လံာ်စီၤယိၤဘး 4:4 - Sgaw Karen Common Bible

⁴ ဖဲပှၤတဂၤဂၤဘၣ်ကိၢ်ဘၣ်ဂီၤ, အဂံၢ်စၢ်ဘါစၢ်ဒီးလီၤဘှံးဝဲ န့ၣ်နတၢ်ကတိၤတဖၣ်ဟ့ၣ်ဆူၣ်ထီၣ်အီၤဒ်သိးကဂဲၤဆၢထၢၣ် ဝဲဒၣ်န့ၣ်လီၤ.

လံာ်စီၤယိၤဘး 4:4 Iomraidhean Croise

လံာ်စီၤယိၤဘး 29:11

ပှၤကိးဂၤဒဲးလၢအထံၣ်ယၤဒီးနၢ်ဟူယဂ့ၢ်ယကျိၤန့ၣ်အိၣ်ဒီးတၢ် ဂ့ၢ်တၢ်ကျိၤအဂ့ၤအဘၣ်တဖၣ်လၢကကတိၤဝဲဒၣ်ဘၣ်ဃးဒီး တၢ်လၢယမၤတ့ၢ်လံတဖၣ်န့ၣ်လီၤ.

လံာ်စီၤယိၤဘး 29:25

ယဟံးန့ၢ်မူဒါဒီးကဲပှၤအခိၣ်, ယဆှၢအဝဲသ့ၣ်ဒ်စီၤပၤတဂၤ ဆှၢအပှၤသုးမုၢ်သံၣ်ဘိအသိး, ဒီးဟ့ၣ်အီၤလၢတၢ်သူၣ်မံ သးမုာ်လၢတၢ်သူၣ်ဟးဂီၤသးဟးဂီၤအကတီၢ်န့ၣ်လီၤ.

လံာ်စီၤယိၤဘး 4:3

ကွၢ်ကွၢ်, နသိၣ်လိသီလိတ့ၢ်ပှၤအါဂၤလံ, ဒီးနဒုးဆူၣ် ထီၣ်တ့ၢ်လံပှၤဂံၢ်စၢ်ဘါစၢ်သ့ၣ်တဖၣ်န့ၣ်လီၤ.

လံာ်စီၤယိၤဘး 4:5

မ့မ့ၢ်ခဲကနံၣ်အံၤတၢ်ဟဲဘၣ်နၤဒီးနသူၣ်တစူၤသးသစူၤလၢၤဘၣ်. တၢ်ထိးဘၣ်နၤဒီးနသးဟးဂူာ်ဟးဂီၤလီၤ.

စံးထီၣ်ပတြၢၤ 145:14

အဝဲမၤစၢၤပှၤလၢအအိၣ်လၢတၢ်ကိၢ်တၢ်ဂီၤအပူၤ ဒီးအဝဲဝံၢ်ထီၣ်ပှၤလၢအလီၤဃံၤတဖၣ်လီၤ.

တၢ်ကတိၤဒိ. 12:18

တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

တၢ်ကတိၤဒိ. 25:11

တၢ်ကတိၤလၢအဘၣ်တၢ်ကတိၤအီၤဘၣ်ဘျီးဘၣ်ဒါန့ၣ်လီၤဂာ်ဒီး သၣ်သွံထူတဖၣ်အိၣ်ဝဲလၢတြၤစ့အပူၤအသိးန့ၣ်လီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်ဒၤနံးယ့လး 5:6

တုၤနုၤတစု, စီၤပၤအမဲာ်သၣ်လီၤဝါဒီးအသူၣ်ပျံၤသးဖုးနးနးကလဲာ်လီၤ. တၢ်မၤအသးဒ်အဆၢတဖၣ်လီၤဖျုကွံာ်ဝဲအသိးဒီးအခီၣ် လ့ၢ်ခိၣ်တဖၣ်ကနိးကစုာ်ဝဲဒၣ်န့ၣ်လီၤ.

၂ ကရံၣ်သူး 2:7

မ့မ့ၢ်ခဲကနံၣ်အံၤ, သုကြၢးပျၢ်အတၢ်ကမၣ်ဒီးဟ့ၣ်ဆူၣ်ထီၣ် အဂံၢ်အဘါ, ဒ်သိးအဝဲဒၣ်အသုတသးအုးမးဝဲတုၤအသးဟးဂီၤလၢာ်လၢာ် ဆ့ဆ့တဂ့ၤအဂီၢ်န့ၣ်လီၤ.

၂ ကရံၣ်သူး 7:6

ဘၣ်ဆၣ်ဒီးကစၢ်ယွၤလၢအဟ့ၣ်ဆူၣ်ထီၣ်ပှၤလီၤဘှံးလီၤတီၤ တဖၣ်အသးန့ၣ်, ဟ့ၣ်ဆူၣ်ထီၣ်ပဂံၢ်ပဘါခီဖျိစီၤတံတူးအတၢ် ဟဲန့ၣ်လီၤ.

၁ သ့းစၤလနံ 5:14

ပဒီပုၢ်ဝဲၢ်သ့ၣ်ဧၢ, ပမၢန့ၢ်ဆီၣ်ခံသုလၢသုကဟ့ၣ်ပလီၢ်ပဒီ ပှၤကၢၣ်ပှၤကျူတဖၣ်, သုကဟ့ၣ်ဆူၣ်ထီၣ်ပှၤအိၣ်ဒီးတၢ်သူၣ်ပျံၤသးဖုးတဖၣ်အဂံၢ်အဘါ, သုကမၤစၢၤပှၤဂံၢ်စၢ်ဘါစၢ်, ဒီးသုကသူၣ်စူၤသးစူၤလၢပှၤကိးဂၤဒဲးအဖီခိၣ်န့ၣ်လီၤ.

ဧ့ၤဘြံၤ 12:12

စုလၢအလီၤဘှါတဖၣ်ဒီးခီၣ်လ့ၢ်ခိၣ်လၢအကနိးတဖၣ်န့ၣ်မၤ ဆူၣ်ထီၣ်အီၤတက့ၢ်.