လံာ်စီၤယိၤဘး 39:17 - Sgaw Karen Common Bible

¹⁷ အဂ့ၢ်ဒ်အံၤ, ကစၢ်ယွၤတဟ့ၣ်ဘၣ်အီၤလၢအတၢ်ကူၣ်သ့, ဒီးအတၢ်နီၤဟ့ၣ်ဘၣ်ဃးဒီးတၢ်ကူၣ်တၢ်ဆးန့ၣ်ဘၣ်.

လံာ်စီၤယိၤဘး 39:17 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 32:31

ဒီးဖဲကီၢ်ဘၤဘူၤလိၣ်အမီၣ်သီတဖၣ်ဟဲတ့ၢ်ဝဲလၢကဃုသ့ၣ်ညါတၢ် မၤအသးလီၤတိၢ်လီၤဆီလၢအကဲထီၣ်တ့ၢ်လၢထံကီၢ်အပူၤအခါဒၣ် လဲာ်န့ၣ်, ကစၢ်ယွၤပျဲစီၤဃံးစကံယၤလၢကမၤဒ်အတၢ်ဘၣ်အသးဒၣ်ဝဲဒ်သိး အကမၤကွၢ်အသကဲးပဝးအဂီၢ်ဧိၤန့ၣ်လီၤ.

လံာ်စီၤယိၤဘး 17:4

အဂ့ၢ်ဒ်အံၤ, နကးတံာ်ကွံာ်အဝဲသ့ၣ်အသးအတၢ် ကူၣ်တၢ်ဆးသတးဒီးပျဲအဝဲသ့ၣ်မၤနၢၤယၤခဲအံၤတဂ့ၤ.

လံာ်စီၤယိၤဘး 35:11

အဝဲသ့ၣ်တဃၣ်က့ၤအသးဆူကစၢ်ယွၤလၢအဒုးကူၣ်ဘၣ်ကူၣ် သ့ပှၤဒိၣ်န့ၢ်ဒံးဆၣ်ဖိကီၢ်ဖိမ့ၢ်ဂ့ၤထိၣ်ဧိၤလံာ်ဧိၤမ့ၢ်ဂ့ၤ, အအိၣ်န့ၣ်ဘၣ်.

လံာ်စီၤယိၤဘး 39:16

အဝဲမၤအသးဒ်အဒံၣ်တဖၣ်တမ့ၢ်တၢ်အသိး, ဒီးအတၢ်ထဲးဂံၢ် ထဲးဘါတဖၣ်ကဲထီၣ်တ့ၢ်တၢ်ကလီကလီဒၣ်လဲာ်တကိၢ်ဝဲဒၣ်ဘၣ်.

လံာ်စီၤယိၤဘး 39:18

ဘၣ်ဆၣ်ဒီးတုၤအထိၣ်ဂဲၤအသးဒီးဃ့ၢ်ထီၣ်ဝဲန့ၣ်, နံၤဘၣ်ဖၣ်လဲကသ့ၣ်ဒီးပှၤလၢအဒိးအီၤလီၤ.

လံာ်ယၡါယၤ 57:17

ယသူၣ်ဒိၣ်သးဖျိးအဝဲသ့ၣ်မ့ၢ်လၢအတၢ်ဒဲးဘးဒီးအတၢ်သူၣ် လီသးကွံအဃိလီၤ. လၢတၢ်န့ၣ်အဃိယစံၣ်ညီၣ်အဝဲသ့ၣ်ဒီး ဟးသဒၣ်ကွံာ်အဝဲသ့ၣ်လီၤ. အန့ၣ်ဒၣ်လဲာ်, အဝဲသ့ၣ်အခိၣ် ကိၤဒီးလဲၤဒံးဒၣ်လၢအကျဲဒၣ်ဝဲန့ၣ်လီၤ.

လံာ်သိၣ်လီၤသီလီၤတၢ် 2:30

ဘၣ်ဆၣ် စီၤပၤစံဃိၣ်တပျဲလဲၤခီဂာ်ပှၤလၢ အထံအကီၢ်ဘၣ်. ယွၤသုကစၢ်ယွၤမၤကိၤအဝဲသ့ၣ်အခိၣ်ဒီး ဒုးပူထီၣ်လီထီၣ်အီၤတၢ်, မ့ၢ်ဒ်သိးပမၤနၢၤကွံာ်အဝဲဒၣ်ဒီး ဟံးန့ၢ်ကွံာ်အလီၢ်ကဝီၤလၢပမၤ န့ၢ်ပာ်စၢၤအီၤခဲအံၤကသ့ဝဲန့ၣ်လီၤ.

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.