လံာ်စီၤယိၤဘး 33:4 - Sgaw Karen Common Bible

⁴ ကစၢ်ယွၤအသးတ့လီၤယၤဒီးသ့တၢ်လၢာ်အတၢ်သါဟ့ၣ် ယၤတၢ်မူလီၤ.

လံာ်စီၤယိၤဘး 33:4 Iomraidhean Croise

လံာ်တၢ်ကဲထီၣ်အခီၣ်ထံး 2:7

ဒီးယွၤ, ကစၢ်ယွၤဟံးန့ၢ်ဟီၣ်ခိၣ်ကပံာ်တနီၤဒီး တ့လီၤပာ်လီၤပှၤကညီ လၢဟီၣ်ခိၣ်ကပံာ်အံၤန့ၣ်လီၤ. အဝဲအူသဖှိနုာ်တၢ်မူအသါဆူအနါဒ့တဖၣ်အပူၤဒီးပှၤကညီစးထီၣ်အိၣ်မူဝဲဒၣ်န့ၣ်လီၤ.

လံာ်စီၤယိၤဘး 10:12

နဟ့ၣ်လီၤလံယၤလၢတၢ်မူဒီးတၢ်အဲၣ်ဂၢၢ်ကျၢၤ, ဒီးနတၢ် ကဟုဘံၣ်ကယာ်ဘၢအံးက့ၤကွၢ်က့ၤယသးလီၤ.

လံာ်စီၤယိၤဘး 10:3

လၢနကသးဘၣ်အၢတၢ်လၢ နကစၢ်ဒၣ်နဲတ့လီၤ အီၤဒီးနံၤလၢပှၤအၢပှၤသီတဖၣ် အတၢ်ကူၣ်ကျဲၤအဂီၢ်န့ၣ်, ကတီဝဲလိၤဝဲလၢ နဂီၢ်တုၤလၢနကအၢကသီထဲ န့ၣ်ကစီဒီဧါ.

လံာ်စီၤယိၤဘး 12:10

အအံၤမ့ၢ်ကစၢ်ယွၤလၢအနဲၣ်လိအတၢ်ဘၣ်တ့သ့ၣ်တဖၣ် အတၢ်အိၣ်မူန့ၣ်လီၤ. ပှၤကိးဂၤဒဲးအတၢ်အိၣ်မူအံၤအိၣ်ဝဲ ဒၣ်လၢအစိအကမီၤအပူၤန့ၣ်လီၤ.

လံာ်စီၤယိၤဘး 27:3

ဖဲယသးသမူအိၣ်ဒံးလၢယပူၤဒီးကစၢ်ယွၤဒုးသါထီၣ်သါလီၤ ယၤအဖၢမုၢ်န့ၣ်,

လံာ်စီၤယိၤဘး 32:8

ဘၣ်ဆၣ်တၢ်အံၤမ့ၢ်ယွၤသ့တၢ်လၢာ်ကစၢ်အသးလၢအဟဲ ဆူပှၤကညီတဖၣ်အအိၣ်ဒီးဟ့ၣ်အီၤလၢတၢ်ကူၣ်သ့န့ၣ်လီၤ.

စံးထီၣ်ပတြၢၤ 104:30

ဘၣ်ဆၣ်ဖဲနဟ့ၣ်လီၤအီၤတၢ်သါန့ၣ်ဒီး အဝဲသ့ၣ်ဘၣ်တၢ်တ့အီၤ, ဒီးနဟ့ၣ်က့ၤတၢ်မူအသီလၢဟီၣ်ခိၣ်လီၤ.

စံးထီၣ်ပတြၢၤ 33:6

ယွၤတ့လီၤမူခိၣ်ခီဖျိအကလုၢ်, မုၢ်, လါ, ဒီးဆၣ်တဖၣ်လၢအတၢ်ကတိၤန့ၣ်လီၤ.

လံာ်ယၡါယၤ 42:5

ကစၢ်ယွၤတ့လီၤပာ်လီၤမူခိၣ်မူကပိာ်လိၤဒီးသလၣ်ထီၣ်အဝဲ သ့ၣ်လီၤ. အဝဲဒုးကဲထီၣ်ဟီၣ်ခိၣ်ဒီးကယဲၢ်တၢ်အိၣ်ဖဲန့ၣ်ခဲလၢာ်အက့ၢ် အဂီၤလီၤ. အဝဲဟ့ၣ်တၢ်မူဒီးတၢ်သါဆူအပှၤဂီၢ်မုၢ်ခဲလၢာ်လီၤ. ဒီးခဲအံၤ, ယွၤ, ကစၢ်ယွၤစံးဘၣ်အခ့အပှၤ,

ရိမ့ၤ 8:2

အဂ့ၢ်ဒ်လဲၣ်န့ၣ်ယွၤအသးအတၢ်သိၣ်တၢ်သီလၢအဟဲစိာ် န့ၢ်ပှၤတၢ်အိၣ်မူလၢယ့ၣ်ၡူးခရံာ်အပူၤန့ၣ်, မၤထူၣ်ဖျဲးကွံာ်လံယၤလၢတၢ်ဒဲးဘးဒီးတၢ်သံအတၢ် သိၣ်တၢ်သီန့ၣ်လီၤ.

1 ကရံၣ်သူး 15:45

အဂ့ၢ်ဒ်အံၤ, တၢ်ကွဲးအသးစံးဝဲ, “ပှၤကညီအဆိကတၢၢ် တဂၤ, စီၤအၤဒၣ်ဘၣ်တၢ်တ့လီၤပာ်လီၤအီၤဒ်သးလၢအမူဝဲ,” မ့မ့ၢ်စီၤအၤဒၣ်လၢခံကတၢၢ်တဂၤမ့ၢ်ဝဲသးလၢအဟ့ၣ်တၢ်မူန့ၣ်လီၤ.