လံာ်စီၤယိၤဘး 32:8 - Sgaw Karen Common Bible

⁸ ဘၣ်ဆၣ်တၢ်အံၤမ့ၢ်ယွၤသ့တၢ်လၢာ်ကစၢ်အသးလၢအဟဲ ဆူပှၤကညီတဖၣ်အအိၣ်ဒီးဟ့ၣ်အီၤလၢတၢ်ကူၣ်သ့န့ၣ်လီၤ.

လံာ်စီၤယိၤဘး 32:8 Iomraidhean Croise

လံာ်တၢ်ကဲထီၣ်အခီၣ်ထံး 41:38

ဒီးစီၤပၤစံးဘၣ်အဝဲသ့ၣ်, “ပကထံၣ်န့ၢ်ပှၤဂ့ၤဒိၣ်န့ၢ်စီၤ ယိၤသးတဂၤ, ပှၤတဂၤလၢကစၢ်ယွၤအသးစီဆှံအိၣ်လၢ အပူၤန့ၣ်တသ့နီတစုဘၣ်.”

လံာ်တၢ်ကဲထီၣ်အခီၣ်ထံး 41:39

စီၤပၤစံးဘၣ်စီၤယိၤသး, “ကစၢ်ယွၤဒုးနဲၣ်တ့ၢ်နၤကယဲၢ်တၢ် အံၤခဲလၢာ်, သတးဒီးအိၣ်ဖျါလၢနအိၣ်ဒီးတၢ်ကူၣ်သ့ဒီးတၢ်ထံၣ်လၢသးဒိၣ် န့ၢ်အါန့ၢ်ဒံးပှၤအဂၤတဂၤလၢ်လၢ်တက့ၢ်လီၤ.

လံာ်စီၤပၤအခီၣ်ထံးတဘ့ၣ် 3:12

ယကမၤတၢ်လၢနဃ့တ့ၢ်အီၤန့ၣ်လီၤ. ယကဟ့ၣ်အါထီၣ်နၤတၢ်ကူၣ်သ့ဒီးတၢ်သ့ၣ်ညါနၢ်ပၢၢ်အါန့ၢ်ဒံးပှၤ တဂၤလၢ်လၢ်မၤန့ၢ်တ့ၢ်ဝဲလၢညါမ့ၢ်ဂ့ၤ, ကမၤန့ၢ်ကဒီးဝဲ ဆူညါမ့ၢ်ဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 3:28

တုၤအံၣ်စရ့လးအပှၤဂီၢ်မုၢ်နၢ်ဟူဘၣ်စီၤၡလိၤမိၤအတၢ်စံၣ်ညီၣ် န့ၣ်အဝဲသ့ၣ်ခဲလၢာ်ပှဲၤဝဲဒီးအတၢ်ယူးယီၣ်ပာ်ကဲအီၤဒိၣ်ဒိၣ် မုၢ်မုၢ်မ့ၢ်လၢအဝဲသ့ၣ်, သ့ၣ်ညါဝဲလၢကစၢ်ယွၤဟ့ၣ်လီၤလံအီၤတၢ်ကူၣ်သ့လၢကမၤဘၣ်လီၢ် ဘၣ်စးတၢ်ဂ့ၢ်လိာ်ဘှီလိာ်တီတီလိၤလိၤအဃိန့ၣ်လီၤ.

လံာ်စီၤပၤအခီၣ်ထံးတဘ့ၣ် 4:29

ကစၢ်ယွၤဟ့ၣ်လီၤစီၤၡလိၤမိၤလၢတၢ်ကူၣ်သ့ဒီးတၢ်နၢ်ပၢၢ်လီၤ တံၢ်လီၤဆဲးလၢပှၤတညီနုၢ်မၤန့ၢ်ဘၣ်, ဒီးတၢ်သ့ၣ်ညါလၢအဒိၣ်တုၤတၢ်ထိၣ်အီၤတဲာ်အီၤတသ့ဘၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 5:9

ယပှၤတဖၣ်ကဟဲစိာ်လီၤသ့ၣ်အကျီၣ်တဖၣ်လၢကီၢ်လဘၤနိၣ်ဆူပီၣ်လဲၣ် ဒီးကစၢထီၣ်အီၤတပူၤဃီဒ်ထိတဖၣ်အသိးဒီးထိၣ်ထွံလီၤအီၤလၢ ပီၣ်လဲၣ်နံၤဆူတၢ်လီၢ်လၢနဃုထၢန့ၣ်လီၤ. ဖဲန့ၣ်ယပှၤတဖၣ်ကဃ့ၣ်လီၤကွံာ်အီၤဒီးနပှၤတဖၣ်ကအံးထွဲ ကွၢ်ထွဲက့ၤအီၤန့ၣ်လီၤ. နဲဒၣ်တခီယအဲၣ်ဒိးလၢနကဟ့ၣ်ယခ့ယပှၤသ့ၣ်တဖၣ်လၢတၢ်အီၣ်တၢ်အီ န့ၣ်လီၤ.

လံာ်စီၤယိၤဘး 12:13

ပှၤသးပှၢ်အိၣ်ဝဲဒီးသးအတၢ်သ့ၣ်ညါ, မ့မ့ၢ်ကစၢ်ယွၤအိၣ်ဝဲဒီးသးအတၢ်သ့ၣ်ညါဒီးတၢ်စိ တၢ်ကမီၤလၢကမၤတၢ်အဂီၢ်န့ၣ်လီၤ.

လံာ်စီၤယိၤဘး 12:16

ကစၢ်ယွၤန့ၣ်အဂံၢ်အဘါဆူၣ်ဒီးမၤနၢၤတၢ်ထီဘိန့ၣ်လီၤ. တၢ်လီတၢ်ဝ့ၤဒီးပှၤလီတၢ်ဖိန့ၣ်အိၣ်လၢအဝဲအစိအကမီၤ အဖီလာ်လီၤ.

လံာ်စီၤယိၤဘး 27:3

ဖဲယသးသမူအိၣ်ဒံးလၢယပူၤဒီးကစၢ်ယွၤဒုးသါထီၣ်သါလီၤ ယၤအဖၢမုၢ်န့ၣ်,

လံာ်စီၤယိၤဘး 33:16

အဝဲကတိၤတၢ်လၢပှၤကညီအနၢ်ပူၤဒီးမၤပျံၤမၤဖုးအီၤလၢ အတၢ်ဟ့ၣ်ပလီၢ်တဖၣ်န့ၣ်လီၤ.

လံာ်စီၤယိၤဘး 33:4

ကစၢ်ယွၤအသးတ့လီၤယၤဒီးသ့တၢ်လၢာ်အတၢ်သါဟ့ၣ် ယၤတၢ်မူလီၤ.

လံာ်စီၤယိၤဘး 35:11

အဝဲသ့ၣ်တဃၣ်က့ၤအသးဆူကစၢ်ယွၤလၢအဒုးကူၣ်ဘၣ်ကူၣ် သ့ပှၤဒိၣ်န့ၢ်ဒံးဆၣ်ဖိကီၢ်ဖိမ့ၢ်ဂ့ၤထိၣ်ဧိၤလံာ်ဧိၤမ့ၢ်ဂ့ၤ, အအိၣ်န့ၣ်ဘၣ်.

လံာ်စီၤယိၤဘး 38:36

မတၤပာ်လီၤတ့ၢ်တၢ်ကူၣ်သ့လၢတၢ်အၢၣ်တဖၣ်အကျါ ဒီးမ့ၢ်မတၤဟ့ၣ်တၢ်သ့ၣ်ညါနၢ်ပၢၢ်ဆူဘှ့ၣ်မုၢ်ပစီၤန့ၣ်လဲၣ်.

တၢ်ကတိၤဒိ. 2:6

ယွၤမ့ၢ်ဝဲပှၤလၢအဟ့ၣ်တၢ်ကူၣ်သ့, ဒီးတၢ်သ့ၣ်ညါဒီး တၢ်သူၣ်ဆးသးဆးဟဲလၢအအိၣ်လီၤ.

တၢ်ကတိၤဒိ. 20:27

ယွၤဟ့ၣ်ပှၤတၢ်ကူၣ်တၢ်ဆိကမိၣ်ဒီးသးလၢအသ့ၣ်ညါဒၣ်တၢ်လၢအဂ့ၤ လီၤ. ပပာ်ခူသူၣ်ပသးလၢပနီၢ်ကစၢ်ဒၣ်ပဝဲတသ့ဘၣ်.

လံာ်ပှၤစံၣ်တဲၤတဲလီၤတၢ် 2:26

ကစၢ်ယွၤဟ့ၣ်တၢ်ကူၣ်သ့, တၢ်သ့ၣ်ညါဒီးတၢ်သူၣ်ဖှံ သးညီဆူပှၤတဖၣ်လၢအမၤမုာ်အသးန့ၣ်လီၤ. မ့မ့ၢ်, မၢပှၤတၢ်ဒဲးဘးဖိတဖၣ်မၤတၢ်, မၤန့ၢ်တၢ်ဒီးပာ်ဖှိၣ် တၢ်, ဒ်သိးတၢ်လၢအဝဲသ့ၣ်မၤန့ၢ်တ့ၢ်တဖၣ်, ကဘၣ်တၢ်ဟ့ၣ်လီၤအီၤဆူ ပှၤလၢအမၤမုာ်အဝဲအသးတဖၣ်အအိၣ်န့ၣ်လီၤ. တၢ်ခဲလၢာ်န့ၣ်, အဘျုးတအိၣ်ဘၣ်. တၢ်န့ၣ်လီၤဂာ်ဒီးတၢ်လူၤဖီၣ်ကလံၤန့ၣ်လီၤ.

လံာ်ယၡါယၤ 28:26

ကဘၣ်မၤအတၢ်မၤဒ်လဲၣ်န့ၣ်အဝဲသ့ၣ်ညါဝဲ, မ့ၢ်လၢကစၢ်ယွၤ သိၣ်လိတ့ၢ်အီၤအဃိလီၤ.

လံာ်ဒၤနံးယ့လး 1:17

ကစၢ်ယွၤဟ့ၣ်လီၤတ့ၢ်ပှၤသးစၢ်လွံၢ်ဂၤန့ၣ်လၢတၢ်သ့ၣ်ညါဒီး တၢ်သ့တၢ်ဘၣ်ဘၣ်ဃးဒီးကယဲၢ်တၢ်မၤလိမၤဒိးဒီးတၢ်ဆိ ကမိၣ်အဒိၣ်အယိာ်အတၢ်ကူၣ်သ့န့ၣ်လီၤ. လၢတၢ်န့ၣ်တဖၣ်န့ၣ် အမဲာ်ညါကစၢ်ယွၤဟ့ၣ်လီၤတ့ၢ်စီၤဒၤနံးယ့လးတၢ်သ့တၢ်ဘၣ် လၢကတဲဖျါတၢ်ထံၣ်လၢညါခီဒီးတၢ်မံမီၢ်တဖၣ်အခီပညီ န့ၣ်လီၤ.

လံာ်ဒၤနံးယ့လး 2:21

အဝဲပၢတၢ်ဆၢကတီၢ်ဒီးန့ဆၢၣ်အကတီၢ်တဖၣ်, သုးကွံာ်ဝဲဒီးပာ်ထီၣ်စီၤပၤတဖၣ်, ဟ့ၣ်လီၤဝဲတၢ်ကူၣ်သ့လၢပှၤကူၣ်တၢ်သ့ဒီးတၢ်သ့ၣ်ညါ လၢပှၤနၢ်ပၢၢ်တၢ်တဖၣ်န့ၣ်လီၤ.

1 ကရံၣ်သူး 12:8

သးစီဆှံဟ့ၣ်ပှၤတဂၤတၢ်ကစီၣ်လၢအလၢပှဲၤဒီးတၢ်ကူၣ်ဘၣ်ကူၣ် သ့, ဖဲပှၤတဂၤဒၣ်ဘၣ်တၢ်ဟ့ၣ်အီၤတၢ်ကစီၣ်လၢပှဲၤဒီး တၢ်သ့ၣ်ညါနၢ်ပၢၢ်, လၢသးစီဆှံတဂၤဃီလီၤ.

၂ တံၤမသ့း 3:16

တၢ်ကွဲးအသးခဲလၢာ်န့ၣ်ဘၣ်တၢ်ကွဲးအီၤလၢကစၢ်ယွၤ အသးစီဆှံဒီးဂ့ၤလၢတၢ်သိၣ်လိတၢ်မ့ၢ်တၢ်တီအဂီၢ်, သိၣ်ဃီၣ်တၢ်ကမၣ်အဂီၢ်, ဘှီဘၣ်က့ၤတၢ်လၢအကမၣ် တဖၣ်အဂီၢ်, ဒီးသိၣ်လိနဲၣ်လိတၢ်လၢတၢ်အိၣ်မူအဂ့ၤ အဘၣ်အဂီၢ်,

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.