လံာ်စီၤယိၤဘး 4:9 - Sgaw Karen Common Bible

⁹ ဒီးကစၢ်ယွၤအတၢ်သးထီၣ်မၤဟးဂီၤကွံာ် အဝဲသ့ၣ်ဒ်ကလံၤမုၢ်အသိးန့ၣ်လီၤ.

လံာ်စီၤယိၤဘး 4:9 Iomraidhean Croise

လံာ်စီၤပၤခံဘ့ၣ်တဘ့ၣ် 19:7

ယွၤကမၤဒ်သိးကီၢ်အၤၡူၢ်အစီၤပၤဖးဒိၣ်ကနၢ်ဟူဘၣ်တၢ်က စီၣ်ပစံၣ်ပစိတမံၤ, လၢအကဒုးက့ၤကဒါက့ၤအီၤဆူအထံ အကီၢ်ဒၣ်ဝဲ, ဒီးယွၤကမၤသံအီၤဖဲန့ၣ်, န့ၣ်လီၤ.

လံာ်စီၤယိၤဘး 1:19

ကွၢ်ကွၢ်ကလံၤမုၢ်ဖးဒိၣ်ဟဲဝဲလၢမဲးမုၢ်ခိၣ်ဒီးအူလီၤပှီၢ် ကွံာ်ဟံၣ်ဒီးပှၤခဲလၢာ်သံဝဲဒၣ်န့ၣ်လီၤ. ဒီးပှၤပူၤဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”

လံာ်စီၤယိၤဘး 15:30

အဝဲတပူၤဖျဲးဝဲလၢတၢ်ခံးတၢ်နၤန့ၣ်ဘၣ်. အဝဲကလီၤဂာ်ဒီးသ့ၣ် တထံးအဒ့လၢတဖၣ်မ့ၣ်အူအီၣ်ကွံာ်အီၤ, ဒီးအဒိးစၢ်တဖၣ်ကလံၤအူဒံကွံာ်အီၤအသိးန့ၣ်လီၤ.

လံာ်စီၤယိၤဘး 40:11

ကွၢ်ပှၤတဖၣ်လၢအပာ်ထီၣ်ထီအသးန့ၣ်တက့ၢ်. ဂၢ်လီၤနတၢ်သးထီၣ်ဆူၣ်ဆူၣ်ကလဲာ်, ဒီးဆီၣ်လီၤကွံာ်အဝဲသ့ၣ် တက့ၢ်.

လံာ်စီၤယိၤဘး 40:13

ခူၣ်လီၤကွံာ်အီၤခဲလၢာ်လၢဟီၣ်ခိၣ်လာ်ဒီးစၢဃာ်အဝဲသ့ၣ်လၢ တၢ်သံအကီၢ်ပူၤတက့ၢ်.

စံးထီၣ်ပတြၢၤ 18:15

ယွၤဧၢ, ဖဲနသိၣ်နသီနဒုၣ်နဒါတဖၣ်, ဒီးနသါသဖှိထီၣ်တၢ်ဆူၣ်ဆူၣ်ကလဲာ် လၢတၢ်သးထီၣ်န့ၣ်, ပီၣ်လဲၣ်အခံဒးဖျါထီၣ်ဝဲ ဒီးဟီၣ်ခိၣ်အခီၣ်ထံးတဖၣ် ဘၣ်တၢ်မၤဖျါထီၣ်အီၤန့ၣ်လီၤ.

လံာ်တၢ်ဟးထီၣ်ကွံာ် 15:10

ဘၣ်ဆၣ်ဒီးယွၤဧၢ, နတၢ်သါထီၣ်တဘီမၤလီၤအုးသံကွံာ်ပှၤ အဲၤကူပတူးဖိတဖၣ်လီၤ. အဝဲသ့ၣ်လီၤဘျၢဝဲဒ်စၢၢ်လၢထံ လီၤပျံၤလီၤဖုးအပူၤအသိးန့ၣ်လီၤ.

လံာ်တၢ်ဟးထီၣ်ကွံာ် 15:8

နအူထီၣ်ကလံၤလၢပီၣ်လဲၣ်အဖီခိၣ်ဒီးထံပာ်ဖှိၣ်အသးထီၣ်ထီဆူ ထး, ဆၢထၢၣ်ဝဲဘျၢယုၢ်ကလာ်ဒ်တၢ်အဒူၣ်အသိး ဒီးပီၣ်လဲၣ်အလီၢ်ယိာ်ကတၢၢ်န့ၣ်ကဲထီၣ်တၢ်လီၢ်အကိၤလီၤ.

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 40:7

နီၣ်ဧိၤမံၤဧိၤဃ့ထီကွံာ်ဝဲဒီးဖီတဖၣ်လီၤညွံးလီၤဘီဝဲ ဖဲယွၤဆှၢလီၤကလံၤအူတၢ်လၢအဝဲသ့ၣ်အဖီခိၣ်န့ၣ်လီၤ. ပှၤဂီၢ်မုၢ်တအိၣ်ကၢအိၣ်ခိးအါန့ၢ်နီၣ်ဧိၤမံၤဧိၤဘၣ်.

၂ သ့းစၤလနံ 2:8

တုၤနုၤတစုတၢ်အၢတၢ်သီတဂၤန့ၣ်, ကဘၣ်တၢ်လီၣ်ဖျါထီၣ် အီၤလီၤ. ဘၣ်ဆၣ်ဒီးဖဲကစၢ်ယ့ၣ်ၡူးဟဲန့ၣ်, ကမၤသံအဝဲဒၣ်လၢအကိာ်ပူၤအတၢ်သါဒီးကမၤဟးဂီၤအီၤ ခီဖျိအတၢ်အိၣ်ဖျါထီၣ်ဒီးအတၢ်ဟဲန့ၣ်လီၤ.

လံာ်လီၣ်ဖျါ 2:16

ခဲကနံၣ်အံၤ, ဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ် တက့ၢ်. နမ့ၢ်တမၤဒ်န့ၣ်ဘၣ်ဒီး, တယံာ်ဘၣ်န့ၣ်ယကဟဲယဲဆူနအိၣ်ဒီးဒုးတၢ်ထီဒါပှၤသ့ၣ် တဖၣ်န့ၣ်လၢနးလၢအဟဲထီၣ်လၢယကိာ်ပူၤန့ၣ်လီၤ.