လံာ်စီၤယိၤဘး 5:15 - Sgaw Karen Common Bible

¹⁵ ဘၣ်ဆၣ်ဒီးကစၢ်ယွၤအုၣ်က့ၤခီၣ်က့ၤပှၤဖှီၣ်ဖိယာ်ဖိလၢတၢ်သံ ဒီးအုၣ်က့ၤခီၣ်က့ၤပှၤဂံၢ်စၢ်လၢတၢ်မၤအၢမၤနးအပူၤန့ၣ်လီၤ.

လံာ်စီၤယိၤဘး 5:15 Iomraidhean Croise

လံာ်စီၤယိၤဘး 29:17

ယမၤဟးဂီၤကွံာ်ပှၤအၢပှၤသီတဖၣ်အစိကမီၤဒီးအုၣ်က့ၤခီၣ် က့ၤပှၤလၢအဝဲသ့ၣ်မၤအၢမၤနးဝဲဒၣ်တဖၣ်န့ၣ်လီၤ.

လံာ်စီၤယိၤဘး 34:28

အဝဲသ့ၣ်မၤဆူၣ်ပှၤဖှီၣ်ဖိယာ်ဖိသ့ၣ်တဖၣ်တုၤအကိးထီၣ်ကစၢ်ယွၤ ဒီးအဝဲနၢ်ဟူပှၤဖှီၣ်ဖိယာ်ဖိတဖၣ်အတၢ်ကိးထီၣ်လၢတၢ်မၤစၢၤ အဂီၢ်န့ၣ်လီၤ.

လံာ်စီၤယိၤဘး 34:30

လၢပှၤတစူၢ်တနာ်ယွၤအတၢ်ပၢဒီးပျံၤသကွီၤတဖၣ်ကဘၣ် တၢ်တြီအီၤန့ၣ်ပှၤဂီၢ်မုၢ်မၤတၢ်တသ့ဘၣ်နီတမံၤဘၣ်.

လံာ်စီၤယိၤဘး 36:15

ဘၣ်ဆၣ်ဒီးကစၢ်ယွၤသိၣ်လိပှၤကညီခီဖျိတၢ်ဘၣ်နးဘၣ်ဖှီၣ်ဒီး သူဝဲတၢ်ကိၢ်တၢ်ဂီၤလၢ ကအိးထီၣ်အဝဲသ့ၣ် အမဲာ်ချံအဂီၢ်န့ၣ်လီၤ.

လံာ်စီၤယိၤဘး 36:6

တဒုးမူဘၣ်ပှၤတၢ်ဒဲးဘးဖိတဖၣ်ဘၣ်. ဒီးထီဘိစံၣ်ညီၣ် တီပှၤဖှီၣ်ဖိယာ်ဖိန့ၣ်လီၤ.

လံာ်စီၤယိၤဘး 38:15

မုၢ်ဆါအတၢ်ကပီၤန့ၣ်ကပီၤဆူၣ်ကဲၣ်ဆိးလၢပှၤတတီတလိၤ အဂီၢ်ဒီးတြီဃာ်အဝဲသ့ၣ်လၢကမၤတၢ်စုဆူၣ်ခီၣ်တကးအတၢ် မၤန့ၣ်လီၤ.

လံာ်စီၤယိၤဘး 4:10

ပှၤတတီတလိၤကညီၤတၢ်ဒီးကညီၤထီၣ်တၢ်ဒ်ခ့ယုၢ်တဖၣ်ကညီၤတၢ် အသိး, ဘၣ်ဆၣ်ဒီးကစၢ်ယွၤဒုးအိၣ်ဃိကလာ်ကွံာ်အဝဲသ့ၣ် ဒီးမၤကၢ်ကွံာ်အဝဲသ့ၣ်အမဲတဖၣ်လီၤ.

လံာ်စီၤယိၤဘး 4:11

ဒ်ခ့ယုၢ်တဖၣ်လၢအကမၤသံတၢ်ဒီးအီၣ်တၢ်တအိၣ်ဘၣ်အသိးအဝဲ သ့ၣ်သံဝဲဒီးကယဲၢ်အဖိတဖၣ်လီၤပြံလီၤပြါကွံာ်ဝဲဒၣ်န့ၣ်လီၤ.

လံာ်စီၤယိၤဘး 5:21

ကစၢ်ယွၤကခိးတြီဃာ်န့ၢ်နၤလၢတၢ်ကတိၤခဲၣ်သူခဲၣ်ဂီၤဒီးက အုၣ်က့ၤခီၣ်က့ၤနၤဖဲတၢ်ဟးဂူာ်ဟးဂီၤဟဲဝဲဒၣ်န့ၣ်လီၤ.

စံးထီၣ်ပတြၢၤ 10:14

ဘၣ်ဆၣ်နထံၣ်နဲလီၤ. နပာ်သူၣ်ပာ်သးလၢ တၢ်ကီတၢ်ခဲဒီးတၢ်မၤကိၢ်မၤဂီၤ ဒ်သိးနကဟ့ၣ်ကၣ်တၢ်လၢနစုအဂီၢ်န့ၣ်လီၤ. ပှၤလၢပှၤမၤစၢၤအီၤတအိၣ်ဘၣ်န့ၣ် ဟ့ၣ်လီၤအသးလၢနစုပူၤ, နမ့ၢ်နဲပှၤမၤစၢၤပှၤလၢ အလိၣ်ဘၣ်တၢ်မၤစၢၤထီဘိန့ၣ်လီၤ.

စံးထီၣ်ပတြၢၤ 10:17

ယွၤဧၢ, နကဒိကနၣ်ပှၤလၢ အဆီၣ်လီၤအသးအတၢ်ထုကဖၣ်န့ၣ်လီၤ. နကမၤဆူၣ်ထီၣ်အသးအဂံၢ်အဘါလီၤ.

စံးထီၣ်ပတြၢၤ 107:41

မ့မ့ၢ်ပှၤလၢအလိၣ်ဘၣ်တၢ်မၤစၢၤန့ၣ် ပာ်ထီၣ်ထီဝဲလၢအတၢ်နးတၢ်ဖှီၣ်အပူၤ ဒီးဒုးအါထီၣ်အဒူၣ်ဖိထၢဖိတဖၣ် ဒ်သိအဖုတဖၣ်အသိးန့ၣ်လီၤ.

စံးထီၣ်ပတြၢၤ 109:31

အဂ့ၢ်ဒ်အံၤ, အဝဲဂဲၤဆၢထၢၣ်လၢ ပှၤလိၣ်ဘၣ်တၢ်မၤစၢၤအစုထွဲ ဒ်သိးကအုၣ်က့ၤခီၣ်က့ၤအီၤလၢ ပှၤလၢအစံၣ်ညီၣ်အီၤဆူတၢ်သံအဂီၢ်န့ၣ်လီၤ.

စံးထီၣ်ပတြၢၤ 140:12

ယွၤဧၢ, ယသ့ၣ်ညါလၢ နဒီဒၣ်အိၣ်ပှိၤပှၤဖှီၣ်ဖိယာ်ဖိ အတၢ်ဂ့ၢ်တၢ်ကျိၤ, ဒီးပှၤလိၣ်ဘၣ်တၢ်မၤစၢၤ အတၢ်ခွဲးတၢ်ယာ်တဖၣ်န့ၣ်လီၤ.

စံးထီၣ်ပတြၢၤ 35:10

ယကစံးလၢယသးဒီဖျၢၣ်ညါ, “ယွၤဧၢ, ပှၤလၢအလီၤဂာ်ဒီးနၤတအိၣ်နီတဂၤဘၣ်. နမၤပူၤဖျဲးပှၤဂံၢ်စၢ်ဘါစၢ်လၢ ပှၤဂံၢ်ဆူၣ်ဘါဆူၣ်အစုပူၤ, ပှၤဖှီၣ်ဖိယာ်ဖိလၢပှၤလၢ အဂုာ်န့ၢ်တၢ်လၢအီၤအစုပူၤန့ၣ်လီၤ.”

စံးထီၣ်ပတြၢၤ 72:4

မ်စီၤပၤကအိၣ်ဂၢၢ်ဆိးကျၢၤဝဲ ကအုၣ်က့ၤခီၣ်က့ၤပှၤလၢ အလိၣ်ဘၣ်တၢ်သ့ၣ်တဖၣ် ဒီးကမၤလီၤကလဲပှၤမၤနးမၤဖှီၣ် တၢ်တဖၣ်န့ၣ်တက့ၢ်.

လံာ်ယံးရမံယၤ 39:11

ဘၣ်ဆၣ်ဒီး စီၤပၤနဘူၤကးန့ စၢ်မၤလိာ်ဃီၤ သုးခိၣ်ဖးဒိၣ် စီၤနဘူစၢ်ရဒၣ်လၢ ကဟ့ၣ်လီၤ အကလုၢ်ဒ်လၢ လာ်အံၤအသိးန့ၣ်လီၤ.

လံာ်ဒၤနံးယ့လး 1:9

ဒီးကစၢ်ယွၤမၤတ့ၢ်ဝဲဒ်သိးစီၤအၤၡပနးကသူၣ်အိၣ်သးအိၣ် စီၤဒၤနံးယ့လးန့ၣ်လီၤ.