လံာ်စီၤယိၤဘး 37:5 - Sgaw Karen Common Bible

⁵ ဖဲကစၢ်ယွၤဟ့ၣ်လီၤအကလုၢ်န့ၣ်တၢ်လီၤလးသ့ၣ်တဖၣ်မၤ အသး, တၢ်လီၤကမၢကမၣ်လၢပနၢ်ပၢၢ်အီၤတသ့သ့ၣ်တဖၣ်န့ၣ်လီၤ.

လံာ်စီၤယိၤဘး 37:5 Iomraidhean Croise

လံာ်စီၤယိၤဘး 11:7

မ့ၢ်နဃုထံၣ်သ့ၣ်ညါသ့တၢ်လၢာ်ကစၢ်ယွၤအတၢ်ဒိၣ်ဝဲထီဝဲ ဒီးအစိအကမီၤဘၣ်ကသ့ဧါ.

လံာ်စီၤယိၤဘး 26:14

ဘၣ်ဆၣ်တၢ်အံၤမ့ၢ်ဒၣ်ထဲတၢ်တဲတရူာ်အတၢ်စိတၢ်ကမီၤတဒိၣ် တဆံးဧိၤ, မ့ၢ်ဒၣ်ထဲတၢ်ကတိၤကသွံဒံလၢပနၢ်ဟူတ့ၢ်လံန့ၣ်လီၤ. ကစၢ်ယွၤဒိၣ်ဝဲနီၢ်နီၢ်ထဲလဲၣ်န့ၣ်မ့ၢ်မတၤသ့ၣ်ညါကသ့ဝဲတဂၤလဲၣ်.

လံာ်စီၤယိၤဘး 36:26

ကွၢ်ကွၢ်, ကစၢ်ယွၤမ့ၢ်တၢ်အဒိၣ်အထီ, ဒီးပတသ့ၣ်ညါ ဘၣ်အီၤဘၣ်. ဒီးပဃုကွၢ်အနံၣ်အလါအတၢ်ဂံၢ်တသ့ဘၣ်.

လံာ်စီၤယိၤဘး 37:14

စီၤယိၤဘးဧၢ, ဆိကတီၢ်တစိၢ်ဖိဒီးကနၣ်တက့ၢ်. ဒီးဆိကမိၣ်ထီၣ်တၢ်လီၤလးတဖၣ်လၢကစၢ်ယွၤမၤဝဲဒၣ်န့ၣ်တက့ၢ်.

လံာ်စီၤယိၤဘး 37:16

ကစၢ်ယွၤအတၢ်သ့တၢ်ဘၣ်လီၤလိၢ်လီၤလးလၢအဒုးဟဲထီၣ် တၢ်အၢၣ်လၢမူခိၣ်န့ၣ်မ့ၢ်နသ့ၣ်ညါကစီဒီဧါ.

လံာ်စီၤယိၤဘး 37:2

သုဝဲခဲလၢာ်ဒိကနၣ်ကစၢ်ယွၤအကလုၢ်, အထးခိၣ်အကလုၢ်လၢအဟဲလၢလီအသီၣ်န့ၣ်တက့ၢ်.

လံာ်စီၤယိၤဘး 37:4

အန့ၣ်တစုကစၢ်ယွၤအကလုၢ်သီၣ်လီၤကညီၢ်န့ၣ်ဟူထီၣ်ဒ် လီသီၣ်ထီၣ်ကဟုကညီၢ်အသိး, ဒီးအကတီၢ်ဖဲန့ၣ်လီဝၢ် အဒံးတထံၣ်ဃီလီၤ.

လံာ်စီၤယိၤဘး 40:9

နဂံၢ်နဘါကဆူၣ်ဒ်ယၤအသိးဧါ. နမၤသီၣ်နကလုၢ်လီၤဂာ်ဒီး ယၤဒီးလီသီၣ်ဖးဒိၣ်အသိးသ့ဧါ.

လံာ်စီၤယိၤဘး 5:9

တၢ်မၤအဒိၣ်အမုၢ်လၢကစၢ်ယွၤမၤဝဲတဖၣ်န့ၣ်ပသ့ၣ်ညါနၢ်ပၢၢ် အီၤတသ့ဘၣ်. ဒီးအတၢ်လီၤလိၢ်လီၤလးတဖၣ်န့ၣ်တၢ်ဂံၢ်အီၤ တလၢာ်ဘၣ်.

လံာ်စီၤယိၤဘး 9:10

အဝဲမၤတၢ်ဒိၣ်တၢ်ထီလၢပှၤကနၢ်ပၢၢ်အီၤတသ့ဒီးတၢ်လီၤ လးတဖၣ်လၢပှၤကဂံၢ်အီၤတသ့ဘၣ်ဒၣ်လဲာ်န့ၣ်လီၤ.

စံးထီၣ်ပတြၢၤ 18:14

အဝဲခးအပျၢ်တဖၣ်ဒီးမၤလီၤပြံလီၤပြါ အဒုၣ်အဒါတဖၣ်, ဒုးဃ့ၢ်ကွံာ်အဝဲသ့ၣ်လၢ အတၢ်မၤကပြ့ၢ်ထီၣ်လီဝၢ်ဒံးန့ၣ်လီၤ.

စံးထီၣ်ပတြၢၤ 29:3

ယွၤအကလုၢ်ဘၣ်တၢ်နၢ်ဟူအီၤလၢပီၣ်လဲၣ်အဖီခိၣ်, တၢ်လၤကပီၤအကစၢ်မၤသီၣ်ထီၣ်အကလုၢ်ဒ် လီသီၣ်အသိး ဒီးအကလုၢ်သီၣ်ကဒါက့ၤလၢ ပီၣ်လဲၣ်မိၢ်ပှၢ်အဖီခိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 3:11

အဝဲပာ်လီၤတၢ်အကတီၢ်အဘၣ်လၢတၢ်ကိးမံၤဒဲးအဂီၢ်လီၤ. အဝဲဟ့ၣ်ပှၤတၢ်သးအိၣ်သ့ၣ်ညါတၢ်လၢအကမၤအသး, ဘၣ်ဆၣ်တၢ်လၢအမၤဝဲန့ၣ်, တဟ့ၣ်ပှၤတၢ်သးမံဒီးတၢ်နၢ်ပၢၢ်အလၢ အပှဲၤနီတစုဘၣ်.

လံာ်ယၡါယၤ 40:28

မ့ၢ်နတသ့ၣ်ညါဘၣ်ဧါ. မ့ၢ်နတနၢ်ဟူတ့ၢ်ဘၣ်ဧါ. ယွၤမ့ၢ်ကစၢ်ယွၤအထူအယိာ်ဒီးတ့လီၤပာ်လီၤဟီၣ်ခိၣ်ခဲလၢာ် လီၤ. အဝဲတလီၤဘှံးလီၤတီၤဘၣ်ဒီးအသးတလီၤစၢ်လီၤဘှါနီတစုဘၣ်. အတၢ်ဆိကမိၣ်တဖၣ်န့ၣ်ပှၤတနၢ်ပၢၢ်အီၤနီတဂၤဘၣ်.

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.

လံာ်လီၣ်ဖျါ 15:3

ဒီးသးဝံၣ်ယွၤအခ့အပှၤ, စီၤမိၤၡ့အတၢ်သးဝံၣ်, ဒီးသိဖိ အတၢ်သးဝံၣ်ဒီးစံးဝဲ, “သ့တၢ်လၢာ်ကစၢ်ယွၤဧၢ, နတၢ်ဖံးတၢ်မၤတဖၣ်ဒိၣ်ဝဲသွါဝဲ, ဒီးလီၤလိၢ်လီၤလးမးလဲၣ်. ထံဧိၤကီၢ်ဧိၤတဖၣ်အစီၤပၤဧၢ, နကျဲဧိၤကပူၤဧိၤတဖၣ်လိၤဝဲဘၣ်ဝဲ, ဒီးမ့ၢ်ဝဲတီဝဲဆံးဒိၣ်လဲၣ်.