လံာ်စီၤယိၤဘး 36:8 - Sgaw Karen Common Bible

⁸ ဘၣ်ဆၣ်ဒီးပှၤကညီမ့ၢ်ဘၣ်တၢ်စၢဃံးအီၤလၢတၢ်နးတၢ် ဖှီၣ်အပျံၤတဖၣ်ဒီး,

လံာ်စီၤယိၤဘး 36:8 Iomraidhean Croise

လံာ်စီၤယိၤဘး 13:27

နကျီၤဃာ်ယခီၣ်လၢသိးဧိၤကျိၤဧိၤအပူၤဒီးနကွၢ်ယခီၣ်ခါလၢ ယကါထီၣ်ကိးခါဒဲးဒီးနဃုသ့ၣ်ညါယခီၣ်လီၢ်တဖၣ်ဒၣ်လဲာ်န့ၣ် လီၤ.

လံာ်စီၤယိၤဘး 19:6

မ့ၢ်သုတထံၣ်လၢကစၢ်ယွၤမၤတ့ၢ်တၢ်အံၤန့ၣ်ဘၣ်ဧါ. အဝဲပာ်လီၤပျံၤသကွီၤလၢကဖီၣ်န့ၢ်ယၤလီၤ.

လံာ်စီၤယိၤဘး 36:15

ဘၣ်ဆၣ်ဒီးကစၢ်ယွၤသိၣ်လိပှၤကညီခီဖျိတၢ်ဘၣ်နးဘၣ်ဖှီၣ်ဒီး သူဝဲတၢ်ကိၢ်တၢ်ဂီၤလၢ ကအိးထီၣ်အဝဲသ့ၣ် အမဲာ်ချံအဂီၢ်န့ၣ်လီၤ.

လံာ်စီၤယိၤဘး 36:21

ပလီၢ်နသးဒ်သိးနသုတဃၣ်နသးဆူတၢ်အၢတၢ်သီတဂ့ၤ. တၢ်ဟ့ၣ်လီၤနၤလၢတၢ်တူၢ်ဘၣ်ခီၣ်ဘၣ်ဒ်သိးကမၤပူၤဖျဲး နၤလၢတၢ်န့ၣ်လီၤ.

စံးထီၣ်ပတြၢၤ 107:10

ပှၤတနီၤဆ့ၣ်နီၤဝဲလၢတၢ်ခံးတၢ်နၤ ဒီးတၢ်သူၣ်အုးသးအုးအပူၤ, ဒီးပှၤလၢတၢ်စၢဃာ်အီၤတဖၣ် တူၢ်ဘၣ်တၢ်နးတၢ်ဖှီၣ်လၢထးဧိၤတြၤဧိၤလီၤ.

စံးထီၣ်ပတြၢၤ 116:3

တၢ်သံအတၢ်ပျံၤတၢ်ဖုးအိၣ်ဝးတရံးယၤ, တၢ်သွၣ်ခိၣ်အတၢ်လီၤပျံၤလီၤဖုး အိၣ်ဘူးဒီးယၤန့ၣ်လီၤ. ယပှဲၤလုာ်ကွံာ်ဒီးတၢ်ပျံၤတၢ်ဖုး ဒီးတၢ်ဘၣ်ယိၣ်ဘၣ်ဘီန့ၣ်လီၤ.

စံးထီၣ်ပတြၢၤ 119:61

ပှၤတတီတလိၤအပျံၤသကွီၤဘၣ်တၢ်ပာ်လီၤအီၤ လၢကဖီၣ်န့ၢ်ယၤဒၣ်လဲာ်, ယတသးပ့ၤနီၣ်ဘၣ်နတၢ်သိၣ်တၢ်သီဘၣ်.

စံးထီၣ်ပတြၢၤ 149:8

ဒ်သိးအကစၢဃာ်အစီၤပၤတဖၣ်လၢထးသွဲတဖၣ် ဒီးအခိၣ်တဖၣ်လၢပျံၤထး,

စံးထီၣ်ပတြၢၤ 18:5

တၢ်သံအပျံၤတဖၣ်ဘံဘူယၤ ဒီးတၢ်သွၣ်ခိၣ်ပာ်လီၤပျံၤသကွီၤလၢယဂီၢ်လီၤ.

တၢ်ကတိၤဒိ. 5:22

ပှၤတတီတလိၤတဂၤအတၢ်ဒဲးဘးတဖၣ်မ့ၢ်ထုတခါဒီးအဝဲဘၣ်တၢ်ဖီၣ် န့ၢ်အီၤလၢအတၢ်ဒဲးဘးဒၣ်ဝဲအပျံၤသကွီၤန့ၣ်လီၤ.

လံာ်သးသယုၢ်တၢ် 3:9

ယလဲၤတၢ်ကနူၤကဆဲဖဲယဟး, ဒီးလၢၢ်တၢ်ဒူၣ်တဖၣ်အိၣ်တံာ်တၢၤ ယကျဲဖဲယဃၣ်ယသးတပူၤလၢ်လၢ်လီၤ.