လံာ်စီၤယိၤဘး 5:5 - Sgaw Karen Common Bible

⁵ ပှၤသူၣ်ဝံၤသးစ့ၤတဖၣ်ကအီၣ်ကွံာ်ပှၤဟးဂီၤဖိအဘုဧိၤဟုဧိၤ, တုၤလၢဘုဧိၤဟုဧိၤလၢအမဲထီၣ်လၢတၤဆှုၣ်တၤမဲအကျါ ဒၣ်လဲာ်န့ၣ်လီၤ. ဒီးပှၤလၢတၢ်သူအသးသ့ၣ်တဖၣ်ကသူၣ်က့ၣ် သးကါအဝဲအတၢ်ထူးတၢ်တီၤန့ၣ်လီၤ.

လံာ်စီၤယိၤဘး 5:5 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 33:11

လၢတၢ်န့ၣ်အဃိ, ယွၤပျဲကီၢ်စူၤရံအသုးမုၢ်အခိၣ်အနၢ်တဖၣ်လၢ ကလဲၤနုာ်လီၤဒုးကီၢ်ယူဒၤန့ၣ်လီၤ. ဒီးအဝဲသ့ၣ်ဖီၣ်န့ၢ်စီၤမနၤၡ့ၤ, ဘျးထီၣ်ထးက့ၣ်ခိၣ်တဖၣ်လၢအလိၤ, စၢဃးအီၤလၢထးသွဲဒီးက့ၤမိၤအီၤဆူကီၢ်ဘၤဘူၤလိၣ်န့ၣ်လီၤ.

လံာ်စီၤယိၤဘး 1:15

ပှၤစဘၤဖိတဖၣ်ဟဲဒုးတၢ်သတူၢ်ကလာ်ဒီးမၤသံကွံာ်နခ့နပှၤ တဖၣ်လၢနးအကနၣ်ဒီးစိာ်ကွံာ်တၢ်ခဲလၢာ်ဒီးပူၤဖျဲးထဲယၤတ ဂၤဧိၤလၢယကတဲဘၣ်နၤလီၤ.”

လံာ်စီၤယိၤဘး 1:17

ဖဲအဝဲကတိၤတၢ်အဖၢမုၢ်န့ၣ်, အခ့အပှၤအဂၤတဂၤဟဲဝဲဒီး စံးဝဲဒၣ်, “ပှၤက့ၤစ့းဖိလၢအပှၤဂုာ်ဆူၣ်ပျီဆူၣ်တၢ်သၢဖု ဟဲဒုး ပှၤဒီးစိာ်ကွံာ်ကီၤလၤအူးတဖၣ်ဒီးမၤသံကွံာ်နခ့နပှၤခဲလၢာ် ဒီးပှၤပူၤဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”

လံာ်စီၤယိၤဘး 12:6

ဘၣ်ဆၣ်တၢ်ဟုၣ်တၢ်ဘျၣ်တဖၣ်ဒီးပှၤလၢအယွၤတအိၣ်ဘၣ်တဖၣ်, အယွၤ မ့မ့ၢ်ဒၣ်ထဲအဂံၢ်အဘါဧိၤဒၣ်လဲာ်အိၣ်မူဝဲလၢတၢ်မုာ်တၢ်ပၢၤအပူၤန့ၣ်လီၤ.

လံာ်စီၤယိၤဘး 2:3

ဒီးယွၤစံးဘၣ်မုၣ်ကီၤလံၢ်, “မ့ၢ်နကွၢ်ထံယခ့ယပှၤစီၤယိၤဘး တဂၤလၢနသးစ့ၢ်ကီးဧါ. လၢဟီၣ်ခိၣ်ချၢန့ၣ်ပှၤအတီအလိၤဒီး ပှၤဂ့ၤဒ်သိးအီၤတအိၣ်ဘၣ်နီတဂၤဘၣ်. မ့ၢ်ပှၤပျံၤယွၤဒီးဟး ဆှဲးတၢ်အၢတဂၤလီၤ. နထိၣ်ဂဲၤတ့ၢ်ယၤဒ်သိးယကထီဒါအီၤ, မၤဟးဂီၤအီၤကလီကလီဘၣ်ဆၣ်ဒီးအဝဲဟံးဃာ်ဒံးအတၢ်တီတၢ် လိၤဂၢၢ်ဂၢၢ်ကျၢၤကျၢၤန့ၣ်လီၤ.”

လံာ်စီၤယိၤဘး 20:15

ပှၤတတီတလိၤကဘှီးထီၣ်ကွံာ်တၢ်စုလီၢ်ခီၣ်ခိၣ်လၢအယူၢ်လီၤ တ့ၢ်ဝဲ, ဒီးကစၢ်ယွၤကဟံးန့ၢ်က့ၤလၢအဟၢဖၢပူၤဒၣ်လဲာ် န့ၣ်လီၤ.

လံာ်စီၤယိၤဘး 20:22

လၢအတၢ်လၢတၢ်ပှဲၤခဲလၢာ်အပူၤန့ၣ်တၢ်ကိၢ်တၢ်ဂီၤကချုးန့ၢ်အီၤ တၢ်ကီတၢ်ခဲအသဟီၣ်အဆှုၣ်ကတၢၢ်ကလီၤဘၣ်လၢ အလိၤလီၤ.

လံာ်စီၤယိၤဘး 22:10

မၤသးဒ်န့ၣ်ဒီးပျံၤသကွီၤအိၣ်ဝးတရံးနၤ, ဒီးတၢ်မၤပျံၤသတူၢ်ကလာ်မၤကိၢ်မၤဂီၤနၤလီၤ.

စံးထီၣ်ပတြၢၤ 109:11

မ်ဒ့ၣ်ကမၢ်ကစၢ်တဖၣ်ဟံးန့ၢ်တၢ်အိၣ်ဒီးအီၤခဲလၢာ်, မ်ပှၤတခီဘီမုၢ်ဖိဂုာ်န့ၢ်အတၢ်ဖံးတၢ်မၤ အတၤသၣ်တဖၣ်န့ၣ်တက့ၢ်.

လံာ်ယၡါယၤ 62:8

ယွၤမၤတ့ၢ်တၢ်အၢၣ်လီၤအီလီၤသမှံၤသပှၢ်တမံၤ, ဒီးလၢအစိကမီၤဒၣ်ဝဲန့ၣ်ကဒုးကဲထီၣ်လိၣ်ထီၣ်ဝဲလီၤ. အဝဲစံးဝဲဒၣ်လၢ, နဘုဧိၤဟုဧိၤတကဲထီၣ်လၢၤဘၣ်တၢ်အီၣ် လၢနဒုၣ်နဒါတဖၣ်အဂီၢ်, ဒီးပှၤတခီဘီမုၢ်ဖိတဖၣ်တအီလၢၤဘၣ်နစပံးထံဘၣ်.

လံာ်ယံးရမံယၤ 51:34

ကီၢ်ဘၤဘူၤလိၣ်အစီၤပၤကျီကွံာ်တ့ၢ်ဝ့ၢ်ယရူၤရှလ့ၣ် ဒီးအီၣ်ကွံာ်တ့ၢ်အီၤလီၤ. အဝဲလူလီၤကွံာ်တ့ၢ်ဝ့ၢ်အံၤဒ် ထံလၢသပၢၤထံပူၤအသိးဒီး ဒ်တၢ်မုၢ်ဃၢ်ဖးဒိၣ်အသိးအဝဲယူၢ်လီၤကွံာ်တ့ၢ်အီၤလီၤ. အဝဲဟံးန့ၢ်ကွံာ်တၢ်လၢ အသးလီဝဲ ဒီးစူးကွံာ်တ့ၢ်လံတၢ်အဂၤတဖၣ်န့ၣ်လီၤ.

လံာ်ယံးရမံယၤ 51:44

ယကစံၣ်ညီၣ်ဘၤဘူၤလိၣ်အယွၤဘ့လးဒီး မၢအဟ့ၣ်က့ၤတၢ်ဖိတၢ်လံၤလၢ အဟုၣ်တ့ၢ်ဝဲတဖၣ်လီၤ. ပှၤကလုာ်တဖၣ်တဘူၣ်ထီၣ်ဘါထီၣ်လၢၤအီၤနီတစုလၢၤဘၣ်. ဝ့ၢ်ဘၤဘူၤလိၣ်အခိၣ်ဒူတဖၣ်လီၤပှီၢ်လံ.

လံာ်သးသယုၢ်တၢ် 2:16

ကယဲၢ်နဒုၣ်နဒါခဲလၢာ်ဒုၣ်ဒွဲၣ်နၤဒီးကွၢ်ဟ့ကွၢ်ကျိၣ်နၤလၢ တၢ်သးဟ့အပူၤလီၤ. အဝဲသ့ၣ်ဝံာ်နိးဝံၣ်နါ, သံးနိးသံးနါဒီးစံးဝဲ, “ပမၤဟးဂီၤကွံာ်အီၤလံ. အအံၤမ့ၢ်မုၢ်တနံၤလၢပအိၣ်ခိးတ့ၢ်ဝဲလီၤ.”

လံာ်သးသယုၢ်တၢ် 2:5

ယွၤ, ဒ်ဒုၣ်ဒါတဂၤအသိးန့ၣ်မၤဟးဂီၤတ့ၢ်အံၣ်စရ့လးလီၤ. ပာ်တ့ၢ်ကွံာ်ဝဲအတိာ်တဖၣ်ဒီးနူၢ်ဧိၤစီၤဧိၤတဖၣ်လၢတၢ်ဟးဂူာ် ဟးဂီၤအပူၤလီၤ. ဟဲစိာ်တ့ၢ်ဝဲတၢ်သးအုးလၢအကတၢၢ်တ အိၣ်ဘၣ်ဆူကီၢ်ယူဒၤအပှၤဂီၢ်မုၢ်အလိၤလီၤ.

လံာ်ဟိၤၡ့ 8:7

ဖဲအဝဲသ့ၣ်သူၣ်လီၤကလံၤန့ၣ်အဝဲသ့ၣ်ကကူးဘၣ်ဝဲကလံၤမုၢ်န့ၣ်လီၤ. ဘုခ့အလီၢ်တလီၢ်လၢတၢ်ကူးအီၤတသ့န့ၣ်ဟ့ၣ်ထီၣ်ကိၣ်တမံၤမံၤ တသ့ဝဲဘၣ်. ဘၣ်ဆၣ်မ့ၢ်မံဒၣ်လဲာ်န့ၣ်ပှၤတခီဘီမုၢ်ဖိသ့ၣ်တဖၣ် ကအီၣ်လၢာ်ကွံာ်အီၤန့ၣ်လီၤ.

လံာ်သိၣ်လီၤသီလီၤတၢ် 28:33

ပှၤကလုာ်တကလုာ်လၢထံဂၤကီၢ်ဂၤတခီကဟံးန့ၢ်ကွံာ်ကယဲၢ်တၢ်မုၢ် တၢ်ဘိတၤသူတၤသၣ်တဖၣ်လၢသုကျဲးစၢးမၤတ့ၢ်ဆူၣ်ဆူၣ်ဒီးသူၣ် လီၤဖျးလီၤအီၤ, ဖဲသုတဒိးန့ၢ်တၢ်နီတမံၤဘၣ်, မ့မ့ၢ်တခီသုဘၣ်တၢ်မၤနၢၤမၤပ့ၤ, မၤအၢမၤနးသုဆါဆါကလဲာ် တပယူာ်ဃီန့ၣ်လီၤ.

လံာ်သိၣ်လီၤသီလီၤတၢ် 28:51

အဝဲသ့ၣ်ကအီၣ်ကွံာ်သုဆၣ်ဖိကီၢ်ဖိလၢသုဘုၣ်အီၤတဖၣ်ဒီးသု တၢ်မုၢ်တၢ်ဘိ, တၤသူတၤသၣ်တဖၣ်, ဒီးသုကသၣ်ဝံၤလီၤဒိသံကွံာ်န့ၣ်လီၤ. အဝဲသ့ၣ်တပာ်တ့ၢ်န့ၢ်သုလၢဘုဧိၤဟုဧိၤ, စပံးထံ, သ့ၣ်စၤယံးအသိ, ဆၣ်ဖိကီၢ်ဖိလၢသုဘုၣ်အီၤမ့ၢ်ဂ့ၤ, သိမ့ၢ်ဂ့ၤနီတမံၤဘၣ်, ဒီးသုကဘၣ်သံန့ၣ်လီၤ.

လံာ်ပှၤစံၣ်ညီၣ်ကွီၢ် 6:11

အန့ၣ်ဝံၤဒီး, ယွၤအကလူးန့ၣ်ဟဲဆူသဝီဧိးဖြၤဒီးဆ့ၣ်နီၤလၢ သ့ၣ်သ့ထိးဖၣ်တထံးအဖီလာ်လၢအဘၣ်ဃးဒီးစီၤယိၤအၣ်လၢအမ့ၢ် ပှၤအဘံၤဧ့စ့ၢ်ဖိန့ၣ်လီၤ. အဝဲအဖိခွါစီၤကံးဒဧိၣ်န့ၣ်တီၢ်ခူသူၣ်ဘုကၠူၣ်တနီၤလၢနီၣ် စံၢ်စပံးသၣ်အလီၢ်ဒ်သိးပှၤမံးဒယၣ်ဖိတဖၣ်အသုတထံၣ်အီၤတဂ့ၤန့ၣ်လီၤ.