လံာ်စီၤယိၤဘး 34:18 - Sgaw Karen Common Bible

¹⁸ ကစၢ်ယွၤစံၣ်ညီၣ်ဃၣ်စီၤပၤတဖၣ်ဒီးပဒိၣ်ဖးဒိၣ်တဖၣ်ဖဲ အဝဲသ့ၣ်အလုၢ်အပှ့ၤတအိၣ်လၢၤမ့ၢ်ဂ့ၤမၤတၢ်အၢတၢ်သီမ့ၢ်ဂ့ၤ န့ၣ်လီၤ.

လံာ်စီၤယိၤဘး 34:18 Iomraidhean Croise

လံာ်စီၤယိၤဘး 34:17

ပှၤလၢအသးဟ့တၢ်စံၣ်ညီၣ်တီန့ၣ်ပၢတၢ်ကသ့စ့ၢ်ကီးဧါ. မ့ၢ်သုကစံၣ်ညီၣ်ကစၢ်ယွၤလၢ အစံၣ်ညီၣ်တၢ်တီဒီးဒိၣ်ဝဲ ထီဝဲတဂၤန့ၣ်ဧါ.

လံာ်စီၤယိၤဘး 34:19

အဝဲတကွၢ်မဲာ်ဘၣ်ပှၤပၢတၢ်သ့ၣ်တဖၣ်ဒီးတပာ်ဒိၣ်ပာ်ဂ့ၤဘၣ် ပှၤထူးပှၤတီၤလၢပှၤဖီၣ်ဖိယာ်ဖိအဖီခိၣ်န့ၣ်ဘၣ်. အဂ့ၢ်ဒ်အံၤအဝဲတ့လီၤပှၤကိးဂၤဒဲးလီၤ.

လံာ်တၢ်ဟးထီၣ်ကွံာ် 22:28

ကတိၤအၢတၢ်ဘၣ်ဃးဒီးကစၢ်ယွၤအဂ့ၢ်တဂ့ၤ. ဒီးဆိၣ်အၢသုပှၤဂီၢ်မုၢ်အခိၣ်အနၢ်တဂၤတဂ့ၤ.

တၢ်ကတိၤဒိ. 17:26

တၢ်မၢပှၤလၢအတၢ်ကမၣ်တအိၣ်တဂၤလိးက့ၤစ့န့ၣ်တဘၣ်ဘၣ်. တၢ်စံၣ်ညီၣ်တီဘၣ်တၢ်ဘိးကဒါကွံာ်အီၤဖဲပှၤအဂ့ၤတဖၣ်ဘၣ်တၢ် စံၣ်ညီၣ်အီၤလီၤ.

မၤတၢ် 23:3

စီၤပီလူးစံးဘၣ်အီၤ, “ကစၢ်ယွၤကတီၢ်သုသပှၢ်ကတၢၢ်လီၤ. တၢ်ဒူၣ်လၢအဖှူဝါအသးဧၢ, သုဆ့ၣ်နီၤဖဲန့ၣ်ဒ်သိးသုကစံၣ်ညီၣ်ယကွီၢ်ဒ်တၢ်သိၣ်တၢ်သီနဲၣ်ကျဲ အသိးလီၤ. ဘၣ်ဆၣ်ဒီးသုလုၣ်သ့ၣ်ခါပတာ်တၢ်သိၣ်တၢ်သီခီဖျိ သုဟ့ၣ်လီၤသုကလုၢ်လၢအဝဲသ့ၣ်ကတီၢ်ယၤအဂီၢ်လီၤ.”

မၤတၢ် 23:5

စီၤပီလူးစံးဆၢဝဲ, “ယတသ့ၣ်ညါလၢအဝဲဒၣ်မ့ၢ်ပှၤလုၢ်တၢ်အခိၣ်အဒိၣ် ကတၢၢ်ဘၣ်. ယဒီပုၢ်ဝဲၢ်သ့ၣ်ဧၢ, တၢ်ကွဲးအသးစံးဝဲ, ‘သုတစံးအၢစံးသီပှၤလၢအပၢသုပှၤဂီၢ်မုၢ်န့ၣ်တဂ့ၤ.’ ”

ရိမ့ၤ 13:7

မ့မ့ၢ်ဒ်န့ၣ်ဒီး, ဟ့ၣ်တၢ်လၢသုကဘၣ်ဟ့ၣ်အဝဲသ့ၣ်န့ၣ်တက့ၢ်. ကယဲၢ်တၢ်ခိတၢ်သွဲလၢအလီၤဘၣ်သုတမံၤလၢ်လၢ်န့ၣ်ဟ့ၣ် အီၤတက့ၢ်. ဒီးဒုးနဲၣ်တၢ်ယူးယီၣ်ဒီးတၢ်မၤလၤကပီၤလၢ အဝဲသ့ၣ်ခဲလၢာ်အဂီၢ်တက့ၢ်.

၁ ပ့းတရူး 2:17

ယူးယီၣ်ပာ်ကဲပှၤခဲလၢာ်တက့ၢ်. အဲၣ်ပှၤလၢအစူၢ်က့ၤနာ်က့ၤတၢ်ကဒဲကဒဲဒီးသုတဖၣ်တက့ၢ်. ပျံၤကစၢ်ယွၤဒီးယူးယီၣ်ပာ်ကဲစီၤပၤတက့ၢ်.

၂ ပ့းတရူး 2:10

လီၤဆီဒၣ်တၢ်ပှၤတဖၣ်လၢအပိာ်ထွဲအနီၢ်ခိအတၢ်သူၣ် ကတၢသးကတၢလၢအလီၤသးဘၣ်အၢတဖၣ်အခံ, ဒီးမၤတရီတပါယွၤအစိကမီၤန့ၣ်လီၤ. သရၣ်အဘျၣ်တဖၣ်အံၤမ့ၢ်ပှၤအဒူဒီးပာ်ကဖၢလၢအသး, ဒီးတဒုးနဲၣ်တၢ်ယူးယီၣ်တၢ်အစိအကမီၤလၢထးတဖၣ်ဘၣ်, မ့မ့ၢ်ကတိၤဒုၣ်ဒွဲၣ်အဝဲသ့ၣ်တခီန့ၣ်လီၤ.

ယူဒၤ 1:8

လၢကျဲဒ်အံၤအသိးစ့ၢ်ကီး, ပှၤသ့ၣ်တဖၣ်အံၤအိၣ်ဒီးတၢ်ထံၣ် လၢညါခီတဖၣ်လၢအလီန့ၢ်အဝဲသ့ၣ်ဒီးဒုးမၤအီၤလၢတၢ်ဒဲးဘး ထီဒါက့ၤအကစၢ်ဒၣ်ဝဲအနီၢ်ခိတဖၣ်န့ၣ်လီၤ. အဝဲသ့ၣ်မၤတရီတပါကစၢ်ယွၤအတၢ်စိတၢ်ကမီၤဒီးဒုၣ်ဒွဲၣ်မူ ခိၣ်တၢ်လၤကပီၤတဖၣ်န့ၣ်လီၤ.