လံာ်စီၤယိၤဘး 32:21 - Sgaw Karen Common Bible

²¹ ယတပာ်ဖျါထီၣ်တၢ်ကွၢ်မဲာ်ဆူပှၤတဂၤဂၤမ့ၢ်ဂ့ၤ, စံးထီၣ်ပတြၢၤထးခိၣ်ဖံးလာ်ပှၤတဂၤဂၤမ့ၢ်ဂ့ၤန့ၣ်ဘၣ်.

လံာ်စီၤယိၤဘး 32:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:17

တၢ်ဒိၣ်ဧၢ, ယစံးလီၤယသးလၢနတၢ်အၢၣ်လီၤအီလီၤန့ၣ်, ကမၤပူၤဖျဲးယၤလီၤ. အဂ့ၢ်ဒ်အံၤ, စီၤပၤန့ၣ်လီၤဂာ်ဒီးကစၢ်ယွၤအကလူးတဂၤဒီးနီၤ ဖးတၢ်ဂ့ၤဒီးတၢ်အၢအဆၢသ့ဝဲဒၣ်န့ၣ်လီၤ. မ်ယွၤ, နကစၢ်ယွၤအိၣ်ဒီးနၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 14:20

ဘၣ်ဆၣ်ဒီးအဝဲမၤတ့ၢ်တၢ်အံၤဒ်သိးလၢကမၤလိၤမၤဘၣ်က့ၤတၢ်ဂ့ၢ်ခဲလၢာ်အံၤန့ၣ်လီၤ. နဲဒၣ်တၢ်ဒိၣ်ကစၢ်စီၤပၤမ့ၢ်ပှၤကူၣ်သ့ထဲသိးဒီးကစၢ်ယွၤအကလူး ဒီးသ့ၣ်ညါတၢ်ခဲလၢာ်လၢအမၤအသးန့ၣ်လီၤ.”

လံာ်စီၤယိၤဘး 13:10

သုတၢ်ပာ်သူၣ်ပာ်သးတတီတလိၤန့ၣ်သုမ့ၢ်မၤဘံၣ်မၤဘၢအီၤဒၣ် လဲာ်အဝဲကသိၣ်ဃီၣ်သုသပှၢ်တၢၢ်လီၤ.

လံာ်စီၤယိၤဘး 13:8

မ့ၢ်သုဂုာ်ကျဲးစၢးလၢသုကဒီဒၣ်အိၣ်ပှိၤအီၤဧါ. မ့ၢ်သုကလိာ်ကွီၢ်လၢအဂီၢ်န့ၣ်ဧါ.

လံာ်စီၤယိၤဘး 32:20

ယကဘၣ်ကတိၤတၢ်ဒ်သိးယကထံၣ်န့ၢ်တၢ်မၤမုာ်ယၤ, ယကဘၣ်အိးထီၣ်ယနိးဖံးဒီးကတိၤဆၢတၢ်န့ၣ်လီၤ.

လံာ်စီၤယိၤဘး 32:22

အဂ့ၢ်ဒ်အံၤ, ယမ့ၢ်အိၣ်ဒီး တၢ်သ့တၢ်ဘၣ်လၢ တၢ်စံးထီၣ်ပတြၢၤထးခိၣ်ဖံးလာ်ပှၤအဂၤန့ၣ်, ပှၤတ့လီၤယၤကစိာ်ထီၣ်ကွံာ်ယၤချ့သဒံးန့ၣ်လီၤ.

လံာ်စီၤယိၤဘး 33:3

ယတၢ်ကတိၤတဖၣ်ပာ်ဖျါယသးအတၢ်တီတၢ်လိၤ, ဒီးယပျူၤကတိၤတၢ်မ့ၢ်တၢ်တီနီၢ်နီၢ်လီၤ.

လံာ်စီၤယိၤဘး 34:19

အဝဲတကွၢ်မဲာ်ဘၣ်ပှၤပၢတၢ်သ့ၣ်တဖၣ်ဒီးတပာ်ဒိၣ်ပာ်ဂ့ၤဘၣ် ပှၤထူးပှၤတီၤလၢပှၤဖီၣ်ဖိယာ်ဖိအဖီခိၣ်န့ၣ်ဘၣ်. အဂ့ၢ်ဒ်အံၤအဝဲတ့လီၤပှၤကိးဂၤဒဲးလီၤ.

စံးထီၣ်ပတြၢၤ 82:2

“မ့ၢ်သုကအိၣ်ပှိၤပှၤတတီတလိၤဒီး ဒုးနဲၣ်သုတၢ်ကွၢ်မဲာ်ပှၤအၢပှၤသီန့ၣ်ဆံးယံာ်ဒံးလဲၣ်. စ့လၤ

တၢ်ကတိၤဒိ. 24:23

ပှၤကူၣ်သ့တဖၣ်ကတိၤတ့ၢ်စ့ၢ်ကီးတၢ်သ့ၣ်တဖၣ်အံၤလီၤ. စံၣ်ညီၣ်ကွီၢ်တဂၤလၢအဆိကမိၣ်ပာ်စၢၤတၢ်လၢတၢ်ထံၣ်တဆှံဘၣ် အပူၤန့ၣ်, မ့ၢ်တၢ်လၢအကမၣ်လီၤ.

တၢ်ကတိၤဒိ. 28:23

သိၣ်ဃီၣ်ပှၤတဂၤဂၤတက့ၢ်. ဒီးလၢခံက့ၤန့ၣ်အဝဲဒၣ်ကဘၣ်သူၣ်ဘၣ်သးအီၤ အါန့ၢ်ဒံးတၢ်ကတိၤပတြၢၤမုာ်နၢ်တက့ၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:15

လၢတၢ်စံၣ်ညီၣ်အပူၤန့ၣ်မၤတၢ်တတီတလိၤတဂ့ၤ. ကွၢ်မဲာ်ပှၤဖှီၣ်ဖိဒီးပျံၤပှၤထူးပှၤတီၤတဂ့ၤ. သုဘၣ်စံၣ်ညီၣ်ပှၤလၢသုဃၢၤတီတီလိၤလိၤလီၤ.

လံာ်မၤလကံ 2:9

မၤသးဒ်န့ၣ်ဒီး, ယပာ်သုလၢတၢ်တပာ်ကဲဘၣ်အလီၢ်ဒီးတၢ်မၤတရီ တပါအလီၢ်လၢကယဲၢ်ပှၤခဲလၢာ်အမဲာ်ညါန့ၣ်လီၤ. အဂ့ၢ်ဒ်အံၤ, သုတတိၢ်န့ၢ်ဘၣ်ယကျဲဘၣ်. ဒီးသုကွၢ်မဲာ်တၢ်လၢသုတၢ်သိၣ်လိသီလိအပူၤန့ၣ်လီၤ.”

လံာ်မးသဲ 22:16

တၢ်န့ၣ်ဝံၤအလီၢ်ခံ, အဝဲသ့ၣ်ဆှၢလီၤအပျဲၢ်အဘီၣ်တနီၤ, ဃုာ်ဒီးပှၤအိၣ်လၢဟ့ၤရိာ်အကရၢပူၤတနီၤ, ဆူယ့ၣ်ၡူးအအိၣ်လီၤ. အဝဲသ့ၣ်စံးဘၣ်အီၤ, “သရၣ်ဧၢ, ပသ့ၣ်ညါလၢနမ့ၢ်ပှၤလၢအတဲတၢ်တီတီတဂၤဒီးသိၣ် လီၤသီလီၤတၢ်မ့ၢ်တၢ်တီဘၣ်ဃးကစၢ်ယွၤအတၢ်ဘၣ်အသး လၢပှၤကညီအဂီၢ်, ဒီးနတပျံၤဒီးကွၢ်မဲာ်ပှၤနီတဂၤဘၣ်. အဂ့ၢ်ဒ်အံၤ ပှၤကညီအလီၢ်အလၤန့ၣ်, နတပာ်ဒိၣ်လီၤဆီအီၤဘၣ်.

လံာ်သိၣ်လီၤသီလီၤတၢ် 1:17

ယတဲအဝဲသ့ၣ်လၢ, အသုတကွၢ်မဲာ်တၢ်လၢအတၢ်စံၣ်ညီၣ်တဖၣ်အပူၤတ ဂ့ၤ. လၢတၢ်စံၣ်ညီၣ်အပူၤန့ၣ်ကဘၣ်ဒိကနၣ်ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤဒ်သိးသိးန့ၣ်လီၤ. တဘၣ်ပျံၤဘၣ်ပှၤနီတဂၤဘၣ်. အဂ့ၢ်ဒ်အံၤ, တၢ်စံၣ်ညီၣ်တဲာ်တဖၣ်လၢ အမၤဝဲန့ၣ်ဟဲလၢကစၢ်ယွၤအအိၣ်လီၤ. တၢ်ဂ့ၢ်တမံၤဂ့ၤတမံၤဂ့ၤမ့ၢ်ကီကဲာ်ဆိးလၢအဂီၢ်န့ၣ်, ကဘၣ်ဟဲစိာ်ဝဲဆူယအိၣ်လီၤ. ဒီးယကစံၣ်ညီၣ်တဲာ်အီၤန့ၣ်လီၤ.

လံာ်သိၣ်လီၤသီလီၤတၢ် 16:19

တၢ်စံၣ်ညီၣ်တတီတဘၣ်အိၣ်ဒီးအဝဲသ့ၣ်မ့ၢ်ဂ့ၤ, အဝဲသ့ၣ်တဘၣ်အိၣ်ဒီးတၢ်ကွၢ်မဲာ်မ့ၢ်ဂ့ၤလၢအတၢ်စံၣ်ညီၣ်တဖၣ် အပူၤဘၣ်. ဒီးအဝဲသ့ၣ်တဘၣ်တူၢ်လိာ်ခိၣ်ဖးလာ်ဆှိးဘၣ်. အဂ့ၢ်ဒ်အံၤ, ခိၣ်ဖးတဖၣ်န့ၣ်မၤဘျီၣ်ပှၤကူၣ်သ့ဒီးပှၤတီပှၤလိၤတဖၣ်အမဲာ်, ဒီးဒုးကဲထီၣ်အဝဲသ့ၣ်လၢပှၤဟ့ၣ်လီၤတၢ် စံၣ်ညီၣ်လၢအတတီတဖၣ်န့ၣ်လီၤ.