လံာ်စီၤယိၤဘး 3:4 - Sgaw Karen Common Bible

⁴ မုၢ်တနံၤလၢယအိၣ်ဖျဲၣ်ထီၣ်လၢအပူၤန့ၣ်မ်အကဲထီၣ်တၢ်ခံးတၢ် နၤတက့ၢ်. သ့ၣ်နီၣ်ထီၣ်က့ၤမုၢ်တနံၤန့ၣ်နီတစုလၢၤတဂ့ၤ. မ်တၢ်ကပီၤအသုတလီၤဘၣ်လၢၤအီၤနီတစုတဂ့ၤ.

လံာ်စီၤယိၤဘး 3:4 Iomraidhean Croise

လံာ်စီၤယိၤဘး 3:5

ဒုးကဲထီၣ်အီၤလၢတၢ်ခံးဒီးတၢ်ခံးယိာ်အမုၢ်တနံၤန့ၣ်တက့ၢ်. မ်တၢ်အၢၣ်ကျၢၢ်ဘၢအီၤ, မ်မုၢ်အတၢ်ကပီၤသုတလီၤ ဘၣ်လၢအလိၤတဂ့ၤ.

လံာ်ယိၤအ့လး 2:2

ကမ့ၢ်တၢ်ခံးတၢ်နၤဒီးတၢ်သူၣ်အုးသးအုးအမုၢ်တနံၤ, တၢ်အၢၣ်ဒီးတၢ်ခံးသူအမုၢ်တနံၤလီၤ. ဒွဲၣ်ဧိၤသကံၤဧိၤဂီၢ်မုၢ်ဂီၢ်ပၤဟဲထီၣ်ဝဲ လီၤဂာ်ဒ်တၢ်ခံးတၢ်နၤသလၣ်လီၤအသးလၢကစၢၢ်ကလိအလိၤ အသိးန့ၣ်လီၤ. တၢ်ဒ်န့ၣ်အသိးတမၤတ့ၢ်အသးနီတဘျီဘၣ်. ဒီးတမၤလၢၤကဒီး အသးနီတဘျီဘၣ်.

လံာ်ဧၤမိၣ် 5:18

ပှၤလၢအဆၢန့ၢ်ဘၣ်ယွၤအမုၢ်တနံၤန့ၣ်သ့ၣ်ဧၢ, သုဘၣ်အဖှီၣ်လီၤ. မုၢ်တနံၤန့ၣ်ကမၤဂ့ၤသုမနုၤလဲၣ်. အဝဲန့ၣ်ကမ့ၢ်တၢ်ခံးတၢ်နၤလၢသုဂီၢ်လီၤ. တမ့ၢ်ဘၣ်တၢ်ကပီၤဘၣ်.

လံာ်မးသဲ 27:45

ဖဲမုၢ်ထူၣ်အကတီၢ်န့ၣ်, တၢ်ခံးလီၤလၢကီၢ်ဒီဘ့ၣ်ညါအပူၤတုၤလီၤလၢ ဟါသၢနၣ်ရံၣ်အကတီၢ်န့ၣ်လီၤ.

မၤတၢ် 27:20

လၢအါနံၤအါသီအတီၢ်ပူၤန့ၣ်, ပတထံၣ်ဘၣ်မုၢ်မ့ၢ်ဂ့ၤ, ဆၣ်တဖၣ်မ့ၢ်ဂ့ၤဘၣ်, ဒီးကလံၤအူဒံးတၢ်ဆူၣ်ဆူၣ်ကလဲာ်လီၤ. လၢခံကတၢၢ်ပတၢ်မုၢ်လၢ်လၢပကဒိးန့ၢ်တၢ်မၤပူၤဖျဲးပှၤလၢာ် ကွံာ်ဝဲဒၣ်န့ၣ်လီၤ.

လံာ်သိၣ်လီၤသီလီၤတၢ် 11:12

ယွၤ, သုကစၢ်ယွၤအံးထွဲကွၢ်ထွဲကီၢ်အံၤဒီးကွၢ်လီၤအီၤ စးထီၣ်လၢနံၣ်အခီၣ်ထံးတုၤလၢနံၣ်အကတၢၢ်န့ၣ်လီၤ.

လံာ်လီၣ်ဖျါ 16:10

အန့ၣ်ဝံၤအလီၢ်ခံကလူးယဲၢ်ဂၤတဂၤလူလီၤဂၢ်လီၤအသလၢ လၢတၢ်ဒူတၢ်ဃိၤအလီၢ်ပစိာ်အဖီခိၣ်လီၤ. တၢ်ခံးလီၤဝဲလၢတၢ်ဒူတၢ်ဃိၤအဘီအမုၢ် အပူၤ, ဒီးပှၤကညီတဖၣ်အ့ၣ်တံၢ်အပျ့ၤလၢအတၢ်နးတၢ်ဖှီၣ် အဃိလီၤ.