လံာ်စီၤယိၤဘး 5:12 - Sgaw Karen Common Bible

¹² အဝဲမၤဟးဂီၤပှၤလီတၢ်ဖိတဖၣ်အတၢ်ကူၣ်တၢ်ဖးဒ်သိးအမၤ တၢ်တမံၤလၢ်လၢ်အသုတကဲထီၣ်လိၣ်ထီၣ်တဂ့ၤအဂီၢ်န့ၣ်လီၤ.

လံာ်စီၤယိၤဘး 5:12 Iomraidhean Croise

လံာ်တၢ်ကဲထီၣ်အခီၣ်ထံး 31:22

သၢသီပူၤကွံာ်အလီၢ်ခံစီၤလၤဘၣ်ဘၣ်တၢ်တဲအီၤလၢစီၤယၤကိာ် ဃ့ၢ်ကွံာ်လံန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:9

ဘၣ်ဆၣ်ဒီးစီၤအူၤရံယၤတက့ၤဆူအဟံၣ်ဘၣ်. အခိၣ်တလိာ်အဝဲမံသကိးဖဲစီၤပၤအနီအကျဲစၢၤဒီးစီၤပၤအပှၤပၢၤတၢ်တဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 17:14

စီၤအးဘၡါလိၣ်ဒီးကယဲၢ်ပှၤအံၣ်စရ့လးဖိခဲလၢာ်စံးဝဲဒၣ်, “စီၤဃူၤၡဲအတၢ်ဟ့ၣ်ကူၣ်န့ၣ်ဂ့ၤဒိၣ်န့ၢ်ဒံးစီၤအဃံသဖ့ၤလး အတၢ်ဟ့ၣ်ကူၣ်တက့ၢ်လီၤ.” ယွၤပာ်လီၤတ့ၢ်လံအသးလၢစီၤအဃံသဖ့ၤလးအတၢ်ဟ့ၣ်ကူၣ်လၢအဂ့ၤန့ၣ်တၢ်သုတမၤထွဲအီၤတဂ့ၤ, ဒ်သိးတၢ်တတၢးတနါကလီၤဘၣ်လၢစီၤအးဘၡါလိၣ်အလိၤအဂီၢ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 6:9

ဘၣ်ဆၣ်စီၤအလံၤၡါဆှၢလီၤတၢ်ကစီၣ်ဆူကီၢ်အံၣ်စရ့လးအစီၤပၤ အအိၣ်, ဒီးဟ့ၣ်ပလီၢ်အီၤဒ်သိးအသုတလဲၤဘူးဒီးတၢ်လီၢ်န့ၣ်တဂ့ၤ, မ့ၢ်လၢ, ပှၤစူၤရံဖိတဖၣ်အိၣ်ခိးခူသူၣ်လၢကဒုးတၢ်ဖဲန့ၣ် အဃိလီၤ.

လံာ်စီၤနဃ့မယၤ 4:15

ဒီးပဒုၣ်ပဒါသ့ၣ်တဖၣ်နၢ်ဟူဝဲဒၣ်လၢပသ့ၣ်ညါတၢ်လၢအဝဲသ့ၣ် ကူၣ်ဝဲ, ဒီးအဝဲသ့ၣ်နၢ်ပၢၢ်ဝဲဒၣ်လၢကစၢ်ယွၤမၤနၢၤအဝဲသ့ၣ်အတၢ်သုး တၢ်ကျဲၤတဖၣ်လံန့ၣ်လီၤ. ဒီးပဝဲခဲလၢာ်ပက့ၤကဒါက့ၤဆူတၢ်ဘှီထီၣ်ကဒါက့ၤဝ့ၢ်ခိၣ်ဒူန့ၣ်လီၤ.

လံာ်စီၤနဃ့မယၤ 4:9

ဘၣ်ဆၣ်ပဘါထုကဖၣ်ဆူကစၢ်ယွၤဒီးပာ်လီၤပှၤလၢအခိးထီဒါအဝဲ သ့ၣ်လၢနံၤဒီးနၤန့ၣ်လီၤ.

လံာ်စီၤယိၤဘး 15:5

နတၢ်အၢတၢ်သီအိၣ်ဖျါထီၣ်လၢတၢ်လၢနတၢ်ကတိၤအီၤ အပူၤဒီးနဂုာ်ကျဲးစၢးပာ်ခူသူၣ်နသးလၢတၢ်ကတိၤကူၣ်ဘၣ်ကူၣ် သ့တဖၣ်န့ၣ်လီၤ.

စံးထီၣ်ပတြၢၤ 21:11

အဝဲသ့ၣ်အိၣ်ဒီးအတၢ်ကူၣ်ထီၣ်ဖးလီၤထီဒါအီၤ, ဘၣ်ဆၣ်တကဲထီၣ်လိၣ်ထီၣ်ဝဲဘၣ်.

စံးထီၣ်ပတြၢၤ 37:17

အဂ့ၢ်ဒ်အံၤ, ယွၤကဟံးထီၣ်ကွံာ်ပှၤအၢပှၤသီအဂံၢ်အဘါ, ဘၣ်ဆၣ်မၤစၢၤပှၤအဂ့ၤအဝါန့ၣ်လီၤ.

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

တၢ်ကတိၤဒိ. 22:12

ယွၤအံးထွဲကွၢ်ထွဲတၢ်ဒ်သိးတၢ်မ့ၢ်တၢ်တီအံၤကဘၣ်တၢ်ပၢၤဃာ် အီၤဂ့ၤဂ့ၤဘၣ်ဘၣ်, ခီဖျိတၢ်ပာ်ဖျါထီၣ်ပှၤလီတၢ်တဖၣ်အတၢ်ကတိၤန့ၣ်, တဘၣ်ဘၣ်အဂ့ၢ်လီၤ.

လံာ်ယၡါယၤ 19:3

ယကတြီတံာ်တာ်ပှၤအဲၤကူပတူးဖိအတၢ်ကူၣ်ကျဲၤတဖၣ်ဒီး မၤဟးဂီၤအဝဲသ့ၣ်အသးန့ၣ်လီၤ. အဝဲသ့ၣ်ကဃ့အတၢ်ဂီၤတၢ် ဖီၣ်တဖၣ်လၢတၢ်မၤစၢၤအီၤအဂီၢ်, ကလဲၤဃ့တၢ်ဟ့ၣ်ကူၣ်လၢ ပှၤကွဲပှၤသံအကလၤတဖၣ်, ဒီးသံကွၢ်ပှၤသံအကလၤတဖၣ်လၢ တၢ်ဟ့ၣ်ကူၣ်ဟ့ၣ်ဖးအဂီၢ်လီၤ.

လံာ်ယၡါယၤ 37:36

ယွၤအကလူးတဂၤလဲၤဆူပှၤအၤၡူၢ်ဖိတဖၣ်သူၣ်ဒဲအလီၢ်ဒီးမၤသံ သုးဖိတကလီၢ်ဃိးကလးယဲၢ်ကထိဂၤန့ၣ်လီၤ. လၢခံတနံၤဂီၤဂီၤန့ၣ်, အဝဲသ့ၣ်အိၣ်စူၣ်လီၤအသးဖဲန့ၣ်ဒီးသံဝဲခဲလၢာ်န့ၣ်လီၤ.

လံာ်ယၡါယၤ 44:25

ယမၤပျုၢ်ပှၤဖးတၢ်ဟဲဝံဟဲစိာ်တဖၣ် ဒီးတြီတံာ်တာ်ပှၤဖးဆၣ်ဧိၤဖီဧိၤတဖၣ်အတၢ်ကတိၤဆိပာ်တဖၣ်လီၤ. ယကတိၤဘျီပှၤကူၣ်သ့အတၢ်ကတိၤတဖၣ်ဒီးဒုးနဲၣ်အဝဲသ့ၣ်လၢအတၢ် ကူၣ်သ့မ့ၢ်တၢ်တဂီာ်တသီၣ်ဘၣ်လီၤ.

လံာ်ယၡါယၤ 8:10

မၤသုတၢ်ကူၣ်ထီၣ်ဖးလီၤတဖၣ်တက့ၢ်. ဘၣ်ဆၣ်ဒီးကဲထီၣ်လိၣ်ထီၣ်တသ့နီတစုဘၣ်. ဖဲသုသးအိၣ်ကတိၤတၢ်န့ၣ်, ကတိၤတက့ၢ်. ဘၣ်ဆၣ်ဒီးတၢ်န့ၣ်မ့ၢ်တၢ်ကလီကလီခဲလၢာ်လီၤ. အဂ့ၢ်ဒ်အံၤ, ယွၤအိၣ်ဒီးပှၤလီၤ.

လံာ်ယံးရမံယၤ 49:7

အအံၤမ့ၢ် တၢ်လၢယွၤသ့တၢ်လၢာ်စံးတ့ၢ်ဝဲဘၣ်ဃးဒီး ကီၢ်အဒိၣ်အဂ့ၢ်န့ၣ်လီၤ. “မ့ၢ်ကီၢ်အဒိၣ်အပှၤဂီၢ်မုၢ်တဖၣ် အသးလၢအသ့ နီၤဖးတၢ်ဂ့ၤဂ့ၤဘၣ်ဘၣ်န့ၣ်, လီၤမၢ်န့ၢ်အဝဲသ့ၣ်လံဧါ. မ့ၢ်အဝဲသ့ၣ်အပှၤဟ့ၣ်ကူၣ်ဟ့ၣ်ဖးတၢ်တဖၣ် တဲဘၣ်အဝဲသ့ၣ်တၢ်လၢ အကဘၣ်မၤဝဲန့ၣ်တသ့လၢၤဘၣ်ဧါ. မ့ၢ်အဝဲသ့ၣ် အတၢ်ကူၣ်သ့ တဖၣ်ဟါမၢ်လၢာ်လံဧါ.

လံာ်ယံးရမံယၤ 8:8

သုစံးလၢသုကူၣ်တၢ်သ့ဒီးလၢသုသ့ၣ်ညါ ယတၢ်စူၢ်တၢ်နာ်အတၢ်သိၣ်တၢ်သီတဖၣ်သ့ဒ်လဲၣ်. ကွၢ်ကွၢ်, တၢ်စူၢ်တၢ်နာ်အတၢ်သိၣ်တၢ်သီတဖၣ်ဘၣ်တၢ် လဲလိာ်ကွံာ်အီၤလၢပှၤကွဲးလံာ်လၢအတတီတလိၤတဖၣ်န့ၣ်လီၤ.

လံာ်ဧိၤဘါဒယၤ 1:8

မုၢ်တနံၤလၢယစံၣ်ညီၣ်ကီၢ်အဒိၣ်န့ၣ်, ယကမၤဟးဂီၤကွံာ်အပှၤကူၣ်သ့ကူၣ်ဘၣ်တဖၣ် ဒီးတြူာ်ကွံာ်အတၢ်ကူၣ်သ့ခဲလၢာ်န့ၣ်လီၤ.

မၤတၢ် 12:11

တုၤနုၤတစုစီၤပ့းတရူးသ့ၣ်ညါတၢ်မၤအသးဒီးအီၤဒ်လဲၣ်အဂ့ၢ်ဒီးစံးဝဲ, “ခဲကနံၣ်အံၤယသ့ၣ်ညါလၢတၢ်တမံၤအံၤမၤအသးနီၢ်နီၢ်လီၤ. ကစၢ်ဆှၢလီၤအကလူး, ဒီးအဝဲဒၣ်အုၣ်က့ၤခီၣ်က့ၤယၤလၢစီၤပၤဟ့ၤရိာ်အတၢ်စိတၢ်က မီၤ, ဒီးလၢတၢ်ခဲလၢာ်လၢပှၤယူဒၤဖိမုၢ်လၢ်လၢအကမၤဝဲအပူၤန့ၣ် လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 23:13

မၤသးဒ်န့ၣ်ဒီး, စီၤဒၤဝံးဒီးအပှၤခဲလၢာ်အဂၤဃုကယၤဃၣ်ဃၣ်န့ၣ် ဟးထီၣ်လၢဝ့ၢ်ကံလၤအပူၤ တဘျီဃီဒီးလဲၤဆူညါကွ့ၢ်ကွ့ၢ်လီၤ. ဖဲစီၤစီလူးနၢ်ဟူလၢစီၤဒၤဝံးဃ့ၢ်ပူၤဖျဲးကွံာ်လၢဝ့ၢ်ကံလၤ ဒီးအဝဲပာ်တီၢ်ကွံာ်အတၢ်ကူၣ်တၢ်ကျဲၤလီၤ.