လံာ်စီၤယိၤဘး 30:8 - Sgaw Karen Common Bible

⁸ အဝဲသ့ၣ်မ့ၢ်ပှၤဟးဂီၤဖိအဖိ, ပှၤလၢအမံၤတအိၣ်ဘၣ်အဖိဒီး မ့ၢ်ပှၤလၢအဘၣ်တၢ်ဟီထီၣ်ကွံာ်အီၤလၢကီၢ်ပူၤန့ၣ်လီၤ.

လံာ်စီၤယိၤဘး 30:8 Iomraidhean Croise

လံာ်စီၤပၤခံဘ့ၣ်တဘ့ၣ် 8:18

အဝဲအမါမ့ၢ်စီၤအၤဃာ်အဖိမုၣ်, ဒီးဒ်စီၤအၤဃာ်အဟံၣ်ဖိဃီဖိ အသိးန့ၣ်အဝဲပိာ်ထွဲကျဲအၢကျဲသီတဖၣ်လၢကီၢ်အံၣ်စရ့လး အစီၤပၤတဖၣ်ပိာ်တ့ၢ်ဝဲန့ၣ်လီၤ. အဝဲမၤတ့ၢ်တၢ်ဒဲးဘးထီဒါယွၤ,

လံာ်စီၤပၤခံဘ့ၣ်တဘ့ၣ် 8:27

မ့ၢ်လၢစီၤအဃၤစယၤဒီဘူးဒီတံၢ်ဒီးစီၤပၤအၤဃာ်ခီဖျိတၢ် တ့တၢ်ဖျီအဃိန့ၣ်, အဝဲမၤတ့ၢ်တၢ်ဒဲးဘးထီဒါယွၤဒ်သိးဒၣ်စီၤ အၤဃာ်အဒူၣ်ဖိထၢဖိမၤတ့ၢ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:3

အဝဲအမိၢ်နီၢ်ဧသၤလယၤ, ကီၢ်အံၣ်စရ့လးအစီၤပၤဧိၣ်ရံၤအလံၤ မုၣ်ဒီးစီၤပၤအၤဃာ်အဖိမုၣ်, ဟ့ၣ်တ့ၢ်အီၤတၢ်ဟ့ၣ်ကူၣ်လၢအဆှၢဃီၤအီၤဆူတၢ်အၢတၢ်သီအပူၤ န့ၣ်လီၤ.

လံာ်စီၤယိၤဘး 30:7

အဝဲသ့ၣ်ကိးထီၣ်ဝဲဒ်ဒၣ်ဆၣ်ဖိကီၢ်ဖိအသိးလၢတၢ်လီၢ်အိၣ် သယုၢ်အပူၤဒီးဖိးဟုလိာ်အသးလၢတၤဆှုၣ်တၤမဲအဖီ လာ်ဒ်သိးကမၤလၢၤအသးအဂီၢ်န့ၣ်လီၤ.

လံာ်စီၤယိၤဘး 30:9

ခဲကနံၣ်အံၤအဝဲသ့ၣ်ဟဲဒီးနံၤဘၣ်ယၤလီၤ. ယတမ့ၢ်တၢ်နီတမံၤဘၣ်. မ့မ့ၢ်ယမ့ၢ်ဒၣ်တၢ်လီၤနံၤတမံၤလၢအဝဲသ့ၣ်အဂီၢ်န့ၣ်လီၤ.

စံးထီၣ်ပတြၢၤ 15:4

အဝဲသ့ၣ်တပာ်ကဲပှၤလၢယွၤညိကွံာ်အီၤတဖၣ်ဘၣ်, ဘၣ်ဆၣ်ယူးယီၣ်ပှၤတဖၣ်လၢအပျံၤယွၤန့ၣ်လီၤ. လၢအတၢ်ဆိၣ်လီၤအသးအပူၤ, တၢ်အၢမ့ၢ်ဘၣ်က့ၤအီၤဒၣ်လဲာ်, မၤဝဲဒ်အအၢၣ်လီၤဝဲအသိးန့ၣ်လီၤ.

စံးထီၣ်ပတြၢၤ 35:15

မ့မ့ၢ်ဖဲယအိၣ်လၢတၢ်ကိၢ်တၢ်ဂီၤအပူၤန့ၣ်ဒီး အဝဲသ့ၣ်ခဲလၢာ်သးခုဝဲ, ပာ်ဖှိၣ်ထီၣ်အသးလၢကနံၤဘၣ်ဖၣ်လဲယၤအဂီၢ်, ဒီးပှၤလၢယတသ့ၣ်ညါအီၤတဖၣ်န့ၣ် ဖှီတဲာ်ယၤတကတၢၢ်နီတဘျီဘၣ်န့ၣ်လီၤ.

တၢ်ကတိၤဒိ. 1:22

“ပှၤဟးဂီၤဖိသ့ၣ်ဧၢ, မ့ၢ်သုအဲၣ်ဒိးဟးဂီၤဒံးဆံးယံာ်လဲၣ်. သုကမုာ်လၤသးခုလၢတၢ်မၤတရီတပါတၢ်သ့ၣ်ညါဆံးယံာ်လဲၣ်. မ့ၢ်သုတမၤလိလၢၤတၢ်နီတစုဘၣ်ဧါ.

တၢ်ကတိၤဒိ. 1:7

ဒ်သိးသုကအိၣ်ဒီးတၢ်ကူၣ်သ့ဒီးအဆိကတၢၢ်သုကဘၣ်ယူးယီၣ် ယွၤန့ၣ်လီၤ. ပှၤဟးဂီၤဖိတဖၣ်တပာ်ကဲတၢ်ကူၣ်သ့ဒီးဂ့ၢ်လိာ် ကမၤလိတၢ်န့ၣ်လီၤ.

တၢ်ကတိၤဒိ. 16:22

တၢ်ကူၣ်သ့န့ၣ်မ့ၢ်တၢ်မူအထံထီၣ်ပၢၢ်လၢပှၤကူၣ်သ့အဂီၢ်လီၤ. မ့မ့ၢ်တၢ်ကျဲးစၢးသိၣ်လိပှၤဟးဂီၤဖိန့ၣ်, မ့ၢ်တၢ်မၤလၢာ် ကလီတၢ်ဆၢကတီၢ်လီၤ.

လံာ်ယၡါယၤ 32:6

ပှၤအမၢးတဂၤကတိၤတၢ်လၢတၢ်သးတထံတဆးအပူၤ ဒီးဆိကမိၣ်ထီၣ်တၢ်အၢတၢ်သီတဖၣ်လၢကမၤဝဲလီၤ. တၢ်လၢအဝဲမၤဝဲဒီးတၢ်လၢအဝဲစံးဝဲတဖၣ်မ့ၢ်တၢ်ဒုၣ်ဒွဲၣ်ယွၤ, ဒီးအဝဲတလုၢ်အီၣ်ဘၣ်ပှၤလၢတၢ်သၣ်ဝံၤအသးမ့ၢ်ဂ့ၤ, တဟ့ၣ်အီဘၣ်ပှၤလၢတၢ်သူအသးတဖၣ်လၢတၢ်တမံၤမံၤလၢကအီ ဝဲအဂီၢ်မ့ၢ်ဂ့ၤန့ၣ်ဘၣ်.

လံာ်ယံးရမံယၤ 7:18

ဖိသၣ်တဖၣ်ထၢဖှိၣ်သ့ၣ်မုၣ်, ပိာ်ခွါတဖၣ်မၤကဲၤထီၣ်မ့ၣ်အူ, ဒီးပိာ်မုၣ်တဖၣ်စံၢ်ကျဲၣ်ကျီကိၣ်ကမူၣ်ဒီးထံလၢကကုၢ်ကိၣ်လၢ ကစၢ်မုၣ်လၢအဝဲသ့ၣ်ကိးဝဲလၢမူခိၣ်အနီၢ်ပၤမုၣ်အဂီၢ်န့ၣ်လီၤ. အဝဲသ့ၣ်လူလီၤဂၢ်လီၤစ့ၢ်ကီးတၢ်လုၢ်စပံးထံတဖၣ်ဆူကစၢ်အဂၤ တဖၣ်အအိၣ်လၢကမၤဘၣ်ဒိဘၣ်ထံးယၤအဂီၢ်န့ၣ်လီၤ.

လံာ်နၤဃူၣ် 3:6

ယကပာ်နၤဒ်တၢ်လီၤသးဘၣ်အၢအသိး ဒီးကးဘၢနၤလၢတၢ်ဘၣ်အၢဘၣ်သီလီၤ. ပှၤဂီၢ်မုၢ်ကကွၢ်စူၣ်နၤလၢတၢ်ပျံၤတၢ်ဖုးအပူၤလီၤ.

လံာ်မးသဲ 20:19

ဒီးကဟ့ၣ်လီၤအီၤဆူပှၤကလုာ်ဂၤတဖၣ်အစုပူၤ, ဒ်သိးကဘၣ်တၢ်ဒုၣ်ဒွဲၣ်အီၤ, တၢ်တီၢ်အီၤ, ဒီးပျၤထီအီၤလၢထူၣ်စုညါအလိၤ, ဒီးသၢသီတသီန့ၣ်ကဘၣ်တၢ်မၤမူထီၣ်က့ၤအီၤလၢယွၤလီၤ.”

လံာ်မၢ်ကူး 6:24

လၢတၢ်န့ၣ်အဃိ, ပိာ်မုၣ်သးစၢ်အံၤဟးထီၣ်ဆူတၢ်ချၢဒီးသံကွၢ်အမိၢ်, “မ့ၢ်ယကဘၣ်ဃ့တၢ်မနုၤတမံၤလဲၣ်.” အမိၢ်စံးဆၢအီၤ, “ပှၤဘျၢတၢ်စီၤယိၤဟၣ်အခိၣ်လီၤ.”