လံာ်စီၤယိၤဘး 37:16 - Sgaw Karen Common Bible

¹⁶ ကစၢ်ယွၤအတၢ်သ့တၢ်ဘၣ်လီၤလိၢ်လီၤလးလၢအဒုးဟဲထီၣ် တၢ်အၢၣ်လၢမူခိၣ်န့ၣ်မ့ၢ်နသ့ၣ်ညါကစီဒီဧါ.

လံာ်စီၤယိၤဘး 37:16 Iomraidhean Croise

လံာ်စီၤယိၤဘး 36:4

တၢ်လၢယစံးဘၣ်နၤန့ၣ်တမ့ၢ်တၢ်ကဘျံးကဘျၣ်ဘၣ်နီ တမံၤဘၣ်. နထံၣ်ဘၣ်ပှၤကူၣ်သ့နီၢ်နီၢ်တဂၤလၢနမဲာ်ညါလီၤ.

လံာ်ယၡါယၤ 40:22

တၢ်န့ၣ်ဘၣ်တၢ်ဒုးကဲထီၣ်အီၤလၢပှၤတဂၤလၢအဆ့ၣ်နီၤလၢအလီၢ် ပစိာ်အဖီခိၣ်, လၢဟီၣ်ခိၣ်အဖီခိၣ်ဒီးပျံကွံာ်မူခိၣ်န့ၣ်လီၤ. ပှၤလၢလာ်တဖၣ်ဖျါဆံးဒ်တၢၢ်ဧိၤတြၤဧိၤအသိးန့ၣ်လီၤ. အဝဲသလၣ်လီၤမူခိၣ်ဒ်ယၣ်ဘျးသဒၢအသိးလီၤဂာ်ဒ်ဒဲလၢတၢ်ကအိၣ် လၢအပူၤအဂီၢ်အသိးန့ၣ်လီၤ.

စံးထီၣ်ပတြၢၤ 147:5

ပယွၤန့ၣ်ဒိၣ်ဝဲ, ဒီးအစိအကမီၤအိၣ်အါမးလီၤ. အတၢ်ကူၣ်သ့ကူၣ်ဘၣ်န့ၣ်တၢ်ထိၣ်အီၤတဲာ်အီၤ တသ့ဘၣ်.

စံးထီၣ်ပတြၢၤ 104:24

ယွၤဧၢ, နမၤတၢ်အါမံၤလီၤ. နမၤတၢ်ခဲလၢာ်န့ၣ် ပှဲၤမးဒီး တၢ်ကူၣ်သ့မးလဲၣ်. ဟီၣ်ခိၣ်ပှဲၤဝဲဒီး နတၢ်ဘၣ်တ့တဖၣ်လီၤ.

လံာ်စီၤယိၤဘး 36:29

တၢ်အၢၣ်တဖၣ်သုးအလီၢ်ဒ်လဲၣ်မ့ၢ်ဂ့ၤ, လီသီၣ်လၢမူကပိာ် လိၤဖဲကစၢ်ယွၤအိၣ်ဝဲအလီၢ်ဒ်လဲၣ်မ့ၢ်ဂ့ၤပှၤတသ့ၣ်ညါဘၣ် နီတဂၤဘၣ်.

လံာ်စီၤယိၤဘး 26:8

ကစၢ်ယွၤမ့ၢ်ပှၤလၢအမၤပှဲၤတၢ်အၢၣ်လၢထံဒီးပၢၤဃးဝဲဒ် သိးအသုတပိၢ်ဖးကွံာ်လၢအတယၢၢ်အဃိအဂီၢ်န့ၣ်လီၤ.

လံာ်စီၤယိၤဘး 5:9

တၢ်မၤအဒိၣ်အမုၢ်လၢကစၢ်ယွၤမၤဝဲတဖၣ်န့ၣ်ပသ့ၣ်ညါနၢ်ပၢၢ် အီၤတသ့ဘၣ်. ဒီးအတၢ်လီၤလိၢ်လီၤလးတဖၣ်န့ၣ်တၢ်ဂံၢ်အီၤ တလၢာ်ဘၣ်.

လံာ်စီၤယိၤဘး 37:5

ဖဲကစၢ်ယွၤဟ့ၣ်လီၤအကလုၢ်န့ၣ်တၢ်လီၤလးသ့ၣ်တဖၣ်မၤ အသး, တၢ်လီၤကမၢကမၣ်လၢပနၢ်ပၢၢ်အီၤတသ့သ့ၣ်တဖၣ်န့ၣ်လီၤ.

လံာ်စီၤယိၤဘး 37:14

စီၤယိၤဘးဧၢ, ဆိကတီၢ်တစိၢ်ဖိဒီးကနၣ်တက့ၢ်. ဒီးဆိကမိၣ်ထီၣ်တၢ်လီၤလးတဖၣ်လၢကစၢ်ယွၤမၤဝဲဒၣ်န့ၣ်တက့ၢ်.

လံာ်စီၤယိၤဘး 37:15

မ့ၢ်နသ့ၣ်ညါလၢကစၢ်ယွၤဟ့ၣ်လီၤအကလုၢ်ဒီးဒုးဆဲးကပြုၢ် လီဝၢ်ဒံးလၢတၢ်အၢၣ်တဖၣ်န့ၣ်ဧါ.

လံာ်စီၤယိၤဘး 37:17

နတသ့ၣ်ညါဘၣ်. နကကလၢၢ်ဘၣ်ထဲဒၣ်, တုၤကလံၤကိၢ်လၢကလံၤထံးဟဲအူဘၣ်နၤဒီးနတၢ် ကူတၢ်သိးတဖၣ်တဒုးတူၢ်ဘၣ်နၤလၢတၢ်ကိၢ် တၢ်ကဲၤဘၣ်န့ၣ်လီၤ.

စံးထီၣ်ပတြၢၤ 78:4

ပတပာ်တဒၢတၢ်သ့ၣ်တဖၣ်န့ၣ်လၢပဖိတဖၣ်ဘၣ်. ပကတဲဘၣ်ပှၤလၢခံတစိၤ လၢယွၤအတၢ်မၤအဒိၣ်အမုၢ်တဖၣ် ဒီးအစိအကမီၤ, ဒီးအတၢ်မၤလီၤလးတဖၣ်လၢအမၤတ့ၢ်ဝဲန့ၣ်လီၤ.