လံာ်စီၤယိၤဘး 40:8 - Sgaw Karen Common Bible

⁸ နကမၤကဒံကဒါယတၢ်စံၣ်ညီၣ်ဧါ. နကပာ်တၢ်ကမၣ်လၢယ လိၤဒီးပာ်တီပာ်လိၤနသးဧါ.

လံာ်စီၤယိၤဘး 40:8 Iomraidhean Croise

လံာ်စီၤယိၤဘး 10:3

လၢနကသးဘၣ်အၢတၢ်လၢ နကစၢ်ဒၣ်နဲတ့လီၤ အီၤဒီးနံၤလၢပှၤအၢပှၤသီတဖၣ် အတၢ်ကူၣ်ကျဲၤအဂီၢ်န့ၣ်, ကတီဝဲလိၤဝဲလၢ နဂီၢ်တုၤလၢနကအၢကသီထဲ န့ၣ်ကစီဒီဧါ.

လံာ်စီၤယိၤဘး 10:7

နသ့ၣ်ညါလၢယတမ့ၢ်ဘၣ်ပှၤအိၣ်ဒီးတၢ်ကမၣ်ဒီးပှၤမၤပူၤဖျဲး ယၤလၢနစုပူၤသ့တအိၣ်နီတဂၤဘၣ်.

လံာ်စီၤယိၤဘး 13:18

ယအိၣ်ကတဲာ်ကတီၤယသးလၢယကပာ်ဖျါထီၣ်ယတၢ်ဂ့ၢ် တၢ်ကျိၤန့ၣ်လီၤ. အဂ့ၢ်ဒ်အံၤယသ့ၣ်ညါလၢယအိၣ်လၢ တၢ်အဘၣ်တခီန့ၣ်လီၤ.

လံာ်စီၤယိၤဘး 16:11

ကစၢ်ယွၤဟ့ၣ်လီၤကွံာ်လံယၤဆူပှၤမၤတၢ်အၢတၢ်သီတဖၣ် အစုပူၤန့ၣ်လံ.

လံာ်စီၤယိၤဘး 19:6

မ့ၢ်သုတထံၣ်လၢကစၢ်ယွၤမၤတ့ၢ်တၢ်အံၤန့ၣ်ဘၣ်ဧါ. အဝဲပာ်လီၤပျံၤသကွီၤလၢကဖီၣ်န့ၢ်ယၤလီၤ.

လံာ်စီၤယိၤဘး 32:1

မ့ၢ်လၢစီၤယိၤဘးဆိကမိၣ်ဝဲလၢအတီဝဲလိၤဝဲလၢအမဲာ်ညါ ဒၣ်ဝဲဒ်အံၤသတးဒီး, ပှၤသၢဂၤန့ၣ်ဆိကတီၢ်အတၢ်ကျဲးစၢးကတိၤဆၢ စီၤယိၤဘးန့ၣ်လီၤ.

လံာ်စီၤယိၤဘး 32:2

ဘၣ်ဆၣ်ဒီးပှၤဘူစးဖိဘၣ်ဃးဒီးစီၤရၣ်အဒူၣ်ဖိထၢဖိစီၤဘၤ ရက့လးအဖိခွါစီၤအလံဟူၤလၢအဆၢထၢၣ်ဖဲ တၢ်ကပၤန့ၣ် ပၢၤဃာ်အသးတန့ၢ်လၢၤဘၣ်. အဝဲအသးထီၣ်စီၤယိၤဘးမ့ၢ်လၢစီၤယိၤဘးပာ်တီပာ်လိၤအသး ဒိၣ်န့ၢ်ကစၢ်ယွၤအဃိန့ၣ်လီၤ.

လံာ်စီၤယိၤဘး 34:17

ပှၤလၢအသးဟ့တၢ်စံၣ်ညီၣ်တီန့ၣ်ပၢတၢ်ကသ့စ့ၢ်ကီးဧါ. မ့ၢ်သုကစံၣ်ညီၣ်ကစၢ်ယွၤလၢ အစံၣ်ညီၣ်တၢ်တီဒီးဒိၣ်ဝဲ ထီဝဲတဂၤန့ၣ်ဧါ.

စံးထီၣ်ပတြၢၤ 51:4

ယမၤကမၣ်ဘၣ်တ့ၢ်လံနၤ, ထဲနၤတဂၤဧိၤ, ဒီးမၤတၢ်အၢလၢနမဲာ်ညါလံ. မၤသးဒ်န့ၣ်ဒီး, နမၤတၢ်တီတၢ်လိၤလၢ နတၢ်စံၣ်ညီၣ်ယၤအပူၤ ဒီးတၢ်ပာ်တၢ်ကမၣ်အလီၢ်တအိၣ်လၢ နတၢ်စံၣ်ညီၣ်အပူၤဘၣ်န့ၣ်လီၤ.

လံာ်ယၡါယၤ 14:27

ယွၤသ့တၢ်လၢာ်ကစၢ်ပာ်လီၤတ့ၢ်အသးလၢကမၤတၢ်အံၤလီၤ. အဝဲယူာ်ထီၣ်အစုလၢကစံၣ်ညီၣ်တၢ်အဂီၢ်ဒီးပှၤထုးက့ၤအီၤ တန့ၢ်ဘၣ်နီတဂၤဘၣ်.

လံာ်ယၡါယၤ 28:18

တၢ်အၢၣ်လီၤအီလီၤလၢသုမၤဒီးတၢ်သံကဘၣ်တၢ်မၤဟးဂီၤ ကွံာ်, ဒီးသုတၢ်သးလီၤပလိာ်ဒီးပှၤသံတဖၣ်အကီၢ်ကဘၣ် တၢ်တြူာ်ကွံာ်အီၤလီၤ. ဖဲတၢ်တတၢးတနါဟဲခီဂာ်တၢ်ဒီး, သုကဘၣ်တၢ်မၤနၢၤမၤဃၣ်သုလီၤ.

လံာ်ယၡါယၤ 43:26

မ်ပကလဲၤဆူကွီၢ်ဘျီၣ်တက့ၢ်. ဟဲစိာ်နတၢ်လိာ်ဘၢလိာ်ကွီၢ် အဂ့ၢ်တက့ၢ်. ဆှၢထီၣ်နတၢ်ဂ့ၢ်ဒ်သိးနကဘၣ်တၢ်ပာ်တီပာ်လိၤနၤအဂီၢ်တက့ၢ်.

လံာ်ယၡါယၤ 45:9

သပၢၤဟီၣ်ခိၣ်တဖျၢၣ်ကတိၤဂ့ၢ်လိာ်တၢ်ဒီးပှၤလၢအတ့ အီၤဘၣ်ကဘူၣ်ဧါ. မ့ၢ်ဒၣ်သပၢၤတဖျၢၣ်လၢအလီၤဂာ်ဒီးသပၢၤအဂၤတဖၣ်ခဲလၢာ်လီၤ. ကပံာ်ဟီၣ်ခိၣ်သံကွၢ်ပှၤတ့သပၢၤလၢအမၤတၢ်မနုၤလဲၣ်န့ၣ်စ့ၢ် ကီးဧါ. သပၢၤဟီၣ်ခိၣ်ကဒူးကဒ့ၣ်တၢ်လၢပှၤလၢအတ့အီၤအတၢ်သ့ တၢ်ဘၣ်တအိၣ်ဘၣ်န့ၣ်ဧါ.

ရိမ့ၤ 3:4

တမ့ၢ်ဒ်န့ၣ်ဘၣ်. ပှၤကညီကိးဂၤဒဲးမ့မ့ၢ်ပှၤလီတၢ်သနာ်က့, ကစၢ်ယွၤတီဝဲလိၤဝဲလီၤ. ဒ်တၢ်ကွဲးအသးစံးဝဲအသိး, “နကဘၣ်တၢ်ပာ်တီပာ်လိၤနၤလၢ နတၢ်ကတိၤတဖၣ်အပူၤ, ဒီးနကမၤနၢၤတၢ်ဖဲ နဘၣ်တၢ်လိာ်ကွီၢ်နၤန့ၣ်လီၤ.”

ကလၤတံ 3:15

ယဒီပုၢ်ဝဲၢ်သ့ၣ်ဧၢ, ယကသူမုၢ်ဆ့ၣ်မုၢ်ဂီၤအတၢ်အဒိအတဲာ် တမံၤလီၤ. ဖဲပှၤခံဂၤအၢၣ်လီၤအီလီၤလိာ်အသးလၢတၢ်ဂ့ၢ် တမံၤဒီးဆဲးလီၤအမံၤလၢတၢ်အၢၣ်လီၤအီလီၤအဂီၢ်န့ၣ်, ပှၤမၤဟးဂီၤကွံာ်အီၤမ့ၢ်ဂ့ၤ, ပှၤဒၢနုာ်အါထီၣ်အီၤမ့ၢ်ဂ့ၤ တသ့နီတဂၤဘၣ်.

ကလၤတံ 3:17

တၢ်လၢယအဲၣ်ဒိးစံးန့ၣ်မ့ၢ်ဝဲ, ကစၢ်ယွၤမၤတၢ်အၢၣ်လီၤအီလီၤဒီးစီၤအၤဘြၤဟၣ်ဒီး အၢၣ်လီၤအီလီၤလၢကမၤလၢပှဲၤဝဲလီၤ. တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤလၢခံ အနံၣ်လွံၢ်ကယၤသၢဆံန့ၣ်, မၤဟးဂီၤကွံာ်တၢ်အၢၣ်လီၤအီလီၤအဝဲန့ၣ်ဒီးကစၢ်ယွၤ အတၢ်စံးပာ်တသ့ဘၣ်.

ဧ့ၤဘြံၤ 7:18

တၢ်သိၣ်တၢ်သီအလီၢ်လံၤဘၣ်တၢ်ပာ်ကပၤကွံာ်အီၤမ့ၢ်လၢ အဂံၢ်စၢ်ဘါစၢ်ဒီးအဘျုးတအိၣ်ဘၣ်အဃိလီၤ.