လံာ်စီၤယိၤဘး 36:4 - Sgaw Karen Common Bible

⁴ တၢ်လၢယစံးဘၣ်နၤန့ၣ်တမ့ၢ်တၢ်ကဘျံးကဘျၣ်ဘၣ်နီ တမံၤဘၣ်. နထံၣ်ဘၣ်ပှၤကူၣ်သ့နီၢ်နီၢ်တဂၤလၢနမဲာ်ညါလီၤ.

လံာ်စီၤယိၤဘး 36:4 Iomraidhean Croise

လံာ်စီၤယိၤဘး 13:4

သုတၢ်တနူၤပၢၢ်နၢ်ဘှါန့ၣ်သုမၤဘံၣ်မၤဘၢအီၤလၢတၢ်ကဘျံး ကဘျၣ်လီၤ. သုလီၤဂာ်ဒီးကသံၣ်သရၣ်တဖၣ်လၢအတဂိာ်တသီၣ် ဘၣ်တၢ်န့ၣ်လီၤ.

လံာ်စီၤယိၤဘး 13:7

ဘၣ်မနုၤလၢသုကတိၤကဘျံးကဘျၣ်တၢ်န့ၣ်လဲၣ်. မ့ၢ်သုဆိကမိၣ် လၢသုတၢ်လီတၢ်ဝ့ၤတဖၣ်န့ၣ်ကမၤဘျူးမၤဖှိၣ်ကစၢ်ယွၤစ့ၢ်ကီးဧါ.

လံာ်စီၤယိၤဘး 21:27

ကွၢ်ကွၢ်, ယသ့ၣ်ညါသုတၢ်ဆိကမိၣ်, ဒီးတၢ်လၢသုကူၣ်ထီၣ် တၢ်တတီတလိၤထီဒါယၤလီၤ.

လံာ်စီၤယိၤဘး 21:34

ဒီးသုဝဲသ့ၣ်, သုကျဲးစၢးမၤမုာ်ယၤ လၢတၢ်ကတိၤကလီကလီလီၤ. တၢ်စံးဆၢကိးထံၣ်လၢ သုဟ့ၣ် ထီၣ်မ့ၢ်တၢ်လီတၢ်ဝ့ၤလီၤ.

လံာ်စီၤယိၤဘး 33:3

ယတၢ်ကတိၤတဖၣ်ပာ်ဖျါယသးအတၢ်တီတၢ်လိၤ, ဒီးယပျူၤကတိၤတၢ်မ့ၢ်တၢ်တီနီၢ်နီၢ်လီၤ.

လံာ်စီၤယိၤဘး 37:16

ကစၢ်ယွၤအတၢ်သ့တၢ်ဘၣ်လီၤလိၢ်လီၤလးလၢအဒုးဟဲထီၣ် တၢ်အၢၣ်လၢမူခိၣ်န့ၣ်မ့ၢ်နသ့ၣ်ညါကစီဒီဧါ.

လံာ်စီၤယိၤဘး 6:28

ကွၢ်ယမဲာ်ထံထံဆးဆးတက့ၢ်. ယတလီတၢ်ဘၣ်.

စံးထီၣ်ပတြၢၤ 49:3

ယထးခိၣ်ကစံးကတိၤတၢ်ကူၣ်သ့, ယသးအတၢ်ဆိကမိၣ်ကဘၣ်တၢ်နၢ်ပၢၢ်အီၤလီၤ.

လံာ်လူၤကၣ် 1:3

ဒီးလၢတၢ်န့ၣ်အဃိတၢ်ဒိၣ်ဧၢ, ဒ်ယဃုသ့ၣ်ညါနၢ်ပၢၢ်တ့ၢ်လံယဲ ဘၣ်ဃးတၢ်ဂ့ၢ်သ့ၣ်တဖၣ်အံၤခဲလၢာ်ခဲဆ့စးထီၣ်လၢအခီၣ်ထံး အသိး, ယဆိကမိၣ်ယမ့ၢ်ကွဲးလီၤတၢ်ဂ့ၢ်တမံၤအံၤလၢအဂ့ၢ်အဝီ ဒ်သိးနကဖးဘၣ်နဲအဂီၢ်ဒီး, ကမ့ၢ်တၢ်လၢအဂ့ၤလီၤ.

မၤတၢ် 24:22

တုၤနုၤတစုစီၤဖ့လံးလၢအသ့ၣ်ညါတ့ၢ်ကစၢ်အကျဲအဂ့ၢ် ဂ့ၤဂ့ၤတဂၤန့ၣ်, ဆိကတီၢ်ကွံာ်တၢ်သမံသမိးတၢ်ဒီးစံးဝဲ, “ယကစံၣ်ညီၣ်သုတၢ်ဂ့ၢ်တၢ်ကျိၤတမံၤအံၤဖဲပှၤသုးဖိ တကထိအခိၣ်စီၤလူၤစံဟဲတုၤဝဲန့ၣ်လီၤ.”

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

၂ ကရံၣ်သူး 2:17

ပတလီၤဂာ်ပဝဲဒီးပှၤအဂၤအါဒံအါဂၤလၢအဟံးဃာ် ကစၢ်ယွၤအတၢ်ကစီၣ်, လီၤဂာ်မးဒ်အမ့ၢ်တၢ်ပနံာ်တၢ်ကၤလၢအပှ့ၤဘၣ်တကလုာ် အသိးန့ၣ်ဘၣ်. မ့မ့ၢ်, ကစၢ်ယွၤဆှၢလီၤပှၤအဃိပစံးကတိၤ တၢ်လၢအဝဲဒၣ်အမဲာ်ညါအိၣ်ဒီးတၢ်ပာ်ပသးသပှၢ်ပှၢ်ဒ်ခရံာ် အခ့အပှၤတဖၣ်အသိးန့ၣ်လီၤ.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.