လံာ်စီၤယိၤဘး 6:10 - Sgaw Karen Common Bible

¹⁰ ယမ့ၢ်သ့ၣ်ညါတ့ၢ်လၢကမၤဝဲဒ်န့ၣ်ဒီး, ယတၢ်နးတၢ်ဖှီၣ်မ့ၢ် ဒိၣ်ထဲလဲၣ်ဘၣ်ဆၣ်ယစံၣ်ထီၣ်လၢတၢ်သးခုအပူၤလီၤ. အဂ့ၢ်ဒ်အံၤယသ့ၣ်ညါလၢကစၢ်ယွၤန့ၣ်စီဆှံဝဲဒီးအတၢ်မၤလိာ် တဖၣ်န့ၣ်ယတထီဒါအီၤနီတစုဘၣ်.

လံာ်စီၤယိၤဘး 6:10 Iomraidhean Croise

လံာ်စီၤယိၤဘး 11:4

နစံးနဲလၢတၢ်လၢနစံးကတိၤအီၤန့ၣ်မ့ၢ်တၢ်မ့ၢ်တၢ်တီ, ဒီးနစံးလၢနစီနဲဆှံနဲလၢကစၢ်ယွၤအမဲာ်ညါန့ၣ်လီၤ.

လံာ်စီၤယိၤဘး 15:11

ကစၢ်ယွၤအတၢ်မၤမုာ်ထီၣ်က့ၤနၤလၢ, ပတၢ်ကတိၤကပုာ်လုး တဖၣ်န့ၣ်တလၢလၢနဂီၢ်ဘၣ်ဧါ.

လံာ်စီၤယိၤဘး 21:33

ပှၤအကထိတဖၣ်လဲၤပိာ်ထွဲဝဲတၢ်လဲၤစိာ်လီၤအီၤ, ဆူတၢ်သွၣ်ခိၣ်ဒီးဟီၣ်ခိၣ်ဘၣ်တၢ်ဖှံလီၤအီၤ ကယီလီလၢ အစိၣ်အဖီခိၣ်လီၤ.

လံာ်စီၤယိၤဘး 22:22

တူၢ်လိာ်တၢ်သိၣ်လိလၢအဟ့ၣ်နၤဒီးတိၢ်န့ၢ်အကလုၢ် အကထါတဖၣ်လၢနသးကံၢ်ပူၤန့ၣ်တက့ၢ်.

လံာ်စီၤယိၤဘး 23:11

ယခီၣ်ဟံးဃးအခီၣ်လီၢ်တဖၣ်, ယပိာ်အကျဲဒီးယတဟးဖး ဒီးအကျဲန့ၣ်ဘၣ်.

လံာ်စီၤယိၤဘး 23:12

တၢ်လၢကစၢ်ယွၤမၤလိာ်ဝဲတဖၣ်န့ၣ်ယမၤယဲထီဘိလီၤ. ယပိာ်ထွဲယဲတၢ်ဘၣ်အသး, တမ့ၢ်ဘၣ်ယသးအတၢ်ဆၢန့ၢ် တဖၣ်န့ၣ်ဘၣ်.

လံာ်စီၤယိၤဘး 3:22

အဝဲသ့ၣ်အသးအုးတုၤအကတီၢ်လၢအသံဒီးဘၣ်တၢ်ခူၣ်လီၤ ကွံာ်အီၤန့ၣ်လီၤ.

လံာ်စီၤယိၤဘး 9:4

ကစၢ်ယွၤန့ၣ်ကူၣ်ဘၣ်ကူၣ်သ့ဒီးအစိအကမီၤဒိၣ်နီၢ်မးန့ၣ်လီၤ. ပှၤထီဒါအီၤတန့ၢ်နီတဂၤဘၣ်.

စံးထီၣ်ပတြၢၤ 119:13

ယကတဲကဒါက့ၤ တၢ်သိၣ်တၢ်သီခဲလၢာ် လၢနဟ့ၣ်လီၤန့ၣ်, လၢယကလုၢ်ဖးဒိၣ်လီၤ.

စံးထီၣ်ပတြၢၤ 119:50

အအံၤမ့ၢ်တၢ်လၢအမၤမုာ်ထီၣ်က့ၤယၤလၢ ယတၢ်နးတၢ်ဖှီၣ်အပူၤဒၣ်လဲာ်န့ၣ်လီၤ. နတၢ်အၢၣ်လီၤဟ့ၣ်ယၤတၢ်မူန့ၣ်လီၤ.

စံးထီၣ်ပတြၢၤ 37:30

ပှၤအဂ့ၤအဝါအတၢ်ကတိၤန့ၣ်မ့ၢ်တၢ်ကူၣ်သ့ ဒီးအဝဲသ့ၣ်ထီဘိစံးကတိၤတၢ်အမ့ၢ်အတီလီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ဟိၤၡ့ 11:9

ယတစံၣ်ညီၣ်နၤလၢယတၢ်သးထီၣ်အပူၤဘၣ်. ယတမၤဟးဂီၤကဒီးလၢၤကီၢ်အံၣ်စရ့လးန့ၣ်ဘၣ်. အဂ့ၢ်ဒ်အံၤ, ယမ့ၢ်ကစၢ်ယွၤဒီးတမ့ၢ်ဘၣ်ပှၤကညီဘၣ်. ယၤ, တၢ်စီဆှံတဂၤ. အိၣ်ဒီးနၤလီၤ. ယတဟဲဆူနအိၣ်လၢတၢ်သးထီၣ်အပူၤန့ၣ်ဘၣ်.

လံာ်ဃဘးကူာ် 1:12

ယွၤဧၢ, လၢထံးလၢမကိာ်လံၤလံၤန့ၣ်နမ့ၢ်ကစၢ်ယွၤလီၤ. နမ့ၢ်ကစၢ်ယွၤ, တၢ်စီတၢ်ဆှံဒီးတၢ်လီၤထူလီၤယိာ်လီၤ. ယွၤ, ယကစၢ်ယွၤဒီးပှၤလၢအကဟုဘံၣ်ကယာ်ဘၢယၤဧၢ, နဃုထၢတ့ၢ်ပှၤဘၤဘူၤလိၣ်ဖိတဖၣ်ဒီးဒုးမၤထီၣ်အ ဂံၢ်အဘါဒ်သိးစံၣ်ညီၣ်ပှၤကသ့အဂီၢ်လီၤ.

လံာ်ဃဘးကူာ် 3:3

ကစၢ်ယွၤဟဲကဒီးလၢကီၢ်အဒိၣ်, ကစၢ်ယွၤလၢအစီဝဲဆှံဝဲတဂၤဟဲလီၤလၢပၤရၣ်အကစၢၢ်တဖၣ်လီၤ. အတၢ်လီၤဘီလီၤမုၢ်ကးဘၢမူကပိာ်လိၤတဖၣ် ဒီးဟီၣ်ခိၣ်ပှဲၤဝဲဒီးအတၢ်စံးထီၣ်ပတြၢၤလီၤ.

မၤတၢ် 20:20

သုသ့ၣ်ညါလၢ, ဖဲယစံၣ်တဲၤတဲလီၤန့ၢ်သုတၢ်ဒီးသိၣ်လိသီလိသုလၢ ကမျၢၢ်အကျါမ့ၢ်ဂ့ၤ, လၢသုဟံၣ်သုဃီပူၤမ့ၢ်ဂ့ၤ, တၢ်တမံၤလၢ်လၢ်လၢအကကဲထီၣ်တၢ်မၤစၢၤလၢသုဂီၢ်န့ၣ်, ယတပာ်ခူသူၣ်ယဲနီတမံၤဘၣ်န့ၣ်လီၤ.

မၤတၢ် 20:27

အဂ့ၢ်ဒ်အံၤ, တၢ်လၢကစၢ်ယွၤတိာ်ပာ်ဝဲခဲလၢာ်ခဲဆ့န့ၣ်, ယတပာ်ခူသူၣ်ယဲဘၣ်ဒီးဘိးဘၣ်သ့ၣ်ညါသုလီၤ.

ရိမ့ၤ 8:32

အဝဲတဟံးဃာ်က့ၤအဖိခွါဒၣ်ဝဲဒၣ်လဲာ်ဘၣ်, မ့မ့ၢ်လုၢ်ထီၣ် အီၤဒ်တၢ်လုၢ်အသိးလၢပဝဲခဲလၢာ်အဂီၢ်န့ၣ်လီၤ. အဝဲဒၣ်ဟ့ၣ်လီၤပှၤအဖိခွါဒၣ်ဝဲလံသတးဒီး, မ့ၢ်အတဟ့ၣ်ကလီစ့ၢ်ကီးပှၤလၢတၢ်အဂၤခဲလၢာ်န့ၣ်ဘၣ်ဧါ.

လံာ်သိၣ်လီၤသီလီၤတၢ် 29:20

ယွၤတပျၢ်ကွံာ်ပှၤဒ်န့ၣ်အသိးတဂၤအတၢ်ကမၣ်ဘၣ်, အခိၣ်တလိာ်, ယွၤအတၢ်သးကဲၤထီၣ်ကကဲၤကပျီၤထီၣ်ဘၣ်ထီဒါအီၤ, ဒီးကယဲၢ်တၢ်တတၢးတနါတဖၣ်လၢအအိၣ်ကွဲးအသးလၢလံာ်အံၤအပူၤ ကလီၤဘၣ်လၢအလိၤ, တုၤလၢယွၤမၤဟးဂီၤကွံာ်အီၤလၢာ်လၢာ်ဆ့ဆ့တစုန့ၣ်လီၤ.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.

လံာ်လီၣ်ဖျါ 4:8

တၢ်အိၣ်ဒီးအသးသမူလွံၢ်ဒုအံၤ, တဒုဒီးတဒုအိၣ်ဒီးအဒံး ဆ့ဃုဘ့ၣ်, ဒီးအဝဲသ့ၣ်အိၣ်ပှဲၤဒီးမဲာ်ချံတဖၣ်လၢအအိပူၤဒီး လၢအချၢတကပၤန့ၣ်လီၤ. ဒီနံၤဒီနၤ, အဝဲသ့ၣ်တဆိကတီၢ် ဘၣ်ဒီးသးဝံၣ်ဝဲဒ်အံၤ, “ကစၢ်ယွၤလၢအသ့တၢ်လၢာ်, လၢအအိၣ်တ့ၢ်လံလၢပျၢၤလံၤလံၤ, အိၣ်ဝဲခဲကနံၣ်အံၤ, ဒီးအကဟဲဝဲတဂၤန့ၣ်, စီဆှံ, စီဆှံ, စီဆှံဝဲလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 2:2

ပှၤစီဆှံဒ်ယွၤတအိၣ်ဝဲနီတဂၤဘၣ်. ပှၤလီၤဂာ်ဒီးအီၤတအိၣ်နီတဂၤဘၣ်. ပှၤဒီဒၣ်အိၣ်ပှိၤပှၤဒ်ပကစၢ်ယွၤတအိၣ်ဘၣ်.