပှၤမၤတၢထီၣ်တၢလီၤတၢ်တဖုလၢကဂုာ်ဆူၣ်ပျီဆူၣ် အဟံၣ်အဃီတဖၣ်လၢတၢ်ကဟ့ၣ်ပလီၢ်ဆိအပူၤတက့ၢ်. မ်အဝဲသ့ၣ် ဟီၣ်ကိးပသူထီၣ်လၢတၢ်ပျံၤတၢ်ဖုးအပူၤန့ၣ်တက့ၢ်. အဝဲသ့ၣ်ခူၣ်တ့ၢ် တၢ်ပူၤတပူၤလၢယကလီၤတဲာ်နုာ်အဂီၢ်ဒီးပာ်လီၤတ့ၢ်ထုတဖၣ် လၢကဖီၣ်န့ၢ်ယၤအဂီၢ်လီၤ.

လံာ်ယဃ့းစက့လး 22:7

ပှၤအိၣ်လၢဝ့ၢ်ပူၤတယူးယီၣ်အမိၢ်အပၢ်နီတဂၤဘၣ်. သုလီန့ၢ်ပှၤတခီဘီမုၢ်ဖိတဖၣ်ဒီးသုဟံးန့ၢ်တၢ်အခွဲး အယာ်လၢပှၤမုၣ်ကမဲတဖၣ်ဒီးပှၤဖိၣ်ဃဲတဖၣ်အဖီခိၣ်လီၤ.

လံာ်ယိၤအ့လး 3:3

အဝဲသ့ၣ်ဖီၣ်တၢ်ဖးလၢ မတၤကမၤန့ၢ်ပှၤဘၣ်တၢ်စိာ်မၢကဲကုၢ်အီၤတဖၣ်လဲၣ်န့ၣ်လီၤ. အဝဲသ့ၣ်ဆါကွံာ်တ့ၢ်ဖိသၣ်ပိာ်ခွါဒီးဖိသၣ်ပိာ်မုၣ်တဖၣ်ဆူ ကုၢ်အလီၢ်ဒ်သိးကဟ့ၣ်တၢ်အပှ့ၤလၢပိာ်မုၣ်ဟးဂီၤတဖၣ် ဒီးစပံးထံအဂီၢ်န့ၣ်လီၤ.

လံာ်နၤဃူၣ် 3:10

ဘၣ်ဆၣ်ဒီးပှၤဝ့ၢ်သံဘံးဖိတဖၣ်ဘၣ်တၢ်စိာ် ကွံာ်အီၤဆူတၢ်မၢကဲကုၢ်အလီၢ်န့ၣ်လီၤ. ဒီးလၢကျဲကိးဘိဒဲး အသနၢၣ်န့ၣ်အဖိသ့ၣ်တဖၣ်ဘၣ်တၢ်တီၢ်သံကွံာ်အီၤန့ၣ်လီၤ. အပှၤကဲခိၣ်ကဲနၢ်သ့ၣ်တဖၣ်ဘၣ်တၢ်စၢဃာ်ဒီးမိၤထီၣ်ကွံာ်အီၤလၢ ထးသွဲတဖၣ်, ဒီးဘၣ်တၢ်နီၤဖးလီၤအီၤဆူပှၤဖီၣ်န့ၢ်အီၤတဖၣ်အကျါလီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.