လံာ်စီၤယိၤဘး 4:3 - Sgaw Karen Common Bible

³ ကွၢ်ကွၢ်, နသိၣ်လိသီလိတ့ၢ်ပှၤအါဂၤလံ, ဒီးနဒုးဆူၣ် ထီၣ်တ့ၢ်လံပှၤဂံၢ်စၢ်ဘါစၢ်သ့ၣ်တဖၣ်န့ၣ်လီၤ.

လံာ်စီၤယိၤဘး 4:3 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်စီၤဧ့စြၤ 6:22

လၢနွံသီအတီၢ်ပူၤန့ၣ်, အဝဲသ့ၣ်မၤတၢ်သ့ၣ်နီၣ်မၤလၤကပီၤဘူၣ် တအိၣ်ဘၣ်ဒီးကိၣ်မံၣ်လၢတၢ်သူၣ်ခုသးခုအပူၤန့ၣ်လီၤ. အဝဲသ့ၣ်ပှဲၤဒီးတၢ်သူၣ်ခုသးခုမ့ၢ်လၢယွၤထိးဘၣ်တ့ၢ်ကီၢ်အၤ ၡူၢ်အစီၤပၤဖးဒိၣ်အသးလၢကကွၢ်မဲာ်အဝဲသ့ၣ်, တုၤဒၣ်လဲာ်မၤစၢၤအဝဲသ့ၣ်လၢအတၢ်ဖံးတၢ်မၤလၢတၢ်သူၣ်ထီၣ်ကဒါ က့ၤပှၤအံၣ်စရ့လးဖိအကစၢ်ယွၤအတၢ်လုၢ်ဟံၣ်အပူၤအဃိန့ၣ်လီၤ.

လံာ်စီၤယိၤဘး 16:5

ယဟ့ၣ်ဆူၣ်ထီၣ်သုဂံၢ်သုဘါခီဖျိယထးခိၣ်အတၢ်ကတိၤဒီးယနိး ဖံးအတၢ်ကတိၤမုာ်လၢအကတၢၢ်ကတာ်တအိၣ်ဘၣ်န့ၣ်သ့ဝဲလီၤ.

လံာ်စီၤယိၤဘး 29:11

ပှၤကိးဂၤဒဲးလၢအထံၣ်ယၤဒီးနၢ်ဟူယဂ့ၢ်ယကျိၤန့ၣ်အိၣ်ဒီးတၢ် ဂ့ၢ်တၢ်ကျိၤအဂ့ၤအဘၣ်တဖၣ်လၢကကတိၤဝဲဒၣ်ဘၣ်ဃးဒီး တၢ်လၢယမၤတ့ၢ်လံတဖၣ်န့ၣ်လီၤ.

လံာ်စီၤယိၤဘး 29:15

ယမ့ၢ်မဲာ်ချံလၢပှၤမဲာ်တထံၣ်တၢ်အဂီၢ်ဒီးယမ့ၢ်ခီၣ်လၢပှၤခီၣ် ဟးဂီၤသ့ၣ်တဖၣ်အဂီၢ်လီၤ.

လံာ်စီၤယိၤဘး 29:16

ယမၤယသးဒ်ပၢ်တဂၤလၢပှၤဖှီၣ်ဖိယာ်ဖိအဂီၢ်အသိး, ဒီးယအိၣ်ပှိၤပှၤတခီဘီမုၢ်ဖိလၢအဘၣ်ကီဘၣ်ခဲတဖၣ်န့ၣ်လီၤ.

လံာ်စီၤယိၤဘး 29:21

တုၤယဟ့ၣ်ကူၣ်တၢ်န့ၣ်ဒီးပှၤဂီၢ်မုၢ်အိၣ်ဘှီၣ်ကလာ်ဒီးတၢ်လၢယ စံးတဖၣ်န့ၣ်ဒိကနၣ်ဝဲလီၤတံၢ်လီၤဆဲးန့ၣ်လီၤ.

လံာ်စီၤယိၤဘး 4:4

ဖဲပှၤတဂၤဂၤဘၣ်ကိၢ်ဘၣ်ဂီၤ, အဂံၢ်စၢ်ဘါစၢ်ဒီးလီၤဘှံးဝဲ န့ၣ်နတၢ်ကတိၤတဖၣ်ဟ့ၣ်ဆူၣ်ထီၣ်အီၤဒ်သိးကဂဲၤဆၢထၢၣ် ဝဲဒၣ်န့ၣ်လီၤ.

တၢ်ကတိၤဒိ. 10:21

ပှၤအဂ့ၤတဂၤအတၢ်ကတိၤတဖၣ်ဒုးဘၣ်ဘျုးပှၤအါဂၤလီၤ. ဘၣ်ဆၣ်ဒီးနမၤသံလီၤနသးလၢတၢ်သူၣ်တထံသးတဆးသ့ဝဲလီၤ.

တၢ်ကတိၤဒိ. 15:7

တၢ်သ့ၣ်ညါန့ၣ်ဘၣ်တၢ်ရၤလီၤအီၤလၢပှၤလၢအကူၣ်တၢ်သ့တဖၣ်ဒီး တမ့ၢ်ဘၣ်လၢပှၤဟးဂီၤဖိတဖၣ်န့ၣ်ဘၣ်.

တၢ်ကတိၤဒိ. 16:21

ပှၤကူၣ်သ့ဒီးဒိၣ်တုာ်ခိၣ်ပှဲၤတဂၤန့ၣ်ဘၣ်တၢ်သ့ၣ်ညါအီၤလၢအ တၢ်သ့ၣ်ညါနၢ်ပၢၢ်အဃိလီၤ. အတၢ်ကတိၤတဖၣ်ဒံးမုာ်အတၢ်ထုးန့ၢ် ပှၤအသးဒံးအါလီၤ.

လံာ်ယၡါယၤ 35:3

စုတဖၣ်လၢအလီၤဘှံးလီၤတီၤဝဲ ဒီးခီၣ်လ့ၣ်ခိၣ်တဖၣ်လၢအကနိးကစုာ်လၢတၢ်ဂံၢ်စၢ်ဘါစၢ်အဃိန့ၣ်, ဒုးဆူၣ်ဝဲလီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်ယဃ့းစက့လး 13:22

သုတၢ်လီတၢ်ဝ့ၤတဖၣ်န့ၣ်မၤသးဟးဂီၤပှၤအဂ့ၤတဖၣ်လၢယတသးအိၣ် မၤဘၣ်ဒိဘၣ်ထံးအီၤန့ၣ်လီၤ. သုတြီဃာ်ပှၤဂီၢ်မုၢ်လၢအအၢအသီတဖၣ်လၢကညိကွံာ်အတၢ်အၢတၢ်သီ ဒီးအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

လံာ်စဖါနယၤ 3:16

တၢ်ဆၢကတီၢ်သုးဘူးအသးဖဲအဝဲသ့ၣ်ကစံးဘၣ်ဝ့ၢ်ယရူၤၡလ့ၣ်, “ပျံၤတၢ်တဂ့ၤ, ဝ့ၢ်စံယိၣ်ဧၢ, ပျဲနစုတဖၣ်လီၤစၢ်လီၤဘျ့တဂ့ၤ.

လံာ်လူၤကၣ် 22:32

ဘၣ်ဆၣ်ဒီးယဃ့ဘါထုကဖၣ်တ့ၢ်ယဲလၢနဂီၢ်, စီၤၡံမိၣ်ဧၢ, ဒ်သိးနတၢ်စူၢ်တၢ်နာ်သုတဟးဂီၤတဂ့ၤအဂီၢ်လီၤ. ဒီးဖဲနဃၣ်ကဒါက့ၤနသးဆူယအိၣ်န့ၣ်, နကဘၣ်ဟ့ၣ်ဂံၢ်ဟ့ၣ်ဘါနဒီပုၢ်ဝဲၢ်တဖၣ်လီၤ.”

လံာ်လူၤကၣ် 22:43

ကလူးလၢမူခိၣ်တဂၤဟဲလီၣ်ဖျါထီၣ်အသးလၢအီၤ, ဒီးဟ့ၣ်ဂံၢ်ဟ့ၣ်ဘါအီၤလီၤ.

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 3:28

မၤလိာ်ဒီးဟ့ၣ်စိၤဟ့ၣ်ကမီၤစီၤယိၤၡူ, တက့ၢ်. ဒုးဆူၣ်ထီၣ်အဂံၢ်အဘါဒီးဒုးတံးသဟီၣ်ထီၣ်အဂံၢ်အဘါတက့ၢ်. အဂ့ၢ်ဒ်အံၤ, အဝဲကဆှၢပှၤဂီၢ်မုၢ်ဆူဘးခီလၢနထံၣ်ဘၣ်အီၤန့ၣ်လီၤ.

ကလီးစဲ 4:6

သုတၢ်စံးတၢ်ကတိၤန့ၣ်, မ်အကမ့ၢ်တၢ်လၢအမုာ်ဝဲဒီးထုးန့ၢ် ပှၤအသးဒီးသုကြၢးသ့ၣ်ညါစံးဆၢက့ၤပှၤကိးဂၤဒဲးသ့သ့ ဘၣ်ဘၣ်န့ၣ်လီၤ.

ဧ့ၤဘြံၤ 12:12

စုလၢအလီၤဘှါတဖၣ်ဒီးခီၣ်လ့ၢ်ခိၣ်လၢအကနိးတဖၣ်န့ၣ်မၤ ဆူၣ်ထီၣ်အီၤတက့ၢ်.