လံာ်စီၤယိၤဘး 3:5 - Sgaw Karen Common Bible

⁵ ဒုးကဲထီၣ်အီၤလၢတၢ်ခံးဒီးတၢ်ခံးယိာ်အမုၢ်တနံၤန့ၣ်တက့ၢ်. မ်တၢ်အၢၣ်ကျၢၢ်ဘၢအီၤ, မ်မုၢ်အတၢ်ကပီၤသုတလီၤ ဘၣ်လၢအလိၤတဂ့ၤ.

လံာ်စီၤယိၤဘး 3:5 Iomraidhean Croise

လံာ်စီၤယိၤဘး 16:16

ယမဲာ်ဂီၤထီၣ်ဝဲလၢယမဲာ်ထံလီၤအဃိ, ဒီးယမဲာ်ချံတဖၣ်ညီး ထီၣ်ဒီးယတၢ်ထံၣ်တဆှံလၢၤဘၣ်.

လံာ်စီၤယိၤဘး 24:17

အဝဲသ့ၣ်ပျံၤဝဲမုၢ်ဆါအတၢ်ကပီၤဘၣ်ဆၣ်တၢ်ခံးတၢ်နၤတဟံး ဃာ်တၢ်ပျံၤတၢ်ဖုးလၢအဝဲသ့ၣ်အဂီၢ်ဘၣ်.

လံာ်စီၤယိၤဘး 28:3

ပှၤကညီဃုကွၢ်တၢ်လၢတၢ်ခံးယိာ်အလီၢ်န့ၣ်လီၤ. အဝဲသ့ၣ်ဃုထံၣ်တၢ်လၢဟီၣ်ခိၣ်အတၢ်ယိာ်အလီၢ်တဖၣ်ဒီးခူၣ်န့ၢ် လၢၢ်လၢတၢ်ခံးသူကတၢၢ်အလီၢ်န့ၣ်လီၤ.

လံာ်စီၤယိၤဘး 3:4

မုၢ်တနံၤလၢယအိၣ်ဖျဲၣ်ထီၣ်လၢအပူၤန့ၣ်မ်အကဲထီၣ်တၢ်ခံးတၢ် နၤတက့ၢ်. သ့ၣ်နီၣ်ထီၣ်က့ၤမုၢ်တနံၤန့ၣ်နီတစုလၢၤတဂ့ၤ. မ်တၢ်ကပီၤအသုတလီၤဘၣ်လၢၤအီၤနီတစုတဂ့ၤ.

လံာ်စီၤယိၤဘး 3:6

ထုးထီၣ်ကွံာ်မုၢ်တနၤန့ၣ်လၢနံၣ်ဧိၤလါဧိၤအပူၤတက့ၢ်. မ်အသုတဘၣ်တၢ်ဂံၢ်ကဒီးအီၤနီတစုတဂ့ၤ.

လံာ်စီၤယိၤဘး 34:22

တၢ်ခံးဒီးတၢ်ခံးယိာ်လၢတၢ်ပာ်ခူသူၣ်ပှၤတၢ်ဒဲးဘးဖိ ကသ့ဝဲအလီၢ်န့ၣ်တအိၣ်ဘၣ်လၢကစၢ်ယွၤအမဲာ်ညါဘၣ်.

လံာ်စီၤယိၤဘး 38:17

တၢ်သံအတြဲၤတဖၣ်ဘၣ်တၢ်လီၣ်ဖျါထီၣ်အီၤလၢနၤမ့ တမ့ၢ်နထံၣ်ဘၣ်တ့ၢ်တၢ်ခံးယိာ်အတြဲၤတဖၣ်စ့ၢ်ကီးဧါ.

စံးထီၣ်ပတြၢၤ 107:10

ပှၤတနီၤဆ့ၣ်နီၤဝဲလၢတၢ်ခံးတၢ်နၤ ဒီးတၢ်သူၣ်အုးသးအုးအပူၤ, ဒီးပှၤလၢတၢ်စၢဃာ်အီၤတဖၣ် တူၢ်ဘၣ်တၢ်နးတၢ်ဖှီၣ်လၢထးဧိၤတြၤဧိၤလီၤ.

စံးထီၣ်ပတြၢၤ 107:14

အဝဲဒၣ်စိာ်ထီၣ်ကွံာ်အဝဲသ့ၣ်လၢတၢ်ခံးတၢ်နၤ ဒီးတၢ်သူၣ်အုးသးအုးအဒိၣ်အဃိာ်အပူၤ, ဒီးမၤတဲာ်ကွံာ် အဝဲသ့ၣ်အထးသွဲတဖၣ်န့ၣ်လီး.

စံးထီၣ်ပတြၢၤ 23:4

တုၤယလဲၤလၢတၢ်သံအကဒု အကစၢၢ်ကဆူးပူၤဒၣ်လဲာ်န့ၣ်, ယတပျံၤဘၣ်တၢ်အၢဘၣ်. အဂ့ၢ်ဒ်အံၤ, နအိၣ်ဒီးယၤလီၤ. နနီၣ်ထိးဘိဒီးနနီၣ်ထိးတဘိန့ၣ် မၤမုာ်ထီၣ်က့ၤယၤလီၤ.

စံးထီၣ်ပတြၢၤ 44:19

ဒ်သိးနကမၤဟးဂီၤကွံာ်ပှၤလၢ ထွံၣ်ဟီၣ်ခိၣ်တဖၣ်အလီၢ်ပူၤ, ဒီးလုၣ်ဘၢတ့ၢ်ပှၤလၢတၢ်သံအတၢ်ခံးယိာ်န့ၣ်ဘၣ်.

လံာ်ယၡါယၤ 9:2

ပှၤလၢအဟးတ့ၢ်ဝဲလၢတၢ်ခံးတၢ်နၤအပူၤတဖၣ် ထံၣ်တ့ၢ်တၢ်ကပီၤဖးဒိၣ်လီၤ. အဝဲသ့ၣ်အိၣ်မူတ့ၢ်ဝဲလၢကီၢ်လၢအပှဲၤဒီးတၢ်ကဒုတဖၣ်, ဘၣ်ဆၣ်ဒီးအခဲအံၤတၢ်ကပီၤဆဲးလီၤဘၣ်အဝဲသ့ၣ်လီၤ.

လံာ်ယံးရမံယၤ 13:16

တချုးဒံးဘၣ်လၢအဝဲဟဲစိာ်တၢ်ခံးတၢ်နၤဒီးသုခီၣ်ဘၣ်တိၢ်ဘၣ်ထံး လၢကစၢၢ်တဖၣ်အဖီခိၣ်, တချုးဒံးဘၣ်လၢအဝဲဒုးကဲထီၣ်အီၤတၢ်ကပီၤလၢ သုမုၢ်လၢ်န့ၣ်အီၤဆူတၢ်ခံးယိာ်ဒံးဘၣ်ဒီး, မၤလၤကပီၤယွၤ, သုကစၢ်ယွၤတက့ၢ်.

လံာ်ယံးရမံယၤ 2:6

ယမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးဒီးဆှၢတ့ၢ်အဝဲသ့ၣ် ခီဖျိပှၢ်မုၢ်ကနၢ, တၢ်လီၢ်တတီၤလၢအမ့ၢ်မဲးမုၢ်ခိၣ်တဖၣ်ဒီး မဲးအကလိာ်တဖၣ်, တၢ်လီၢ်တတီၤလၢအဃ့ထီဒီးလီၤပျံၤလီၤဖုး ဖဲပှၤတအိၣ်နီတဂၤဘၣ်ဒီးပှၤတလဲၤတၢ်လၢအပူၤ နီတဂၤဘၣ်ဒၣ်လဲာ်န့ၣ်, အဝဲသ့ၣ်တပာ်လ့ၢ်ပာ်ကဲယၤဘၣ်.

လံာ်ယံးရမံယၤ 4:28

ဟီၣ်ခိၣ်ကသူၣ်အုးသးအုး, မူခိၣ်ကခံးလီၤဝဲလီၤ. ယွၤကတိၤလံတၢ်လံ, ဒီးတလဲလိာ်ကွံာ်အတၢ်ပာ်သူၣ်ပာ်သးဘၣ်. အဝဲစံၣ်ညီၣ်နီၤဖးပဲာ်ဖးတ့ၢ်လံတၢ်လံ, ဒီးတဃၣ်ကဒါက့ၤဝဲဘၣ်.

လံာ်ယဃ့းစက့လး 30:3

မုၢ်တနံၤန့ၣ်ဘူးထီၣ်လံ. မုၢ်တနံၤဖဲယွၤကမၤတၢ်, မုၢ်တနံၤလၢ အပှဲၤဒီးတၢ်အၢၣ်တဖၣ်ဒီး တၢ်ကိၢ်တၢ်ဂီၤလၢပှၤကလုာ်တဖၣ်အဂီၢ်န့ၣ်လီၤ.

လံာ်ယဃ့းစက့လး 34:12

ဒ်ကျဲတဘိဃီလၢပှၤကွၢ်သိတဂၤအံးထွဲကွၢ်ထွဲအသိတဖၣ်လၢ အလီၤပြံလီၤပြါဒီးဟဲက့ၤစိာ်ကဒါက့ၤကဒီးအဝဲသ့ၣ်တပူၤဃီ အသိးန့ၣ်လီၤ. ယကဟဲက့ၤစိာ်ကဒါက့ၤအဝဲသ့ၣ်လၢကယဲၢ် တၢ်လီၢ်တဖၣ်လၢအဝဲသ့ၣ်လီၤပြံလီၤပြါတ့ၢ်ဖဲမုၢ်တနံၤလၢ အခံးသူဒီးပှဲၤဒီးတၢ်တတၢးတနါန့ၣ်လီၤ.

လံာ်ယိၤအ့လး 2:2

ကမ့ၢ်တၢ်ခံးတၢ်နၤဒီးတၢ်သူၣ်အုးသးအုးအမုၢ်တနံၤ, တၢ်အၢၣ်ဒီးတၢ်ခံးသူအမုၢ်တနံၤလီၤ. ဒွဲၣ်ဧိၤသကံၤဧိၤဂီၢ်မုၢ်ဂီၢ်ပၤဟဲထီၣ်ဝဲ လီၤဂာ်ဒ်တၢ်ခံးတၢ်နၤသလၣ်လီၤအသးလၢကစၢၢ်ကလိအလိၤ အသိးန့ၣ်လီၤ. တၢ်ဒ်န့ၣ်အသိးတမၤတ့ၢ်အသးနီတဘျီဘၣ်. ဒီးတမၤလၢၤကဒီး အသးနီတဘျီဘၣ်.

လံာ်ဧၤမိၣ် 5:8

ယွၤတ့လီၤဆၣ်တဖၣ်, ဆၣ်ဒၢမုၢ်ဒီးဆၣ်ယိးမါလီၤ. လဲလိာ်ကွံာ်ဝဲတၢ်ခံးတၢ်နၤဆူမုၢ်နံၤအတၢ်ကပီၤ ဒီးမုၢ်နံၤဆူမုၢ်နၤန့ၣ်လီၤ. အဝဲကိးန့ၢ်ပီၣ်လဲၣ်အထံဒီးလူလီၤအီၤလၢ ဟီၣ်ခိၣ်အဖီခိၣ်လီၤ. အမံၤမ့ၢ်ယွၤလီၤ.

လံာ်ဧၤမိၣ် 8:10

ယကဘိးကဒါကွံာ်သုတၢ်ဘူၣ်တၢ်ဘါအမူးတဖၣ်ဆူတၢ်သံတၢ်ပှၢ် ဒီးလဲလိာ်ကွံာ်သုတၢ်သးခုအတၢ်သးဝံၣ်ဆူတၢ်သူၣ်အုးသးအုး အတၢ်ဟီၣ်တၢ်ယၢၤတဖၣ်န့ၣ်လီၤ. ယကမၤတုၤသုလူၤကျိသုခိၣ် တဖၣ်ဒီးသိးထီၣ်ထၢၣ်တၢ်ကံးညၣ်ဒီးသုကလီၤဂာ်ဒီးမိၢ်ပၢ်လၢ အဟီၣ်အယၢၤလၢအဖိခွါအိၣ်ထဲတဂၤဧိၤအဃိန့ၣ်လီၤ. မုၢ်တနံၤန့ၣ်ကခၣ်တုၤတၢ်အကတၢၢ်န့ၣ်လီၤ.

လံာ်မးသဲ 4:16

ပှၤတဖၣ်လၢအအိၣ်ဆိးလၢတၢ်ခံးကျါ ထံၣ်ဘၣ်တၢ်ကပီၤဖးဒိၣ်လံ. တၢ်ကပီၤထီၣ်လၢပှၤတဖၣ်လၢအအိၣ်ဝဲလၢ တၢ်သံအကီၢ်အဂီၢ်လံ” (ၡါ. ၉:၁-၂).

လံာ်လူၤကၣ် 1:79

ဒီးကပီၤလီၤလၢမူခိၣ်လၢ ပှၤကိးဂၤဒဲးလၢ အအိၣ်မူလၢတၢ်ခံးဒီးတၢ်သံအကဒုအပူၤ, ဒီးကဆှၢပခီၣ်ခါတဖၣ်ဆူ တၢ်ဃူတၢ်ဖိးအကျဲပူၤန့ၣ်လီၤ.”

လံာ်သိၣ်လီၤသီလီၤတၢ် 4:11

တဲဘၣ်သုဖိတဖၣ်လၢသုလဲၤဒီးဆၢထၢၣ်လၢကစၢၢ်အခီၣ်ထံးဒ်လဲၣ်, ဖဲကစၢၢ်န့ၣ်ဘၣ်တၢ်ကးဘၢအီၤလၢမ့ၣ်အူလုၣ်အတၢ်အၢၣ်ဖးတီၣ်တဖၣ် ဒီးမ့ၣ်အူကပျီၤထီၣ်ဆူမူကပိာ်လိၤန့ၣ်တက့ၢ်.

ဧ့ၤဘြံၤ 12:18

အဂ့ၢ်ဒ်အံၤ, သုတဟဲဘၣ်သုဝဲဒ်ပှၤအံၣ်စရ့လးဖိတဖၣ်ဟဲဝဲဆူ ကစၢၢ်လၢတၢ်ထိးအီၤသ့, ဆူကစၢၢ်စံၤနါလၢအအိၣ်ဒီးမ့ၣ်အူလၢအကဲၤကပျီၤဒီးတၢ် အၢၣ်သူဒီးတၢ်ခံးဒီးကလံၤမုၢ်,