လံာ်စီၤယိၤဘး 36:3 - Sgaw Karen Common Bible

³ ယတၢ်သ့ၣ်ညါနၢ်ပၢၢ်အါဝဲလီၤ. ယကတဲသုတၢ်လၢယသ့ၣ်ညါ, ဒ်သိးယကပာ်ဖျါထီၣ်ကစၢ်ယွၤ, ပှၤလၢအတ့လီၤယၤန့ၣ်တီဝဲလိၤဝဲလီၤ.

လံာ်စီၤယိၤဘး 36:3 Iomraidhean Croise

လံာ်စီၤယိၤဘး 32:2

ဘၣ်ဆၣ်ဒီးပှၤဘူစးဖိဘၣ်ဃးဒီးစီၤရၣ်အဒူၣ်ဖိထၢဖိစီၤဘၤ ရက့လးအဖိခွါစီၤအလံဟူၤလၢအဆၢထၢၣ်ဖဲ တၢ်ကပၤန့ၣ် ပၢၤဃာ်အသးတန့ၢ်လၢၤဘၣ်. အဝဲအသးထီၣ်စီၤယိၤဘးမ့ၢ်လၢစီၤယိၤဘးပာ်တီပာ်လိၤအသး ဒိၣ်န့ၢ်ကစၢ်ယွၤအဃိန့ၣ်လီၤ.

လံာ်စီၤယိၤဘး 32:8

ဘၣ်ဆၣ်တၢ်အံၤမ့ၢ်ယွၤသ့တၢ်လၢာ်ကစၢ်အသးလၢအဟဲ ဆူပှၤကညီတဖၣ်အအိၣ်ဒီးဟ့ၣ်အီၤလၢတၢ်ကူၣ်သ့န့ၣ်လီၤ.

လံာ်စီၤယိၤဘး 34:5

စီၤယိၤဘးစံးဝဲဒၣ်လၢအမ့ၢ်ပှၤလၢတၢ်ပာ်တၢ်ကမၣ်လၢ အလိၤအလီၢ်တအိၣ်ဘၣ်လၢအမ့ၢ်ပှၤလၢကစၢ်ယွၤဂ့ၢ်လိာ်လၢ ကဟ့ၣ်အီၤတၢ်စံၣ်ညီၣ်တီန့ၣ်လီၤ.

လံာ်စီၤယိၤဘး 37:23

ကစၢ်ယွၤအစိအကမီၤန့ၣ်ဒိၣ်ဝဲတုၤဒၣ်လဲာ်ပဟဲဘူးဒီးအီၤ တန့ၢ်ဘၣ်. အဝဲတီဝဲလိၤဝဲဒီးစံၣ်ညီၣ်တၢ်တီလၢအတၢ်ဘၣ် ထွဲဒီးပှၤကညီန့ၣ်လီၤ.

လံာ်စီၤယိၤဘး 4:17

“ပှၤကညီလၢအသံသ့န့ၣ်ကတီကလိၤဝဲလၢကစၢ်ယွၤအမဲာ်ညါ ဘၣ်ကသ့ဧါ. ပှၤကညီကကဆှီဝဲလၢပှၤလၢအတ့လီၤအီၤ အမဲာ်ညါဘၣ်ကသ့ဧါ.”

လံာ်စီၤယိၤဘး 8:3

ယွၤသ့တၢ်လၢာ်ကစၢ်တမၤဒၢက့ၣ်ဒၢကူတၢ်စံၣ်ညီၣ်တီနီ တဘျီဘၣ်. အဝဲတလီၤတိၢ်နီတဘျီလၢကမၤတၢ်အဘၣ်အဂီၢ်န့ၣ်ဘၣ်.

စံးထီၣ်ပတြၢၤ 11:7

အဂ့ၢ်ဒ်အံၤ, ယွၤန့ၣ်တီဝဲလိၤဝဲ ဒီးအဲၣ်တၢ်တီတၢ်လိၤအတၢ်မၤတဖၣ် ဒီးပှၤအသူၣ်လိၤအသးဘျၢတဖၣ်န့ၣ် ကထံၣ်ဘၣ်ယွၤအမဲာ်လီၤ.

စံးထီၣ်ပတြၢၤ 145:17

ယွၤန့ၣ်တီဝဲလိၤဝဲလၢအတၢ်မၤခဲလၢာ်အပူၤ ဒီးအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

လံာ်ယံးရမံယၤ 12:1

ယွၤဧၢ, ယမ့ၢ်လိာ်ကွီၢ်ယတၢ်ဂ့ၢ်ဒီးနၤဒီး, နကဒုးနဲၣ်ဖျါလၢနတၢ်မ့ၢ်ဝဲတီဝဲန့ၣ်လီၤ. သနာ်က့, ယဘၣ်သံကွၢ်နၤတၢ်ဂ့ၢ် တၢ်ကျိၤတဖၣ်လၢအဘၣ်ဃးဒီးတၢ်စံၣ်ညီၣ်န့ၣ်လီၤ. ဘၣ်မနုၤအဃိပှၤအၢပှၤသီတဖၣ်ဘီၣ်ထီၣ်ညီထီၣ်ဝဲ နးမးန့ၣ်လဲၣ်. ဘၣ်မနုၤအဃိပှၤတတီတလိၤတဖၣ် မၤတၢ်ကဲထီၣ်လိၣ်ထီၣ်ဝဲန့ၣ်လဲၣ်.

လံာ်ဒၤနံးယ့လး 9:14

အိယွၤ, ပကစၢ်ယွၤဧၢ, နအိၣ်ကတဲာ်ကတီၤတ့ၢ်နသးလၢတၢ်စံၣ် ညီၣ်ပှၤအဂီၢ်ဒီးနမၤတ့ၢ်အီၤလီၤ. အဂ့ၢ်ဒ်အံၤနမၤတၢ်အဘၣ် တဘိယူၢ်ဃီဒီးပတဒိကနၣ်တ့ၢ်ဘၣ်နၤဘၣ်.

လံာ်ဒၤနံးယ့လး 9:7

နဲဒၣ်, ယွၤဧၢ, နမၤတၢ်အဘၣ်တဘိယူၢ်ဃီ, ဘၣ်ဆၣ်ဒီးပဒုးလီၤဘၣ်တၢ်မဲာ်ဆှးလၢပဖီခိၣ်ဒၣ်ပဝဲတဘိယူၢ်ဃီလီၤ. တၢ်အံၤတီဒီးပဝဲကိးဂၤဒဲးလၢအအိၣ်လၢကီၢ်ယူဒၤဒီးဝ့ၢ်ယရူၤ ၡလ့ၣ်အပူၤ, ဒီးကယဲၢ်ပှၤအံၣ်စရ့လးဖိခဲလၢာ်လၢနမၤလီၤ ပြံလီၤပြါအီၤဆူထံကီၢ်အဘူးအယံၤတဖၣ်အဂီၢ်လၢအဝဲသ့ၣ် တတီဘၣ်ဒီးနၤအဃိန့ၣ်လီၤ.

လံာ်မးသဲ 12:42

လၢမုၢ်စံၣ်ညီၣ်အနံၤန့ၣ်ၡဘၤ အနီၢ်ပၤမုၣ်ကဂဲၤဆၢထၢၣ်ဒီး ပှၤတစိၤအံၤဒီးကစံၣ်ညီၣ်ဃၣ်အီၤလီၤ. အဂ့ၢ်ဒ်အံၤအဝဲဟဲဝဲလၢတၢ်ဒ့ၣ်စၢၤဖးယံၤ, ဒ်သိးအကဒိကနၣ်စီၤၡလိၤမိၤအတၢ်ကူၣ်ဘၣ်ကူၣ်သ့အတၢ်သိၣ်လီၤသီ လီၤတဖၣ်လီၤ. ယစံးဘၣ်တဲဘၣ်သု, တၢ်တမံၤလၢအဒိၣ်န့ၢ်ဒံးစီၤၡလိၤမိၤအိၣ်ဖဲအံၤလီၤ.”

ရိမ့ၤ 9:14

မ့မ့ၢ်ဒ်န့ၣ်ဒီး, ပကစံးလၢကစၢ်ယွၤမၤတၢ်တတီဘၣ်န့ၣ်ဧါ. တမ့ၢ်ဒ်န့ၣ်လ့ၤတက့ၤဘၣ်.

လံာ်သိၣ်လီၤသီလီၤတၢ် 32:4

ယွၤမ့ၢ်သုပှၤကဟုကယာ်သုလၢအဂံၢ်ဆူၣ်ဘါဆူၣ်, လၢဝဲပှဲၤဝဲဒီးတီဝဲလိၤဝဲလၢကယဲၢ်အကျဲခဲလၢာ်အပူၤန့ၣ်လီၤ. သုကစၢ်ယွၤမ့ၢ်ပှၤလၢအသူၣ်တီသးရၤဒီးမ့ၢ်ဝဲတီဝဲ, အဝဲမၤတၢ်လၢအဘၣ်ဒီးအတီန့ၣ်လီၤ.

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.

ယၤကိာ် 3:17

ဘၣ်ဆၣ်ဒီးတၢ်ကူၣ်သ့လၢအဟဲလၢထးအံၤအဆိကတၢၢ်န့ၣ် ကဆှီဝဲလီၤ. မ့ၢ်စ့ၢ်ကီးတၢ်လၢအဒုးအိၣ်ထီၣ်တၢ်ဃူတၢ်ဖိး တၢ်မုာ်တၢ်ခုၣ်, ဒီးတၢ်သ့ကွၢ်ဆိကမိၣ်တၢ်လၢပှၤအဂီၢ်န့ၣ်လီၤ. တၢ်ကူၣ်သ့အံၤပှဲၤဒီးတၢ်သးကညီၤဒီးတၤသၣ်အဂ့ၤတဖၣ်လီၤ. ပူၤဖျဲးဒီးတၢ်ကွၢ်မဲာ်တၢ်ဒီးတၢ်ပာ်မၤအသးတဖၣ်န့ၣ်လီၤ.

လံာ်လီၣ်ဖျါ 15:3

ဒီးသးဝံၣ်ယွၤအခ့အပှၤ, စီၤမိၤၡ့အတၢ်သးဝံၣ်, ဒီးသိဖိ အတၢ်သးဝံၣ်ဒီးစံးဝဲ, “သ့တၢ်လၢာ်ကစၢ်ယွၤဧၢ, နတၢ်ဖံးတၢ်မၤတဖၣ်ဒိၣ်ဝဲသွါဝဲ, ဒီးလီၤလိၢ်လီၤလးမးလဲၣ်. ထံဧိၤကီၢ်ဧိၤတဖၣ်အစီၤပၤဧၢ, နကျဲဧိၤကပူၤဧိၤတဖၣ်လိၤဝဲဘၣ်ဝဲ, ဒီးမ့ၢ်ဝဲတီဝဲဆံးဒိၣ်လဲၣ်.