လံာ်စီၤယိၤဘး 30:3 - Sgaw Karen Common Bible

³ အဝဲသ့ၣ်တဖၣ်န့ၣ်ဖှီၣ်ယာ်ဝဲဒီးတၢ်သၣ်ဝံၤအသးဒိၣ်မးတုၤဒၣ် လဲာ်ကအ့ၣ်အီၣ်သ့ၣ်ဂံၢ်ဃ့တဖၣ်လၢတၢ်လီၢ်လီၤဃီအပူၤဖဲ မုၢ်နၤအခါန့ၣ်လီၤ.

လံာ်စီၤယိၤဘး 30:3 Iomraidhean Croise

လံာ်စီၤယိၤဘး 24:5

လၢတၢ်န့ၣ်အဃိပှၤဖှီၣ်ဖိယာ်ဖိသ့ၣ်တဖၣ်မၤသးဒ်ကသ့ၣ်ယီၤမံၤ အသိး, ဒီးဃုအတၢ်အီၣ်လၢပှၢ်မုၢ်ကနၢလၢအဃ့ထီအပူၤန့ၣ်လီၤ.

လံာ်စီၤယိၤဘး 30:2

အဝဲသ့ၣ်တဖၣ်မ့ၢ်ပှၤတဖုလၢအဂံၢ်အဘါလၢာ်ကွံာ်လံဒီးကမၤ ယတၢ်မၤတမံၤမံၤအဂီၢ်ဒၣ်လဲာ်န့ၣ်အဂံၢ်အဘါစၢ်ကဲၣ်ဆိးလီၤ.

လံာ်စီၤယိၤဘး 30:4

အဝဲသ့ၣ်ထဲးထီၣ်မဲးမုၢ်ခိၣ်အတၢ်မုၢ်တၢ်ဘိဒီးအီၣ်ဝဲ, ပထိးသ့ၣ်ရီသ့ၣ်အဂံၢ်လၢအတဝံာ်တဘဲဒၣ်လဲာ်န့ၣ်အီၣ်ဝဲဒၣ်လီၤ.

လံာ်ဒၤနံးယ့လး 5:21

အဝဲဘၣ်တၢ်နီၣ်ထီၣ်ကွံာ်အီၤလၢပှၤကညီတဖၣ်အသိးအကျါ ဒီးအသးကဲထီၣ်ဒ်ဆၣ်ဖိကီၢ်ဖိတဒုအသးအသိးလီၤ. အဝဲအိၣ်ဆိးတ့ၢ်ဝဲလၢ ကသ့ၣ်ယီၤမံၤတဖၣ်အကျါ, အီၣ်တပံၢ်တမါဒ်ဂီၤဖံးတ ဒုအသိးဒီးမံလီၤဝဲလၢတၢ်ပျီပူၤဒီးဘၣ်စီၣ်ဝဲလၢမူခိၣ်ပစီၤထံလီၤ. လၢခံကတၢၢ်န့ၣ်, သ့ၣ်ညါက့ၤဝဲလၢတၢ်ထီကတၢၢ်ကစၢ်ယွၤ တဂၤန့ၣ်ပၢတၢ်လၢပှၤဟီၣ်ခိၣ်ဖိအဘီအမုၢ်တဖၣ် အဖီခိၣ်ဒီးဟ့ၣ်လီၤတၢ်ဆူပှၤလၢအဃုထၢဝဲဒ်အသးအိၣ်ဒၣ်ဝဲအ သိးတဂၤလၢ်လၢ်အစုပူၤန့ၣ်လီၤ.

ဧ့ၤဘြံၤ 11:38

ဟီၣ်ခိၣ်တကြၢးတဘၣ်ဘၣ်ဒီးအဝဲသ့ၣ်ဘၣ်. အဝဲသ့ၣ်ဟးဝ့ၤဝီၤလၢမဲးမုၢ်ခိၣ်ဒီးလၢကစၢၢ်ခိၣ်ကလိကျါ ဒီးအိၣ်ဝဲဆိးဝဲလၢလၢၢ်ဒီးလ့အအိပူၤဒီးလၢဟီၣ်ခိၣ် အအိပူၤလီၤ.