လံာ်စီၤယိၤဘး 5:4 - Sgaw Karen Common Bible

⁴ အဖိခွါတဖၣ်ထံၣ်န့ၢ်တၢ်ပူၤဖျဲးအလီၢ်တသ့နီတပူၤဘၣ်. လၢကွီၢ်ဘျီၣ်အပူၤန့ၣ်ပှၤကဆၢထၢၣ်အိၣ်ပှိၤအီၤတအိၣ် ဘၣ်နီတဂၤဘၣ်.

လံာ်စီၤယိၤဘး 5:4 Iomraidhean Croise

လံာ်စီၤယိၤဘး 1:19

ကွၢ်ကွၢ်ကလံၤမုၢ်ဖးဒိၣ်ဟဲဝဲလၢမဲးမုၢ်ခိၣ်ဒီးအူလီၤပှီၢ် ကွံာ်ဟံၣ်ဒီးပှၤခဲလၢာ်သံဝဲဒၣ်န့ၣ်လီၤ. ဒီးပှၤပူၤဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”

လံာ်စီၤယိၤဘး 10:7

နသ့ၣ်ညါလၢယတမ့ၢ်ဘၣ်ပှၤအိၣ်ဒီးတၢ်ကမၣ်ဒီးပှၤမၤပူၤဖျဲး ယၤလၢနစုပူၤသ့တအိၣ်နီတဂၤဘၣ်.

လံာ်စီၤယိၤဘး 20:10

ဒီးအဖိခွါတဖၣ်ကမၤလိၤမၤဘၣ်က့ၤအသးဒီးပှၤဖှီၣ်ဖိယာ်ဖိ ဒီးကဟ့ၣ်က့ၤတၢ်ထူးတၢ်တီၤလၢအဝဲအီၣ်ကဘျံးကဘျၣ် တ့ၢ်ဝဲန့ၣ်လီၤ.

လံာ်စီၤယိၤဘး 27:14

အဝဲသ့ၣ်ကအိၣ်ဝဲဒီးအဖိခွါအါဂၤဘၣ်ဆၣ်ကဘၣ်တၢ်မၤ သံကွံာ်အီၤခဲလၢာ်လၢတၢ်ဒုးတၢ်ယၤအပူၤန့ၣ်လီၤ. အဖိသ့ၣ်တဖၣ်တဘျဲးအီၣ်ဘျဲးအီနီတဘျီဘၣ်န့ၣ်လီၤ.

လံာ်စီၤယိၤဘး 8:4

နဖိနလံၤတဖၣ်ကမၤတၢ်ဒဲးဘးထီဒါကစၢ်ယွၤသ့ၣ်သ့ၣ်အဃိ ဒီးကစၢ်ယွၤစံၣ်ညီၣ်အဝဲသ့ၣ်ဒ်အကြၢးဒိးဘၣ်တၢ်န့ၣ်လီၤ.

စံးထီၣ်ပတြၢၤ 119:155

တၢ်အုၣ်က့ၤခီၣ်က့ၤန့ၣ်အိၣ်ယံၤဝဲဒီး ပှၤတတီတလိၤတဖၣ်န့ၣ်လီၤ. အဂ့ၢ်ဒ်အံၤ, အဝဲသ့ၣ်တဖၣ်န့ၣ် တဃုနတၢ်မၤလိာ်တဖၣ်န့ၣ်ဘၣ်.

စံးထီၣ်ပတြၢၤ 127:5

ပှၤလၢအအိၣ်ဒီးပျၢ်ဒ်သိးန့ၣ်တဖၣ်လၢ အပီၤပူၤန့ၣ်ဘၣ်ဆိၣ်ဂ့ၤဝဲလီၤ. တုၤအကတိၤတၢ်ဒီးအဒုၣ်အဒါလၢပဲတြီအပူၤန့ၣ် ဒီးတဘၣ်တၢ်မၤမဲာ်ဆှးအီၤဘၣ်န့ၣ်လီၤ.

စံးထီၣ်ပတြၢၤ 7:2

ကအ့ၣ်ဖှီဘၣ်ဖုးယၤဒ်ခ့ယုၢ်အသိး, ကတွံၢ်တြူာ်ယၤဆူ တၢ်မၤပူၤဖျဲးတအိၣ်ဘၣ်အလီၢ်ဒီး ဖှီကွံာ်ယၤဆူ အက့အခီတဖၣ်န့ၣ်လီၤ.

လံာ်တၢ်ဟးထီၣ်ကွံာ် 20:5

သကူးလီၤလၢတၢ်ဂီၤတၢ်ဖီၣ်တမံၤမံၤအမဲာ်ညါဒီးဘါထီၣ်အီၤတဂ့ၤ. အဂ့ၢ်ဒ်အံၤယမ့ၢ်ယွၤ, သုကစၢ်ယွၤလၢဝံသးစူၤပှၤပြၢလိာ်အသးဒီးအီၤတဖၣ်န့ၣ်တကဲဘၣ်န့ၣ်လီၤ. ယဒုးလီၤဘၣ်တၢ်စံၣ်ညီၣ်လၢပှၤတဖၣ်လၢအသးဟ့ယၤအလိၤဒီးလၢအစၢၤ အသွဲၣ်တဖၣ်အလိၤတုၤလၢပှၤသၢစိၤဒီးလွံၢ်စိၤတစိၤန့ၣ်လီၤ.

တၢ်ကတိၤဒိ. 24:7

တၢ်ကူၣ်သ့အတၢ်ကတိၤတဖၣ်ယိာ်ကဲၣ်ဆိးလၢပှၤဟးဂီၤဖိ တဂၤကနၢ်ပၢၢ်ဝဲအဂီၢ်လီၤ. ဖဲတၢ်ဂ့ၢ်အကါဒိၣ်တဖၣ်ဘၣ်တၢ်ကတိၤ သကိးအီၤန့ၣ်, အဝဲစံးကတိၤတၢ်တသ့နီတမံၤဘၣ်.

လံာ်ဧၤမိၣ် 5:12

ယသ့ၣ်ညါသုတၢ်ဒဲးဘးတဖၣ်အၢဝဲသီ ဝဲဆံးဒိၣ်လဲၣ်ဒီးသုမၤတ့ၢ်တၢ်သရူးကမၣ်တဖၣ်ဆံးအါလဲၣ်န့ၣ် လီၤ. သုမၤအၢမၤနးပှၤတီပှၤလိၤ, ဟံးန့ၢ်ခိၣ်ဖးလာ်ဆှိးတဖၣ်ဒီး တြီပှၤဖှီၣ်ဖိယာ်ဖိလၢအကဒိးန့ၢ်တၢ်စံၣ်ညီၣ်တီလၢကွီၢ် ဘျီၣ်တဖၣ်အပူၤန့ၣ်လီၤ.

လံာ်စီၤယိၤၡူ 20:4

အဝဲကလဲၤဃ့ၢ်ဝဲဆူဝ့ၢ်တဖၣ်အံၤအကျါတဝ့ၢ်ဝ့ၢ်ဒီး လဲၤဆူတၢ်စံၣ်ညီၣ်အလီၢ်လၢဝ့ၢ်လဲၤနုာ်အကျဲစၢၤ ဒီးဒုးသ့ၣ်ညါပှၤခိၣ်ပှၤနၢ်တဖၣ်တၢ်လၢအမၤအသးအဂ့ၢ်န့ၣ်လီၤ. အန့ၣ်ဒီးအဝဲသ့ၣ်ကပျဲနုာ်အီၤဆူဝ့ၢ်ပူၤဒီးဟ့ၣ်အီၤတၢ်လီၢ် လၢကအိၣ်ဝဲအဂီၢ်ဒ်သိးကအိၣ်ဘၣ်ဝဲဖဲန့ၣ်လီၤ.