လံာ်စီၤယိၤဘး 5:2 - Sgaw Karen Common Bible

² တၢ်မၤကိၢ်မၤဂီၤလီၤနသးတုၤနသံလၢတၢ်သူၣ်ဒိၣ်သးဖျိး အဃိန့ၣ်ကမ့ၢ်တၢ်မၢးဒီးတၢ်သးတဆးအတၢ်မၤလီၤ.

လံာ်စီၤယိၤဘး 5:2 Iomraidhean Croise

လံာ်တၢ်ကဲထီၣ်အခီၣ်ထံး 30:1

မ့မ့ၢ်နီၢ်ရၤဃ့လးန့ၣ်တဆံးစၢ်န့ၢ်အဖိနီတဂၤလၢစီၤယၤကိာ် အဂီၢ်ဘၣ်. ဒီးအသးက့ၣ်အဒီပုၢ်ဝဲၢ်မုၣ်နီၢ်လ့ၤအၤဒီးစံးဘၣ်စီၤယၤကိာ်, “ဟ့ၣ်ယၤလၢဖိတဖၣ်တက့ၢ်. မ့တမ့ၢ်ဘၣ်ဒီးယကသံလီၤ.”

လံာ်တၢ်ကဲထီၣ်အခီၣ်ထံး 38:9

ဘၣ်ဆၣ်စီၤအိၤနၣ်သ့ၣ်ညါတ့ၢ်ဝဲလၢဖိသၣ်တဖၣ်န့ၣ်တမ့ၢ်ကကဲထီၣ် အတၢ်ဘၣ်အဃိ, တုၤအမံဃုာ်ဒီးအဝဲၢ်အမါမုၣ်ကမဲတဘျီ လၢ်လၢ်န့ၣ်, အဝဲဒုးဟးထီၣ်ကွံာ်ပိာ်ခွါအချံအသၣ်ဆူတၢ်ချၢ, ဒ်သိးဖိသၣ်အသုတအိၣ်နီတဂၤလၢအဝဲၢ်အဂီၢ်တဂ့ၤန့ၣ်လီၤ.

လံာ်စီၤယိၤဘး 18:4

ပှၤလၢအအ့ၣ်ဖှီလီၤအသးလၢအသးထီၣ်အဃိနဲဒၣ်တဂၤဧၢ, မ့ၢ်ဟီၣ်ခိၣ်ကဘၣ်တၢ်လဲၤသဒၣ်အီၤ လၢနဃိစ့ၢ်ကီးဧါ. ဒီးမ့ၢ်လၢၢ်ဧိၤလ့ဧိၤတဖၣ် ကဘၣ်တၢ်သုးကွံာ်အီၤ လၢအလီၢ်န့ၣ်ဧါ.

စံးထီၣ်ပတြၢၤ 107:17

ပှၤတနီၤမ့ၢ်ပှၤဟးဂီၤဖိလၢအတူၢ်ဘၣ်တၢ် မ့ၢ်လၢတၢ်ဒဲးဘးအဃိ, ဒီးမ့ၢ်လၢအတၢ်အၢတၢ်သီအဃိန့ၣ်လီၤ.,

စံးထီၣ်ပတြၢၤ 14:1

ပှၤဟးဂီၤဖိစံးလၢအသးကံၢ်ပူၤ, “ကစၢ်ယွၤတအိၣ်ဘၣ်.” အဝဲသ့ၣ်ခဲလၢာ်ဟးဂီၤဝဲ ဒီးမၤတၢ်လၢအလီၤသးဘၣ်အၢလီၤ. ပှၤလၢအမၤတၢ်အဂ့ၤအဘၣ်တအိၣ်နီတဂၤဘၣ်.

စံးထီၣ်ပတြၢၤ 75:4

ယစံးဘၣ်ပှၤအၢပှၤသီတဖၣ်လၢ အသုတပာ်ကဖိအသးလၢၤတဂ့ၤ

စံးထီၣ်ပတြၢၤ 92:6

ပှၤလၢအတၢ်သ့ၣ်ညါတအိၣ်, သ့ၣ်ညါတၢ်အံၤတသ့ဘၣ်. ဒီးပှၤဟးဂီၤဖိ, နၢ်ပၢၢ်တၢ်အံၤတသ့ဘၣ်.

တၢ်ကတိၤဒိ. 12:16

ဖဲပှၤဟးဂီၤဖိအသးဘၣ်တံာ်တာ်န့ၣ်, လီၣ်ဖျါထီၣ်ဝဲချ့သဒံး လီၤ. မ့မ့ၢ်ပှၤလၢအအိၣ်ဒီးတၢ်သ့ၣ်ညါနၢ်ပၢၢ်တဖၣ်န့ၣ်, ကွၢ်ကပာ်ကွံာ်တၢ်ကတိၤဒုၣ်ဒွဲၣ်တမံၤလီၤ.

တၢ်ကတိၤဒိ. 19:16

တိၢ်န့ၢ်ကစၢ်ယွၤအတၢ်သိၣ်တၢ်သီတဖၣ်ဒီးနကအိၣ်မူယံာ်ထီၣ် လီၤ. နမ့ၢ်ကွၢ်ကပာ်ကွံာ်အီၤဒီးနကသံလီၤ.

တၢ်ကတိၤဒိ. 19:19

ပှၤတဂၤဂၤမ့ၢ်အိၣ်ဒီးတၢ်သးထီၣ်ကဲၤတမံၤန့ၣ်, မ်အတူၢ်တၢ်အဘူးအလဲတဖၣ်န့ၣ်တက့ၢ်. နမ့ၢ်ထုးထီၣ်ကွံာ်အီၤလၢ တၢ်ကီတၢ်ခဲအပူၤတဘျီဒီးနကဘၣ်မၤကဒီးအီၤတဘျီန့ၣ်လီၤ.

တၢ်ကတိၤဒိ. 27:3

လၢၢ်ဧိၤလ့ဧိၤဒီးမဲးဧိၤဟီၣ်ဧိၤအတၢ်ဃၢတၢ်စုာ်န့ၣ်တုၤအဘၣ် တၢ်ထိၣ်သတြီၤအီၤဒီးတၢ်ကိၢ်တၢ်ဂီၤလၢတၢ်သူၣ်တထံသးတဆးဒုး အိၣ်ထီၣ်သ့န့ၣ်, တမ့ၢ်တၢ်နီတမံၤဘၣ်.

တၢ်ကတိၤဒိ. 8:5

မ့ၢ်သုတဒိၣ်တုာ်ခိၣ်ပှဲၤဘၣ်ဧါ. မၤလိတၢ်ဒ်သိးသုကဒိၣ်တုာ် ခိၣ်ပှဲၤတက့ၢ်. မ့ၢ်သုသူၣ်တထံသးတဆးဘၣ်ဧါ. မၤလိအိၣ်ဒီးတၢ်သူၣ်ထံ သးဆးတက့ၢ်.

လံာ်ပှၤစံၣ်တဲၤတဲလီၤတၢ် 7:9

ပၢၤဃာ်နတၢ်သူၣ်ဒိၣ်သးထီၣ်တက့ၢ်. တၢ်စၢဃးပှၤဂၤအတၢ်ကမၣ်နၣ်မ့ၢ်တၢ်မၢးလီၤ.

လံာ်ဟိၤၡ့ 7:11

ကီၢ်အံၣ်စရ့လးမၤအသးဒံဝ့ၤဒံဝီၤဒ်ထိၣ်လွံၢ်လၢ အတၢ်သးဆးတအိၣ်တဘ့ၣ်အသိးလီၤ. အဆိကတၢၢ်အဝဲအပှၤဂီၢ်မုၢ်ဃ့တၢ်မၤစၢၤလၢကီၢ်အဲၤကူပတူးအအိၣ် ဝံၤဒီးအဝဲသ့ၣ်လဲၤဃ့ၢ်ဆူကီၢ်အၤၡူၢ်အအိၣ်န့ၣ်လီၤ.

လံာ်ယိၤနါ 4:9

ဘၣ်ဆၣ်ကစၢ်ယွၤစံးဘၣ်စီၤယိၤနါ, “နသးဒိၣ်လၢမာ်တိ အဃိန့ၣ်ဂ့ၤစ့ၢ်ကီးဧါ.” ဒီးစီၤယိၤနါစံးဆၢ, “ယသးဒိၣ်န့ၣ်ဂ့ၤဝဲ, ဒီးယသးဒိၣ်တုၤယကသံဒၣ်လဲာ်န့ၣ်လီၤ.”

ရိမ့ၤ 2:8

ပှၤအဂၤတနီၤမ့ၢ်ပှၤလၢအအဲၣ်လီၤအသးဒီးတတူၢ်လိာ် တၢ်လၢအဘၣ်မ့ၢ်ဒ်သိးအကလူၤပိာ်ထွဲတၢ်လၢအကမၣ် န့ၣ်လီၤ. ယွၤကလူလီၤအတၢ်သးဒိၣ်ဒီးအတၢ်သးကဲၤထီၣ်လၢ အဝဲသ့ၣ်အလိၤန့ၣ်လီၤ.

၂ တံၤမသ့း 3:6

အဝဲသ့ၣ်တနီၤလဲၤနုာ်ဆူပှၤအဟံၣ်ပူၤဒီးကွဲန့ၢ်လွဲန့ၢ်ပိာ် မုၣ်ဂံၢ်စၢ်ဘါစၢ်တဖၣ်လၢအအိၣ်ဒီးတၢ်ဒဲးဘးအတၢ်ဝံ တၢ်ယိးဒီးပိာ်ထွဲတၢ်သူၣ်လီသးကွံအကလုာ်ကလုာ် အခံန့ၣ်လီၤ.