လံာ်စီၤယိၤဘး 5:18 - Sgaw Karen Common Bible

¹⁸ ကစၢ်ယွၤဘိၣ်ဘံထီၣ်တၢ်ပူၤလီၢ်လၢအတီၢ်ဝဲတဖၣ်လီၤ. အစုမၤဆါတၢ်ဒီးအစုမၤဘျါတၢ်လီၤ.

လံာ်စီၤယိၤဘး 5:18 Iomraidhean Croise

စံးထီၣ်ပတြၢၤ 147:3

အဝဲဒၣ်မၤဘျါက့ၤပှၤလၢအသူၣ်ကၢ်အသးလီၤ, ဒီးဘိၣ်ထီၣ်အဝဲသ့ၣ်အပူၤလီၢ်တဖၣ်လီၤ.

လံာ်ယၡါယၤ 19:22

ယွၤကစံၣ်ညီၣ်ပှၤအဲၤကူပတူးဖိတဖၣ်, ဝံၤဒီးကမၤဘျါက့ၤ အီၤလီၤ. အဝဲသ့ၣ်ကဃၣ်ဃီၤအသးဆူအအိၣ်, ဒီးအဝဲကဒိ ကနၣ်အတၢ်ထုကဖၣ်ဒီးမၤဘျါက့ၤအဝဲသ့ၣ်န့ၣ်လီၤ.

လံာ်ယၡါယၤ 30:26

လါအတၢ်ကပီၤကဆှံဝဲဒ်မုၢ်အတၢ်ကပီၤအသိး, ဒီးမုၢ်အတၢ်ကပီၤန့ၣ်ကကပီၤအါထီၣ်နွံစးအါ န့ၢ်ညီနုၢ်မၤအသး, လီၤဂာ်ဒီးနွံသီအတၢ် ကပီၤလၢအကပီၤထီၣ်ဝဲလၢတနံၤဃီအတီၢ်ပူၤန့ၣ်လီၤ. တၢ်သ့ၣ်တဖၣ်အံၤခဲလၢာ်ကမၤအသး, ဖဲယွၤဘိၣ်ဘံထီၣ်ဒီးမၤဘျါက့ၤတၢ်ပူၤလီၢ်ပူၤကျဲတဖၣ်လၢ ယွၤမၤဘၣ်ဒိဘၣ်ထံးတ့ၢ်ဘၣ်အပှၤဂီၢ်မုၢ်အခါန့ၣ်လီၤ.

လံာ်ယံးရမံယၤ 30:17

ယကဒုးအိၣ်ဆူၣ်အိၣ်ချ့ကဒီးသုလီၤ. ယကမၤဘျါက့ၤသု ပူၤလီၢ်ပူၤကျဲတဖၣ်န့ၣ်လီၤ. သုဒုၣ်သုဒါတဖၣ် မ့ၢ်စံးလၢ, ‘ဝ့ၢ်စံယိၣ်မ့ၢ်တၢ်ဘၣ်တၢၤကွံာ် အလီၢ်တပူၤ, ပှၤတကနၣ်ဃုာ်အီၤ နီတဂၤလၢၤဘၣ်’ ဒၣ်လဲာ်န့ၣ်, ယကမၤဘျါသုပူၤလီၢ်ပူၤကျဲ တဖၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဟိၤၡ့ 6:1

ပှၤဂီၢ်မုၢ်စံးဝဲဒၣ်, မ်ပကဃၣ်ကဒါက့ၤပသးဆူယွၤအအိၣ်တက့ၢ်. အဝဲမၤဆါတ့ၢ်ပှၤဘၣ်ဆၣ်အဝဲကမၤဘျါက့ၤပှၤသပှၢ်ကတၢၢ်, အဝဲမၤဘၣ်ဒိဘၣ်ထံးပှၤဘၣ်ဆၣ်ကဘိၣ်ဘံထီၣ်ပပူၤလီၢ်တ ဖၣ်လီၤတမ့ၢ်ဘၣ်ဧါ.

လံာ်တၢ်ဘူၣ်ထီၣ်ဘါထီၣ် 14:48

ဒီးဖဲပှၤလုၢ်တၢ်အခိၣ်မ့ၢ်ဟဲလၢကကွၢ်ဝဲ, ဒီးတၢ်ဆါအၢအဃၢ် မ့ၢ်တအိၣ်ဖျါထီၣ်က့ၤလၢၤဘၣ်ဖဲတၢ်မၤက့ၤကပံာ်အသီဝံၤအလီၢ်ခံန့ၣ်, ကဘၣ်ဘိးဘၣ်သ့ၣ်ညါဝဲလၢဟံၣ်န့ၣ်ကဆှီဝဲဒၣ်လီၤ. အဂ့ၢ်ဒ်အံၤ, တၢ်ဆါအၢအဃၢ်ဘၣ်တၢ်သုးကွံာ်အီၤလၢာ်လၢာ်ဆ့ဆ့လံအဃိန့ၣ်လီၤ.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 2:6

ယွၤမၤသံတၢ်ဒီးဟ့ၣ်ဒုးမူက့ၤတၢ်လီၤ. အဝဲဆှၢလီၤပှၤဂီၢ်မုၢ်ဆူပှၤသံတဖၣ်အကီၢ်ပူၤ, ဒီးကိးက့ၤအဝဲသ့ၣ်လီၤ.