လံာ်စီၤယိၤဘး 37:6 - Sgaw Karen Common Bible

⁶ ကစၢ်ယွၤမၤလိာ်မူခိၣ်ဖီလၢကလီၤဝဲဆူဟီၣ်ခိၣ်လိၤ, ဒီးဒုးဟဲစူၤလီၤတၢ်ဆူၣ်ဆူၣ်ကလဲာ်လီၤ.

လံာ်စီၤယိၤဘး 37:6 Iomraidhean Croise

လံာ်စီၤဧ့စြၤ 10:13

ဘၣ်ဆၣ်အဝဲသ့ၣ်စံးအါထီၣ်ကဒီးဝဲ, “ပှၤဂီၢ်မုၢ်အံၤအါကဲာ် ဆိးဒီးတၢ်စူၤဆူၣ်ဒိၣ်မးလီၤ. ပဆၢထၢၣ်ဖဲအံၤလၢတၢ်ပျီပူၤဒ်သိးအံၤတကဲဘၣ်. တၢ်အံၤတမ့ၢ်တၢ်တမံၤလၢအဘၣ်တၢ်မၤအီၤလၢတသီခံသီအတီၢ်ပူၤ သ့ဝဲဘၣ်. အဂ့ၢ်ဒ်အံၤ, ပဝဲဒၣ်အါဂၤပအိၣ်ဃါဃုာ်လၢတၢ်ဒဲးဘးအံၤအပူၤ န့ၣ်လီၤ.

လံာ်စီၤဧ့စြၤ 10:9

လၢသၢသီအတီၢ်ပူၤ, ဖဲလါခွံလါတလါထီၣ်အသီခံဆံန့ၣ်, ကယဲၢ်ပှၤပိာ်ခွါခဲလၢာ်လၢအအိၣ်ဆိးဝဲလၢယူဒၤဒီးဘံၣ်ယၤ မံၣ်အဒူၣ်အလီၢ်ကဝီၤပူၤန့ၣ်ဟဲဆူဝ့ၢ်ယရူၤၡလ့ၣ်ဒီးပာ်ဖှိၣ် ထီၣ်အသးဖဲတၢ်လုၢ်ဟံၣ်အဂၢၤပူၤန့ၣ်လီၤ. တၢ်ဟဲစူၤဖးဒိၣ်, ဒီးမ့ၢ်လၢမူခိၣ်ကလံၤသီၣ်ဂီၤဒီးတၢ်အိၣ်ဖှိၣ်ရိဖှိၣ်အတၢ် ကါဒိၣ်အဃိ, ပှၤကိးဂၤဒဲးကနိးကစုာ်ဝဲဒၣ်န့ၣ်လီၤ.

လံာ်စီၤယိၤဘး 28:26

တုၤအပာ်တၢ်မၤလိာ်လၢတၢ်ဟဲစူၤအဂီၢ်, ဒီးကျဲလၢလီဝၢ် ဒံးအဂီၢ်ဒီး,

လံာ်စီၤယိၤဘး 36:27

အဂ့ၢ်ဒ်အံၤ, ပှၤလၢအထုးထီၣ်ထံလၢဟီၣ်ခိၣ်ချၢဒီးဒုးစူၤ လီၤကဒါက့ၤဝဲဒ်တၢ်စူၤထံအသိးန့ၣ်မ့ၢ်ကစၢ်ယွၤလီၤ.

လံာ်စီၤယိၤဘး 38:22

မ့ၢ်နလဲၤတုၤဘၣ်တ့ၢ်လံဆူတၢ်လီၢ်ဖဲယပၢၤဃးမူခိၣ်ဖီဒီးသူၣ် စ့ၢ်ကီးဧါ.

လံာ်စီၤယိၤဘး 5:10

ကစၢ်ယွၤဒုးဟဲစူၤလီၤတၢ်လၢဟီၣ်ခိၣ်ချၢဒီးဒုးဘၣ်စီၣ်ပျီ တဖၣ်န့ၣ်လီၤ.

စံးထီၣ်ပတြၢၤ 148:8

လီဝၢ်ဒံးဒီးသူၣ်, မူခိၣ်ဖီဒီးတၢ်အၢၣ်တဖၣ်, ကလံၤမုၢ်ဆူၣ်လၢအမၤလၢပှဲၤအတၢ်မၤလိာ်ဧၢ,

တၢ်ကတိၤဒိ. 28:3

ပှၤပၢတၢ်တဂၤလၢအမၤနးမၤဖှီၣ်ပှၤဖှီၣ်ဖိယာ်ဖိန့ၣ်, မၤအသးဒ်တၢ်ဟဲစူၤလီၤဆူၣ်ဆူၣ်လၢအမၤဟးဂီၤကွံာ် တၢ်မုၢ်တၢ်ဘိတၤသူတၤသၣ်တဖၣ်န့ၣ်လီၤ.

လံာ်ယဃ့းစက့လး 13:11

တဲဘၣ်ဝံတဖၣ်လၢအဝဲသ့ၣ်အတၢ်ဒူၣ်ကလီၤပှီၢ်ဝဲတက့ၢ်. ယကမၢလီၤတၢ်စူၤထံဂၢ်လီၤအသးလီၤ. သူၣ်ဖးဒိၣ်တဖၣ်ကလီၤဘၢ အဖီခိၣ်, ဒီးကလံၤမုၢ်ဆူၣ်ကအူတၢ်ထီဒါအီၤလီၤ.

လံာ်ယဃ့းစက့လး 13:13

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲလီၤ. “လၢယတၢ်သးထီၣ်အပူၤန့ၣ်ယကမၢလီၤကလံၤမုၢ်ဆူၣ်, တၢ်စူၤလီၤလီၤသလၢ်, ဒီးသူၣ်ဖးဒိၣ်တဖၣ်လၢကမၤဟးဂီၤတၢ်ဒူၣ် အဂီၢ်န့ၣ်လီၤ.

လံာ်ဧၤမိၣ် 9:6

ယွၤသူၣ်ထီၣ်အဒၢးထီၣ်ထီတဖၣ်လၢမူခိၣ်အလီၢ်တဖၣ်, ဒီးကျၢၢ်လီၤဝဲမူခိၣ်ဒ်တၢ်အခိၣ်ဒုးလၢဟီၣ်ခိၣ်အဖီခိၣ်လီၤ. အဝဲကိးထီၣ်ထံလၢပီၣ်လဲၣ်ပူၤဒီးလူလီၤဝဲလၢဟီၣ်ခိၣ်လိၤ န့ၣ်လီၤ. အမံၤမ့ၢ်ယွၤလီၤ.