လံာ်စီၤယိၤဘး 42:16 - Sgaw Karen Common Bible

¹⁶ တၢ်န့ၣ်အလီၢ်ခံစီၤယိၤဘးမူဒံးဝဲအနံၣ်တကယၤလွံၢ်ဆံ, ဒီးထံၣ်ဘၣ်အဖိခွါတဖၣ်, ဒီးအဖိခွါတဖၣ်အဖိခွါလွံၢ်စိၤ လီၤ.

လံာ်စီၤယိၤဘး 42:16 Iomraidhean Croise

လံာ်တၢ်ကဲထီၣ်အခီၣ်ထံး 11:32

စီၤတ့ရၤသံဝဲဖဲန့ၣ်ဖဲအသးအိၣ်အနံၣ်ခံကယၤယဲၢ်နံၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 25:7

ဒီးစီၤအၤဘြၤဟၣ်သံဝဲဖဲဒီးအသးအနံၣ်အလါအိၣ်ဝဲတကယၤနွံ ဆံယဲၢ်နံၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 35:28

စီၤအံၤစဲးအိၣ်မူဝဲအနံၣ်တကယၤဃိးဆံ,

လံာ်တၢ်ကဲထီၣ်အခီၣ်ထံး 47:28

စီၤယၤကိာ်အိၣ်ဆိးတ့ၢ်ဝဲလၢကီၢ်အဲၤကူပတူးအပူၤတဆံနွံ နံၣ်, တုၤလၢအသးအိၣ်ဝဲတကယၤလွံၢ်ဆံနွံနံၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 50:23

အဝဲအိၣ်မူဝဲတုၤအထံၣ်ဘၣ်စီၤအ့ဖရဲၣ်အဖိတဖၣ်ဒီးအလံၤတဖၣ် န့ၣ်လီၤ. အဝဲအိၣ်မူဘၣ်စ့ၢ်ကီးဝဲတုၤလၢအဒိးန့ၢ်ဘၣ်စီၤမနၤၡ့ၤအဖိ ခွါစီၤမၤကံၢ်အဖိတဖၣ်လၢအဝဲအဒူၣ်ဖိထၢဖိအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 50:26

စီၤယိၤသးသံကွံာ်ဝဲလၢကီၢ်အဲၤကူပတူးအပူၤဖဲအသးအိၣ် အနံၣ်တကယၤတဆံန့ၣ်လီၤ. အဝဲသ့ၣ်ဖှူအစိၣ်လၢကသံၣ်ဒ်သိးအသုတဟးဂီၤတဂ့ၤဒီးဒၢနုာ် အီၤဆူကျုာ်တဖျၢၣ်အပူၤလီၤ.

လံာ်စီၤယိၤဘး 42:15

ဒီးပိာ်မုၣ်တဖၣ်လၢအက့ၢ်အဂီၤဂ့ၤဒ်စီၤယိၤဘးအဖိမုၣ်တဖၣ် အသိးလၢကီၢ်ဒီဘ့ၣ်ညါအပူၤန့ၣ်တအိၣ်ဘၣ်. ဒီးအပၢ်ဟ့ၣ် လီၤတၢ်န့ၢ်သါလၢအဝဲသ့ၣ်အဂီၢ်လၢအဒီပုၢ်ဝဲၢ်ပိာ်ခွါအကျါ န့ၣ်လီၤ.

လံာ်စီၤယိၤဘး 42:17

ဒီးစီၤယိၤဘးသံဝဲလၢအမှံၤတုာ်ပှၢ်တီၤအကတီၢ်, ပှဲၤဒီးနံၣ်အါလါအါန့ၣ်လီၤ. -

စံးထီၣ်ပတြၢၤ 128:6

မ်နကထံၣ်ဘၣ်နဖိတဖၣ်အဖိတက့ၢ်. မ်တၢ်ဃူတၢ်ဖိးအိၣ်ဒီးအံၣ်စရ့လးတက့ၢ်.

စံးထီၣ်ပတြၢၤ 90:10

ပနံၣ်တဖၣ်အမုၢ်နံၤန့ၣ်မ့ၢ်အနံၣ်နွံဆံလီၤ. ဒီးလၢတၢ်ဂံၢ်တၢ်ဘါအဃိန့ၣ် မ့ၢ်အိၣ်ဝဲဃိးဆံဘၣ်ဆၣ်ဒီး, ဟဲစိာ်န့ၢ်ဒၣ်ပှၤတၢ်ကိၢ်တၢ်ဂီၤ ဒီးတၢ်သူၣ်အုးသးအုးန့ၣ်လီၤ. တၢ်အိၣ်မူအံၤတစိၢ်ဖိဒီးလဲၤပူၤကွံာ်ဝဲ, ဒီးပယူၤထီၣ်ကွံာ်လီၤ.

တၢ်ကတိၤဒိ. 17:6

ပှၤသးပှၢ်တဖၣ်ပာ်ကဖၢလၢအသးလၢအလံၤတဖၣ်အဃိဒ်ဖိသၣ်ပိာ်ခွါ တဖၣ်ပာ်ကဖၢလၢအသးလၢအပၢ်တဖၣ်အဃိအသိးန့ၣ်လီၤ.

လံာ်သိၣ်လီၤသီလီၤတၢ် 34:7

ဖဲစီၤမိၤၡ့သံန့ၣ်အသးအိၣ်ဝဲတကယၤခံဆံနံၣ်, ဒီးအဝဲအဂံၢ်ဆူၣ်ဘါဆူၣ်ဒံးဒၣ်ဒ်အညီနုၢ်အသိး, ဒီးအမဲာ်ချံအတၢ်ထံၣ်ဂ့ၤဒံးဝဲလီၤ.

လံာ်စီၤယိၤၡူ 24:29

တၢ်တဖၣ်န့ၣ်အလီၢ်ခံဒီး, စီၤနိၣ်အဖိခွါယွၤအခ့အပှၤစီၤယိၤၡူ သံဝဲဖဲအသးအိၣ်အနံၣ်တကယၤတဆံန့ၣ်လီၤ.