လံာ်စီၤယိၤဘး 34:3 - Sgaw Karen Common Bible

³ တၢ်အီၣ်လၢအဝံၣ်အဘဲန့ၣ်တုၤသုအီၣ်ကွၢ်ဒီးသုသ့ၣ်ညါ အီၤလီၤ. ဘၣ်ဆၣ်ဒီးတၢ်ကူၣ်သ့အတၢ်ကတိၤန့ၣ်တုၤသုနၢ်ဟူ အီၤဒီးသုတသ့ၣ်ညါဘၣ်.

လံာ်စီၤယိၤဘး 34:3 Iomraidhean Croise

လံာ်စီၤယိၤဘး 12:11

ဘၣ်ဆၣ်ဒ်နပျ့ၤသးခုအီၣ်တၢ်အီၣ်အသိးန့ၣ်, နနၢ်သးခုနၢ်ဟူတၢ်ကတိၤတဖၣ်န့ၣ်လီၤ.

လံာ်စီၤယိၤဘး 31:30

ယတမၤတၢ်ဒဲးဘးနီတဘျီခီဖျိတၢ်ထုကဖၣ်လၢအဝဲသ့ၣ် အတၢ်သံအဂီၢ်ဘၣ်.

လံာ်စီၤယိၤဘး 33:2

ကွၢ်ကွၢ်ယအိၣ်ကတဲာ်ကတီၤလံယသးလၢယကစံးကတိၤ တၢ်လၢယသးကံၢ်ပူၤန့ၣ်လီၤ.

လံာ်စီၤယိၤဘး 34:4

မ်ပဃုကွၢ်ထံသကိးတၢ်ဂ့ၢ်တၢ်ကျိၤတက့ၢ်. မ်ပစံၣ်ညီၣ်တဲာ်တၢ်အဂ့ၤကတၢၢ်လၢပနီၣ်ကစၢ်ဒၣ်ပဝဲတက့ၢ်.

လံာ်စီၤယိၤဘး 6:30

ဘၣ်ဆၣ်သုဆိကမိၣ်လၢယလီတၢ်လီၤ. သုဆိကမိၣ်လၢယနီၤ ဖးတၢ်အဘၣ်ဒီးတၢ်အကမၣ်တသ့ဘၣ်လီၤ.

1 ကရံၣ်သူး 2:15

မ့မ့ၢ်ပှၤတဂၤလၢ်လၢ်လၢအအိၣ်ဒီးယွၤအသးစီဆှံန့ၣ်, သ့ၣ်ညါနၢ်ပၢၢ်တၢ်ခဲလၢာ်အလုၢ်အပှ့ၤသ့ဝဲ, ဘၣ်ဆၣ်ပှၤသ့ၣ်ညါနၢ်ပၢၢ်ပှၤအဝဲန့ၣ်တသ့ဘၣ်နီတဂၤဘၣ်.

ဧ့ၤဘြံၤ 5:14

ဘၣ်ဆၣ်ဒီးတၢ်အသံးအကာ်မ့ၢ်လၢပှၤဒိၣ်တုာ်ခိၣ်ပှဲၤ အဂီၢ်, ပှၤလၢအအိၣ်ကတဲာ်ကတီၤတ့ၢ်လံအသးခီဖျိ အပဲာ်ဖးနီၤဖးညီနုၢ်တၢ်ဂ့ၤဒီးတၢ်အၢအဆၢန့ၣ်လီၤ.