လံာ်စီၤယိၤဘး 33:12 - Sgaw Karen Common Bible

¹² ဘၣ်ဆၣ်ဒီးစီၤယိၤဘးဧၢ, လၢတၢ်အံၤအဂ့ၢ်န့ၣ်နကမၣ်လံ. အဂ့ၢ်ဒ်အံၤ, ကစၢ်ယွၤဒိၣ်န့ၢ်ပှၤကညီတက့ၢ်လီၤ.

လံာ်စီၤယိၤဘး 33:12 Iomraidhean Croise

လံာ်စီၤယိၤဘး 1:22

လၢကယဲၢ်တၢ်မၤတ့ၢ်အသးခဲလၢာ်ဒၣ်လဲၣ်အဃိန့ၣ်တၢ်ဒဲးဘး မ့ၢ်ဂ့ၤ, တၢ်ပာ်ဒ့ၣ်ကမၣ်ကစၢ်ယွၤမ့ၢ်ဂ့ၤစီၤယိၤဘးတမၤဝဲဒၣ် ဘၣ်.

လံာ်စီၤယိၤဘး 11:6

ဒီးအဝဲကတဲနၤလၢတၢ်ကူၣ်ဘၣ်ကူၣ်သ့အတၢ်ခူသူၣ်အိၣ်အါမံၤန့ၣ် လီၤ. အဂ့ၢ်ဒ်အံၤတၢ်အိၣ်ဝဲဒၣ်အါမံၤလၢ အယိာ်ကဲာ်ဆိးလၢ ပှၤကညီကနၢ်ပၢၢ်အီၤအဂီၢ်န့ၣ်လီၤ. ကစၢ်ယွၤစံၣ်ညီၣ်နၤအံၤမ့ၢ်တၢ်စှၤန့ၢ်ဒံးနကြၢးဘၣ်တၢ်စံၣ်ညီၣ် တက့ၢ်န့ၣ်လီၤ.

လံာ်စီၤယိၤဘး 11:7

မ့ၢ်နဃုထံၣ်သ့ၣ်ညါသ့တၢ်လၢာ်ကစၢ်ယွၤအတၢ်ဒိၣ်ဝဲထီဝဲ ဒီးအစိအကမီၤဘၣ်ကသ့ဧါ.

လံာ်စီၤယိၤဘး 11:9

အတၢ်ထိၣ်န့ၣ်ထီန့ၢ်ဒံးဟီၣ်ခိၣ်ဒီးလဲၢ်န့ၢ်ဒံးပီၣ်လဲၣ်တက့ၢ် န့ၣ်လီၤ.

လံာ်စီၤယိၤဘး 26:14

ဘၣ်ဆၣ်တၢ်အံၤမ့ၢ်ဒၣ်ထဲတၢ်တဲတရူာ်အတၢ်စိတၢ်ကမီၤတဒိၣ် တဆံးဧိၤ, မ့ၢ်ဒၣ်ထဲတၢ်ကတိၤကသွံဒံလၢပနၢ်ဟူတ့ၢ်လံန့ၣ်လီၤ. ကစၢ်ယွၤဒိၣ်ဝဲနီၢ်နီၢ်ထဲလဲၣ်န့ၣ်မ့ၢ်မတၤသ့ၣ်ညါကသ့ဝဲတဂၤလဲၣ်.

လံာ်စီၤယိၤဘး 32:17

ယကဟ့ၣ်စ့ၢ်ကီးယတၢ်ကတိၤခဲအံၤဒီးယကတဲနၤယတၢ် ဆိကမိၣ်န့ၣ်လီၤ.

လံာ်စီၤယိၤဘး 34:23

ကစၢ်ယွၤပာ်လီၤတၢ်ဆၢကတီၢ်လၢပှၤကညီကဘၣ်လဲၤဒီး ဒိးဘၣ်တၢ်စံၣ်ညီၣ်လၢအီၤန့ၣ်အလီၢ်တအိၣ်ဘၣ်.

လံာ်စီၤယိၤဘး 35:4

ယကစံးဆၢနၤဒီးနတံၤသကိးတဖၣ်စ့ၢ်ကီးလီၤ.

လံာ်စီၤယိၤဘး 36:5

ကွၢ်ကွၢ်, ကစၢ်ယွၤန့ၣ်ဒိၣ်နီၢ်မးလီၤ. အဝဲတသးဘၣ်အၢဘၣ် ပှၤနီတဂၤဘၣ်. အဝဲဒိၣ်ဝဲဆူၣ်ဝဲဒီးဂၢၢ်ဝဲကျၢၤဝဲလၢအတၢ် တိာ်အပူၤလီၤ.

လံာ်စီၤယိၤဘး 9:4

ကစၢ်ယွၤန့ၣ်ကူၣ်ဘၣ်ကူၣ်သ့ဒီးအစိအကမီၤဒိၣ်နီၢ်မးန့ၣ်လီၤ. ပှၤထီဒါအီၤတန့ၢ်နီတဂၤဘၣ်.

လံာ်ပှၤစံၣ်တဲၤတဲလီၤတၢ် 7:20

လၢဟီၣ်ခိၣ်ချၢအံၤပှၤလၢအမၤတၢ်အဘၣ်ထီဘိဒီးတမၤကမၣ်တၢ်နီ တစု, တအိၣ်ဝဲနီတဂၤဘၣ်.

လံာ်ယဃ့းစက့လး 18:25

ဘၣ်ဆၣ်သုစံးသုဝဲ, တၢ်လၢယွၤပၢဘၣ်တၢ်ခဲလၢာ်ကစၢ်မၤဝဲန့ၣ် တဘၣ်ဘၣ်. ဒိကနၣ်ယၤတက့ၢ်. သုဝဲပှၤအံၣ်စရ့လးဖိသ့ၣ်ဧၢ, မ့ၢ်သုဆိကမိၣ်လၢယမၤတၢ်န့ၣ်တဖၣ်အကျဲတဘၣ်န့ၣ်ဧါ. ကျဲလၢအတဘၣ်န့ၣ်မ့ၢ်လၢသုကျဲတခီန့ၣ်လီၤ.