လံာ်စီၤယိၤဘး 42:10 - Sgaw Karen Common Bible

¹⁰ တုၤစီၤယိၤဘးဘါထုကဖၣ်တၢ်လၢအတံၤသကိးသၢဂၤ အဂီၢ်ဝံၤအလီၢ်ခံန့ၣ်, ယွၤမၤဘီၣ်ထီၣ်ညီထီၣ်ကဒါက့ၤကဒီး အီၤ, ဒီးဟ့ၣ်အီၤတၢ်လၢအအိၣ်တ့ၢ်ဒီးအီၤလၢညါခံစးန့ၣ်လီၤ.

လံာ်စီၤယိၤဘး 42:10 Iomraidhean Croise

လံာ်တၢ်ကဲထီၣ်အခီၣ်ထံး 20:17

မ့ၢ်လၢတၢ်မၤတ့ၢ်အသးဒီးစီၤအၤဘြၤဟၣ်အမါ, နီၢ်စၤရါအဃိဒီး, ယွၤမၤတ့ၢ်ဝဲဒ်သိးပိာ်မုၣ်တဂၤလၢ်လၢ်လၢ စီၤအဘံၤမ့လ့းအနူၢ်ပူၤစီၤပူၤန့ၣ်အိၣ်ဒံၣ်အိၣ်ဖိသုတသ့ တဂ့ၤန့ၣ်လီၤ. လၢတၢ်န့ၣ်အဃိစီၤအၤဘြၤဟၣ်ဘါထုကဖၣ်တ့ၢ်တၢ်လၢစီၤအဘံၤမ့လ့းအဂီၢ်, ဒီးကစၢ်ယွၤမၤဘျါအီၤလီၤ. အဝဲမၤဘျါစ့ၢ်ကီးစီၤအဘံၤမ့လ့းအမါ, ဒီးအကုၢ်ပိာ်မုၣ်တဖၣ်ဒ်သိးအိၣ်ဒံၣ်အိၣ်ဖိကသ့အဂီၢ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 25:9

စီၤအမၤစယါသံကွၢ်ဝံန့ၣ် “မ့မ့ၢ်ဒ်န့ၣ်ဒီးကယဲၢ်စ့လၢယဟ့ၣ် လီၤလံလၢတၢ်ဒိးလဲအဝဲသ့ၣ်အဂီၢ်န့ၣ်, ပကမၤဒ်လဲၣ်.” ဝံန့ၣ်စံးဆၢအီၤ, “ယွၤဟ့ၣ်က့ၤနၤအါန့ၢ်အလီၢ်သ့ဝဲလီၤ.”

လံာ်စီၤယိၤဘး 1:2

အဝဲအိၣ်ဒီးအဖိခွါနွံဂၤဒီးအဖိမုၣ်သၢဂၤန့ၣ်လီၤ.

လံာ်စီၤယိၤဘး 1:3

ဒီးအတၢ်ဖိတၢ်လံၤမ့ၢ်သိနွံကထိ, ကီၤလၤအူးသၢကထိ, ဂီၤဖံးတကထိ, ဒီးကသ့ၣ်ယီၤမိၢ်ယဲၢ်ကယၤ, ဒီးအခ့အပှၤ အိၣ်ဝဲအါအါကလဲာ်န့ၣ်လီၤ. ပှၤတဂၤအံၤမ့ၢ်ပှၤအကဲဒိၣ် ကတၢၢ်လၢပှၤမုၢ်ထီၣ်ဖိခဲလၢာ်အကျါန့ၣ်လီၤ.

လံာ်စီၤယိၤဘး 42:9

ဒီးပှၤတ့ၤမၣ်ဖိစီၤအလံဖးစး, ပှၤရူၤဃးဖိစီၤဘံးလဒးဒီး ပှၤနၤမးဖိစီၤဖိဖၢ်မၤဝဲဒ်ယွၤစံးဘၣ်တ့ၢ်အီၤအသိး, ဒီးယွၤစံးဆၢစီၤယိၤဘးအတၢ်ထုကဖၣ်န့ၣ်လီၤ.

စံးထီၣ်ပတြၢၤ 126:1

တုၤယွၤဃၣ်ကဒါက့ၤစံယိၣ်အတၢ်ကဲကုၢ်ဒီး, ပမၤပသးဒ်ပှၤလၢအမံမီၢ်တၢ်အသိးန့ၣ်လီၤ.

စံးထီၣ်ပတြၢၤ 14:7

မ်အံၣ်စရ့လးအတၢ်ပူၤဖျဲး ဟဲထီၣ်လၢစံယိၣ်န့ၣ်တက့ၢ်. ဖဲယွၤဒုးဘီၣ်ထီၣ်ညီထီၣ်က့ၤအပှၤဂီၢ်မုၢ်ဒီး ယၤကိာ်ကသူၣ်ဖှံသးညီ ဒီးအံၣ်စရ့လးကသးခုဝဲဆံးဒိၣ်လဲၣ်.

စံးထီၣ်ပတြၢၤ 53:6

မ်တၢ်မၤပူၤဖျဲးအလီၢ်လၢအံၣ်စရ့လးအဂီၢ်အံၤ ကဟဲလၢစံယိၣ်တက့ၢ်. တုၤကစၢ်ယွၤဒုးဟဲက့ၤအပှၤဂီၢ်မုၢ်လၢ တၢ်စိာ်မၢကဲကုၢ်အလီၢ်န့ၣ်ဒီး ယၤကိာ်ကသူၣ်ဖှံသးညီဒီး အံၣ်စရ့လးကသူၣ်ခုသးခုဝဲဒၣ်န့ၣ်လီၤ.

တၢ်ကတိၤဒိ. 22:4

အိၣ်ဒီးတၢ်ယူးယီၣ်ပာ်ကဲယွၤဒီးဆီၣ်လီၤနသးတက့ၢ်. ဒီးနကန့ၢ်ဘၣ်တၢ်ထူးတၢ်တီၤတဖၣ်, တၢ်လၤကပီၤ, ဒီးတၢ်အိၣ်မူအါနံၣ်အါလါန့ၣ်လီၤ.

လံာ်ယၡါယၤ 40:2

“ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

လံာ်ယၡါယၤ 61:7

သုတၢ်မဲာ်ဆှးဒီးတၢ်မၤမဲာ်ဆှးသုတဖၣ်ကတၢၢ်ဝဲလံ. သုကအိၣ်ကဆိးလၢသုထံသုကီၢ်ဒၣ်သုဝဲအပူၤ, ဒီးသုတၢ်ထူးတၢ်တီၤကဘၣ်တၢ်မၤအါထီၣ်အီၤခံစးလီၤ. သုတၢ်သးခုကအိၣ်ကၢအိၣ်ခိးလီၤထူလီၤယိာ်လီၤ.

လံာ်ဃးကဲ 2:8

စ့ဒီးထူခဲလၢာ်လၢဟီၣ်ခိၣ်ဒီဘ့ၣ်ညါန့ၣ်, မ့ၢ်ယတၢ်လီၤ.

လံာ်တၢ်ဂံၢ် 12:13

လၢတၢ်န့ၣ်အဃိစီၤမိၤၡ့ကိးထီၣ်ဆူယွၤအအိၣ်, ဒီးစံးဝဲဒၣ် “အိ, ကစၢ်ယွၤဧၢ, မၤဘျါအီၤတက့ၢ်.”

လံာ်တၢ်ဂံၢ် 12:2

အဝဲသ့ၣ်စံးဝဲဒၣ်, “မ့ၢ်ယွၤကတိၤတၢ်ခီဖျိဒၣ်ထဲစီၤမိၤၡ့ တဂၤဧိၤလီၤဧါ. မ့ၢ်အတကတိၤတၢ်ခီဖျိစ့ၢ်ကီးပှၤဘၣ်ဧါ.” ယွၤနၢ်ဟူတၢ်လၢအဝဲသ့ၣ်စံးတ့ၢ်ဝဲန့ၣ်လီၤ.

လံာ်တၢ်ဂံၢ် 14:10

ပှၤဂီၢ်မုၢ်ဒီဖုမၤပျံၤမၤဖုးအဝဲသ့ၣ်လၢကကွံာ်သံအီၤလၢ လၢၢ်, ဘၣ်ဆၣ်သတူၢ်ကလာ်န့ၣ်ပှၤဂီၢ်မုၢ်ထံၣ်တၢ်ကပီၤ ကပြုၢ်ကပြီၤဟဲလၢယွၤအိၣ်ဝဲဆိးဝဲအဒဲစီၤဆှံအဖီခိၣ်လီၤ.

လံာ်လူၤကၣ် 16:27

ပှၤထူးပှၤတီၤစံးဝဲ, ‘မ့မ့ၢ်ဒ်န့ၣ်ဒီး, ပၢ်ဧၢ, ယဃ့ကညးနၤ, ဆှၢလီၤစီၤလါစရူးဆူယပၢ်အဟံၣ်

မၤတၢ် 7:50

တၢ်တဖၣ်အံၤခဲလၢာ်တမ့ၢ်ဘၣ်တၢ်လၢ ယမၤကဲထီၣ်အီၤလၢယနီၢ်ကစၢ်ဒၣ်ယဲန့ၣ်ဘၣ်ဧါ.’

မၤတၢ် 7:60

အန့ၣ်ဝံၤအဝဲဒၣ်ချံးလီၤအခီၣ်ဒီးကိးပသူထီၣ်လၢအကလုၢ်ဖးဒိၣ်, “ကစၢ်ဧၢ, ပျၢ်လၢ်အဝဲသ့ၣ်အတၢ်ကမၣ်အံၤတက့ၢ်.” အဝဲဒၣ်စံးတၢ်အံၤဝံၤအသးဟးထီၣ်ဝဲဒၣ်လီၤ.

လံာ်သိၣ်လီၤသီလီၤတၢ် 30:3

တုၤနုၤတစု, ယွၤ, သုကစၢ်ယွၤကအိၣ်ဒီးတၢ်သးကညီၤဘၣ်သုန့ၣ် လီၤ. အဝဲကဟဲက့ၤစိာ်က့ၤသုလၢ, ပှၤကလုာ်တဖၣ်ဖဲအဝဲမၤလီၤပြံလီၤပြါတ့ၢ်သုအကျါ, ဒီးအဝဲကဒုးဘီၣ်ထီၣ်ညီထီၣ်က့ၤကဒီးသုန့ၣ်လီၤ.

လံာ်သိၣ်လီၤသီလီၤတၢ် 8:18

သ့ၣ်နီၣ်ထီၣ်က့ၤလၢပှၤလၢအဟ့ၣ်လီၤသုတၢ်စိတၢ်ကမီၤလၢသု ကထူးထီၣ်တီၤထီၣ်န့ၣ်မ့ၢ်ယွၤ, သုကစၢ်ယွၤန့ၣ်တက့ၢ်. အဝဲမၤတၢ်အံၤမ့ၢ်လၢအဝဲအသူၣ်တီသးရၤဒံးဝဲဒီး အတၢ်အၢၣ်လီၤအီလီၤလၢအမၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်တုၤ မုၢ်မဆါတနံၤအံၤအဃိန့ၣ်လီၤ.

လံာ်သိၣ်လီၤသီလီၤတၢ် 9:20

ယွၤအသးဒိၣ်ထီၣ်ဘၣ်စ့ၢ်ကီးစီၤအၤဟရိၣ်နးမးတုၤလၢအက မၤသံအီၤလီၤ. လၢတၢ်န့ၣ်အဃိယဘါထုကဖၣ်တၢ်လၢစီၤအၤဟရိၣ်အ ဂီၢ်, လၢတၢ်တကတီၢ်ဃီန့ၣ်လီၤ.

ယၤကိာ် 5:11

ပှၤလၢအသ့တူၢ်တၢ်န့ၣ်, ပကိးအီၤလၢပှၤဘၣ်ဆိၣ်ဂ့ၤလီၤ. သုနၢ်ဟူတ့ၢ်လံစီၤယိၤဘးအတၢ်သးစူၤအဂ့ၢ်, ဒီးသုသ့ၣ်ညါကစၢ်အတၢ်တိာ်ဒီးအတၢ်ဆိၣ်ဂ့ၤအီၤလၢခံ ကတၢၢ်ဒ်လဲၣ်အဂ့ၢ်န့ၣ်လီၤ. အဂ့ၢ်ဒ်လဲၣ်န့ၣ်ကစၢ်ပှဲၤဝဲဒီးတၢ်သးကညီၤဒီးတၢ်သူၣ်အိၣ်သး အိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:7

အဝဲဒုးဖှီၣ်ပှၤတနီၤဒီးအဂၤတနီၤန့ၣ်ဒုးကဲဒိၣ်ဝဲလီၤ. အဝဲဆီၣ်လီၤပှၤတနီၤဒီးအဂၤတနီၤန့ၣ်မၤဒိၣ်မၤသွါ ဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:8

အဝဲဝံၢ်ဆၢထၢၣ်ပှၤဖှီၣ်ဖိလၢဖၣ်ကမူၣ်အကျါဒီးဒုးဂဲၤဆၢထၢၣ် ပှၤတလၢတပှဲၤတဖၣ်လၢအတၢ်ဖှီၣ်တၢ်ယာ်အပူၤလီၤ. အဝဲဒုးကဲထီၣ်အဝဲသ့ၣ်လၢစီၤပၤဖိတဖၣ်အတံၤသကိး, ဒီးပာ်ထီၣ်အီၤလၢတၢ်လၤကပီၤအလီၢ်တဖၣ်န့ၣ်လီၤ. ဟီၣ်ခိၣ်အခီၣ်ထံးတဖၣ်န့ၣ်ဘၣ်ဃးဒီးယွၤလီၤ. လၢအဝဲသ့ၣ်အဖီခိၣ်န့ၣ်ယွၤသူၣ်ထီၣ်ဟီၣ်ခိၣ်န့ၣ်လီၤ.