လံာ်စီၤယိၤဘး 4:19 - Sgaw Karen Common Bible

¹⁹ နဆိကမိၢ်လၢအဝဲကနာ်န့ၢ်တၢ်ဘၣ်တ့တမံၤလၢအမ့ၢ်ဟီၣ်ခိၣ်က ပံာ်, ဒီးတၢ်တမံၤလၢအကဲထီၣ်လၢဖၣ်ဆါလၢအဘၣ်တၢ်မၤသ ဘှံးအီၤသ့ဒ်ဂၢၢ်တဖျၢၣ်အသိးန့ၣ်ဧါ.

လံာ်စီၤယိၤဘး 4:19 Iomraidhean Croise

လံာ်တၢ်ကဲထီၣ်အခီၣ်ထံး 18:27

စီၤအၤဘြၤဟၣ်စံးကဒီးဝဲ, “ယွၤဧၢ, ဝံသးစူၤပျၢ်ယၤလၢ ယကတိၤတၢ်ဒူဒူတနဲးနဲးဒီးနၤအဃိတက့ၢ်. ယမ့ၢ်ဒၣ်ပှၤကညီတဂၤဒီးတၢ်ခွဲးတၢ်ယာ်တအိၣ်ဒီးယၤနီတမံၤလၢ ယကတဲတၢ်တမံၤမံၤအဂီၢ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 2:7

ဒီးယွၤ, ကစၢ်ယွၤဟံးန့ၢ်ဟီၣ်ခိၣ်ကပံာ်တနီၤဒီး တ့လီၤပာ်လီၤပှၤကညီ လၢဟီၣ်ခိၣ်ကပံာ်အံၤန့ၣ်လီၤ. အဝဲအူသဖှိနုာ်တၢ်မူအသါဆူအနါဒ့တဖၣ်အပူၤဒီးပှၤကညီစးထီၣ်အိၣ်မူဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

လံာ်စီၤယိၤဘး 10:9

သ့ၣ်နီၣ်ထီၣ်က့ၤလၢ်လၢနတ့ယၤလၢကပံာ်ဒီးမ့ၢ်နကဒုးကဲထီၣ် ကဒီးက့ၤယၤလၢဟီၣ်ခိၣ်အကမူၣ်န့ၣ်ဧါ.

လံာ်စီၤယိၤဘး 13:12

သုတၢ်ကတိၤဒိတဖၣ်န့ၣ်တဂိာ်တသီၣ်ဘၣ်တၢ်ဒ်ဖၣ်ဆါအသိးန့ၣ်လီၤ. နတၢ်ကတိၤလိာ်ကွီၢ်တဖၣ်န့ၣ်လီၤကလဲဝဲဒ်ဟီၣ်ခိၣ်ကပံာ်အသိး န့ၣ်လီၤ.

လံာ်စီၤယိၤဘး 13:28

လၢခံကတၢၢ်န့ၣ်ဒီးယလီၤကလဲကွံာ်ဒ်သ့ၣ်လၢအကျၣ်ကွံာ်အသိး, ဒ်ဆ့ကၤလၢတၢ်အဃၣ်အီၣ်ကွံာ်အီၤအသိးန့ၣ်လီၤ.

လံာ်စီၤယိၤဘး 14:2

ပဒိၣ်ထီၣ်ဒီးဃ့ထီကွံာ်ချ့သဒံးဒ်ဖီတဖၣ်အသိးလီၤ. ပဟါမၢ်ကွံာ်ဒ်တၢ်အကဒုတဖၣ်အသိးန့ၣ်လီၤ.

လံာ်စီၤယိၤဘး 22:16

အဝဲသ့ၣ်ဘၣ်တၢ်ထုးကွံာ်စိာ်ကွံာ်အီၤသတူၢ်ကလာ်တချူးလၢ အဆၢကတီၢ်ဘၣ်ဒံးဒီးထံအီၣ်ကွံာ်အတၢ်ခီၣ်ထံးတဖၣ်န့ၣ်လီၤ.

လံာ်စီၤယိၤဘး 25:6

အန့ၣ်ဒီးပှၤကညီလၢအမ့ၢ်ထိးကလဲာ်ဒီးလၢၢ်ဧိၤဆှးဧိၤန့ၣ် ကမ့ၢ်ဝဲတၢ်ဒ်လဲၣ်. လၢကစၢ်ယွၤအမဲာ်ညါန့ၣ်ပှၤကညီကကၢ ကီၣ်ဝဲထဲလဲၣ်.

လံာ်စီၤယိၤဘး 33:6

ကွၢ်ကွၢ်, လၢကစၢ်ယွၤအမဲာ်ညါန့ၣ်, နၤဒီးယၤပမ့ၢ်တၢ်ဒ်သိး သိးလီၤ. ပဘၣ်တၢ်တ့ပှၤလၢကပံာ်ခံဂၤလိာ်လီၤ.

စံးထီၣ်ပတြၢၤ 146:4

တုၤမ့ၢ်အသးဟးထီၣ်ကွံာ်ဒီးက့ၤက့ၤဝဲဆူအဟီၣ်ခိၣ်, ဒီးအတၢ်ကူၣ်တၢ်ဖးဟးဂူာ်ဟးဂီၤကွံာ်လၢ မုၢ်တနံၤဃီဒၣ်လဲာ်န့ၣ်လီၤ.

စံးထီၣ်ပတြၢၤ 39:11

နသိၣ်ဃီၣ်ပှၤကညီအတၢ်ဒဲးဘးတဖၣ်လၢ နတၢ်သိၣ်က့ၤသီက့ၤ ဒီးတၢ်လၢအဝဲသ့ၣ်အဲၣ်ဝဲတဖၣ်န့ၣ်, နမၤဟးဂီၤကွံာ်ဒ် တၢ်အဃၢ်မၤဟးဂီၤတၢ်အသိးန့ၣ်လီၤ. ပှၤကိးဂၤဒဲးအတၢ်အိၣ်မူန့ၣ်, မ့ၢ်ဒၣ်တၢ်သါတဘီဧိၤန့ၣ်လီၤ. စ့လၤ

လံာ်ပှၤစံၣ်တဲၤတဲလီၤတၢ် 12:7

ပနီၢ်ခိတဖၣ်ကက့ၤဆူဟီၣ်ခိၣ်အကမူၣ်, ဒီးပတၢ်မူအသါက့ၤကဒါ က့ၤဆူကစၢ်ယွၤလၢအဟ့ၣ်လီၤတ့ၢ်ပှၤအအိၣ်န့ၣ်လီၤ.

၂ ကရံၣ်သူး 4:7

မ့ၢ်သနာ်က့ဒ်န့ၣ်ဒီး, ပဝဲလၢအအိၣ်ဒီးသးအတၢ်လုၢ်ဒိၣ်ပှ့ၤဒိၣ် အဝဲအံၤန့ၣ်, ပလီၤဂာ်ဒီးသပၢၤဟီၣ်ခိၣ်မုၢ်ဆ့ၣ်မုၢ်ဂီၤတဖၣ်ဒ်သိး ပကပာ်ဖျါလၢတၢ်စိကမီၤအထီကတၢၢ်န့ၣ်ဘၣ်ဃးလၢ ယွၤ, ဒီးတမ့ၢ်ပတၢ်ဘၣ်န့ၣ်လီၤ.

၂ ကရံၣ်သူး 5:1

အဂ့ၢ်ဒ်အံၤ, ပသ့ၣ်ညါပဝဲလၢဖဲပဒဲလၢပအိၣ်ပဆိးလၢ အပူၤ, ပနီၢ်ခိလၢဟီၣ်ခိၣ်ချၢအဝဲအံၤမ့ၢ်ဘၣ်တၢ်မၤလီၤ ပှီၢ်ကွံာ်အီၤန့ၣ်, ကစၢ်ယွၤကအိၣ်ဒီးဟံၣ်လၢမူခိၣ်တဖျၢၣ်လၢ ပကအိၣ်ကဆိးအဂီၢ်, ဟံၣ်တဖျၢၣ်လၢအဝဲအနီၢ်ကစၢ်ဘှီဝဲလၢအကအိၣ်ကၢအိၣ် ခိးလီၤထူလီၤယိာ်န့ၣ်လီၤ.

၁ ပ့းတရူး 1:24

ဒ်တၢ်ကွဲးအသးစံးဝဲအသိး, “ပှၤဟီၣ်ခိၣ်ဖိခဲလၢာ်မၤအသးဒ် နီၣ်ဧိၤမံၤဧိၤအသိး, ဒီးအလၤကပီၤခဲလၢာ်လီၤဂာ်ဒီး နီၣ်ဧိၤမံၤဧိၤအဖီတဖၣ်လီၤ. နီၣ်ဧိၤမံၤဧိၤဃ့ထီကွံာ်ဝဲ, ဒီးအဖီတဖၣ်လီၤဆှုကွံာ်ဝဲလီၤ.