လံာ်စီၤယိၤဘး 40:12 - Sgaw Karen Common Bible

¹² မ့ၢ်လံ. ကွၢ်အဝဲသ့ၣ်ဒီးတ့ၢ်လီၤကွံာ်အီၤလၢအလီၢ်တက့ၢ်. ယီၢ်တံၢ်ပှၤတတီတလိၤဖဲအဝဲသ့ၣ်ဆၢထၢၣ်အလီၢ်န့ၣ်တက့ၢ်.

လံာ်စီၤယိၤဘး 40:12 Iomraidhean Croise

လံာ်စီၤယိၤဘး 36:20

တဘၣ်ဆူလၢ်ဟူတၢ်ဆၢကတီၢ်ဖဲပှၤဂီၢ်မုၢ်ကဘၣ်တၢ်မၤဟးဂီၤအီၤ, သတူၢ်ကလာ်အမုၢ်တနၤန့ၣ်တဂ့ၤ.

စံးထီၣ်ပတြၢၤ 60:12

ကစၢ်ယွၤမ့ၢ်အိၣ်ဒီးပှၤဒီးပကမၤနၢၤတၢ်, အဝဲကမၤနၢၤပဒုၣ်ပဒါတဖၣ်န့ၣ်လီၤ.

စံးထီၣ်ပတြၢၤ 94:2

နမ့ၢ်ပှၤခဲလၢာ်အပှၤစံၣ်ညီၣ်ကွီၢ်လီၤ. ဂဲၤထၢၣ်ဒီးဟ့ၣ်ပှၤပာ်ထီၣ်ထီအသး လၢတၢ်လၢအကြၢးဒိးန့ၢ်ဘၣ်ဝဲဒၣ်န့ၣ်တက့ၢ်.

တၢ်ကတိၤဒိ. 15:25

ယွၤကမၤဟးဂီၤပှၤပာ်ထီၣ်ထီအသးတဖၣ်အဟံၣ်လီၤ. မ့မ့ၢ်ပှၤမုၣ်ကမဲတဂၤအစုလီၢ်ခီၣ်ခိၣ်န့ၣ်ကဒီဒၣ်အိၣ်ပှိၤဝဲလီၤ.

လံာ်ပှၤစံၣ်တဲၤတဲလီၤတၢ် 11:3

သ့ၣ်တထူၣ်မ့ၢ်လီၤတကူၢ်ဆူလဲၣ်ဂ့ၤဆူလဲၣ်ဂ့ၤန့ၣ်တမ့ၢ်တၢ်အမိၢ် ပှၢ်ဘၣ်. ကအိၣ်မံလီၤဒၣ်ဖဲအလီၤတကူၢ်ဝဲအလီၢ်လီၤ. တုၤတၢ်အၢၣ်တဖၣ်ပှဲၤဝဲဒီး, တၢ်ဟဲစူၤလီၤလီၤ.

လံာ်ယၡါယၤ 10:6

ယမၢလီၤကီၢ်အၤၡူၢ်လၢကဒုးပှၤကလုာ်လၢအတယူးတယီၣ်ယွၤ, ပှၤလၢအမၤသးဒိၣ်ထီၣ်တ့ၢ်ယၤတဖၣ်လီၤ. ယမၢလီၤအဝဲသ့ၣ်လၢကဂုာ်န့ၢ်ဒီးဟုၣ်တၢ်ဒီးယီၢ်တံၢ်ပှၤတဖၣ် န့ၣ်ဒ်ဖၣ်ကမူၣ်လၢကျဲတဖၣ်အပူၤအသိးန့ၣ်လီၤ.

လံာ်ယၡါယၤ 13:11

ယွၤစံးဝဲဒၣ်, “ယကဟဲစိာ်န့ၢ်ဟီၣ်ခိၣ်လၢတၢ်ဟးဂီၤဒီးစံၣ်ညီၣ် ပှၤအၢပှၤသီခဲလၢာ်လၢအတၢ်ဒဲးဘးတဖၣ်အဃိလီၤ. ယကဆီၣ် လီၤပှၤကိးဂၤဒဲးလၢအပာ်ထီၣ်ထီအသး, ဒီးစံၣ်ညီၣ် ပှၤကိးဂၤဒဲးလၢအသးထီၣ်ထီဒီးအၢဝဲသီဝဲန့ၣ်လီၤ.

လံာ်ယၡါယၤ 2:12

လၢနံၤအဝဲန့ၣ်န့ၣ်, ယွၤသ့တၢ်လၢာ်ကဆီၣ် လီၤပှၤကိးဂၤဒဲးလၢအဂံၢ်ဆူၣ်ဘါဆူၣ်, ပှၤကိးဂၤဒဲးလၢအပာ် ထီၣ်ထီအသးဒီးပာ်ကဖၢလၢအသးလီၤ.

လံာ်ယၡါယၤ 22:19

ယွၤကသုးကွံာ်နၤလၢနမူနဒါအလီၢ်ဒီးထုးလီၤတဲာ်ကွံာ်နၤလၢ နလီၢ်ဒိၣ်နလၤထီအလီၢ်န့ၣ်လီၤ.”

လံာ်ယၡါယၤ 23:9

ယွၤသ့တၢ်လၢာ်ကူၣ်ကျဲၤတ့ၢ်တၢ်အံၤလီၤ. အဝဲကူၣ်ကျဲၤတ့ၢ်ဝဲဒ်သိးကမၤကတၢၢ်ကွံာ်အဝဲသ့ၣ်အတၢ်ပာ် ထီၣ်ထီသးလၢတၢ်လၢအမၤတ့ၢ်ဝဲအဃိ, ဒီးဒ်သိးကမၤမဲာ် ဆှးအပှၤလၢတၢ်ပာ်လၤပာ်ကပီၤအီၤသ့ၣ်တဖၣ်အဂီၢ်လီၤ.

လံာ်ယၡါယၤ 63:3

ယွၤစံးဆၢဝဲဒၣ်, “ယယီၢ်တံၢ်တ့ၢ်ပှၤကလုာ်တဖၣ်ဒ်စပံးသၣ် တဖၣ်အသိး, ဒီးပှၤတဟဲမၤစၢၤယၤနီတဂၤဘၣ်. ယယီၢ်တံၢ်တ့ၢ်အဝဲသ့ၣ်လၢယတၢ်သးထီၣ်အပူၤဒီးအဝဲသ့ၣ် အသွံၣ်မၤဘၣ်အၢတ့ၢ်ယကူယကၤလီၤ.

လံာ်ယံးရမံယၤ 48:29

ကီၢ်မိၤအးပာ်ထီၣ်ထီအသးဒိၣ်မးလီၤ. ယနၢ်ဟူတ့ၢ်လၢ အပာ်ထီၣ်ထီအသးထဲလဲၣ်, ဒီးပာ်အသးကဖိလိ, ဒီးအပှၤဂီၢ်မုၢ်မ့ၢ်ပှၤတဖၣ်လၢအပာ်ကဖၢလၢအသးထဲလဲၣ်ဒီး ဆိကမိၣ်ဒိၣ်လီၤ အသးထဲလဲၣ်န့ၣ်လီၤ.

လံာ်ဒၤနံးယ့လး 4:24

အခီပညီမ့ၢ်ဒ်အံၤနဲဒၣ်စီၤပၤဧၢ, တၢ်န့ၣ်မ့ၢ်တၢ်ထီကတၢၢ်ကစၢ် ယွၤအတၢ်စံၣ်ညီၣ်အကလုၢ်လၢအလီၤဘၣ်လၢယကစၢ်စီၤပၤ အလိၤန့ၣ်လီၤ.

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်ဒၤနံးယ့လး 5:20

ဘၣ်ဆၣ်ဒီးအဝဲပာ်ထီၣ်ထီအသး, ပာ်ဆူၣ်အကိာ်ဒီးအၢသီဝဲဒၣ်အဃိ, အဝဲဘၣ်တၢ်သုးကွံာ်အီၤလၢအစီၤလိၣ်စီၤပၤအလီၢ်ပစိာ်ဒီးအလၤ ကပီၤအလီၢ်လီၤမၢ်ကွံာ်ဝဲန့ၣ်လီၤ.

လံာ်စကၤရယၤ 10:5

ကီၢ်ယူဒၤအပှၤဂီၢ်မုၢ်ကမၤနၢၤတၢ်ဒ်ပှၤ သုးဖိတဖၣ်လၢယီၢ်တံၢ်လီၤအဒုၣ်အဒါတဖၣ် လၢကျဲဘိတဖၣ်အကပံၢ်အကျါအသိးန့ၣ်လီၤ. အဝဲသ့ၣ်ကဒုးတၢ်မ့ၢ်လၢကစၢ်ယွၤအိၣ်ဒီးအဝဲသ့ၣ်အဃိဒီးအဝဲ သ့ၣ်ကမၤနၢၤဒၣ်လဲာ်ဒုၣ်ဒါအပှၤဒိးကသ့ၣ်တဖၣ်န့ၣ်လီၤ.

လံာ်မၤလကံ 4:3

မုၢ်တနံၤလၢယမၤတၢ်န့ၣ်, သုကမၤနၢၤကွံာ်ပှၤတတီတလိၤ, ဒီးအဝဲသ့ၣ်ကလီၤဂာ်ဒ်ဖၣ်ဆါလၢသုခီၣ်အဖီလာ်အသိးန့ၣ်လီၤ.

မၤတၢ် 1:25

လၢအကဟံးန့ၢ်စီၤယူဒၤအလီၢ်ဒ်ပှၤတၢ်မၢဖိတဂၤအသိးအဂီၢ်န့ၣ် တက့ၢ်. စီၤယူဒၤညိကွံာ်တ့ၢ်တၢ်လီၢ်န့ၣ်လၢအကလဲၤဆူအလီၢ် အကျဲဒၣ်ဝဲန့ၣ်လီၤ.”

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 2:7

အဝဲဒုးဖှီၣ်ပှၤတနီၤဒီးအဂၤတနီၤန့ၣ်ဒုးကဲဒိၣ်ဝဲလီၤ. အဝဲဆီၣ်လီၤပှၤတနီၤဒီးအဂၤတနီၤန့ၣ်မၤဒိၣ်မၤသွါ ဝဲလီၤ.