လံာ်စီၤယိၤဘး 3:22 - Sgaw Karen Common Bible

²² အဝဲသ့ၣ်အသးအုးတုၤအကတီၢ်လၢအသံဒီးဘၣ်တၢ်ခူၣ်လီၤ ကွံာ်အီၤန့ၣ်လီၤ.

လံာ်စီၤယိၤဘး 3:22 Iomraidhean Croise

လံာ်စီၤယိၤဘး 11:20

မ့မ့ၢ်ပှၤတတီတလိၤတဖၣ် ကကွၢ်တၢ်ဝးဝးလၢ တၢ်သးဟးဂီၤအပူၤဒီး ထံၣ်ဘၣ်ဝဲလၢတၢ်ထူၣ်ဖျဲး အဂီၢ်ကျဲတအိၣ်နီတဘိဘၣ်. အဝဲသ့ၣ်အတၢ်မုၢ် လၢ်ထဲတမံၤဧိၤမ့ၢ်ဒၣ်တၢ်သံကဟဲဝဲန့ၣ်လီၤ.

လံာ်စီၤယိၤဘး 21:33

ပှၤအကထိတဖၣ်လဲၤပိာ်ထွဲဝဲတၢ်လဲၤစိာ်လီၤအီၤ, ဆူတၢ်သွၣ်ခိၣ်ဒီးဟီၣ်ခိၣ်ဘၣ်တၢ်ဖှံလီၤအီၤ ကယီလီလၢ အစိၣ်အဖီခိၣ်လီၤ.

လံာ်စီၤယိၤဘး 3:21

အဝဲသ့ၣ်ဆၢသံဘၣ်ဆၣ်တၢ်သံတဟဲတုၤအိၣ်အီၤဘၣ်. ဒီးဘၣ်ဃုဝဲတၢ်သွၣ်ခိၣ်ဒ်တၢ်လုၢ်ဒိၣ်ပှ့ၤဒိၣ်လၢအဘၣ်တၢ်ပာ် ခူသူၣ်အီၤအသိးန့ၣ်လီၤ.

လံာ်စီၤယိၤဘး 3:23

အဝဲသ့ၣ်အတၢ်အိၣ်မူခါဆူညါန့ၣ်ကစၢ်ယွၤပာ်တဒၢဒီးတြီဃာ် အီၤကိးကပၤဒဲးန့ၣ်လီၤ.

လံာ်စီၤယိၤဘး 6:10

ယမ့ၢ်သ့ၣ်ညါတ့ၢ်လၢကမၤဝဲဒ်န့ၣ်ဒီး, ယတၢ်နးတၢ်ဖှီၣ်မ့ၢ် ဒိၣ်ထဲလဲၣ်ဘၣ်ဆၣ်ယစံၣ်ထီၣ်လၢတၢ်သးခုအပူၤလီၤ. အဂ့ၢ်ဒ်အံၤယသ့ၣ်ညါလၢကစၢ်ယွၤန့ၣ်စီဆှံဝဲဒီးအတၢ်မၤလိာ် တဖၣ်န့ၣ်ယတထီဒါအီၤနီတစုဘၣ်.

လံာ်စီၤယိၤဘး 6:8

ဘၣ်မနုၤလၢကစၢ်ယွၤတဟ့ၣ်ယၤတၢ်လၢယဃ့န့ၣ်လဲၣ်. ဘၣ်မနုၤလၢအဝဲတစံးဆၢယတၢ်ထုကဖၣ်န့ၣ်လဲၣ်.

လံာ်စီၤယိၤဘး 7:15

တုၤဒၣ်လဲာ်ယအဲၣ်ဒိးဘၣ်တၢ်စံၢ်သံယၤဒိၣ်န့ၢ်ဒံးယကအိၣ် မူလၢယနီၢ်ခိနီၢ်ကစၢ်လၢအဘၣ်နးဘၣ်ဖှီၣ်အပူၤအံၤတက့ၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 4:2

ယသူၣ်က့ၣ်သးကါဘၣ်ပှၤတဖၣ်လၢအသံဒီးက့ၤတ့ၢ်လံန့ၣ်လီၤ. တၢ်မၤအသးလၢအဝဲသ့ၣ်အဂီၢ်ဂ့ၤဒိၣ်န့ၢ်ဒံးပှၤလၢအအိၣ်မူဒံး တဖၣ်တက့ၢ်လီၤ.

လံာ်ပှၤစံၣ်တဲၤတဲလီၤတၢ် 4:3

ဘၣ်ဆၣ်ပှၤတဖၣ်လၢအဂ့ၤဒိၣ်န့ၢ်ဒံးအဝဲသ့ၣ်န့ၣ်, မ့ၢ်ပှၤလၢတအိၣ်ဖျဲၣ်ဒံးဘၣ်, ပှၤလၢတထံၣ်ဒံးဘၣ်တၢ်စံၣ်ညီၣ်တတီလၢအမၤအသးလၢဟီၣ်ခိၣ်ချၢ အံၤန့ၣ်လီၤ.

လံာ်ယံးရမံယၤ 8:3

ဒီးပှၤအၢပှၤသီတကလုာ်အံၤအပှၤဂီၢ်မုၢ်လၢအအိၣ်မူတ့ၢ်ဒံးတဖၣ်, လၢအအိၣ်ဝဲဆိးဝဲလၢတၢ်လီၢ်တဖၣ်လၢယမၤပြံမၤပြါကွံာ် အဝဲသ့ၣ်အပူၤန့ၣ်, ကဘၣ်အသးလၢကသံဝဲ ဒိၣ်န့ၢ်ဒံးကအိၣ်မူဒံးဝဲဆူညါန့ၣ်လီၤ. ယၤ, ယွၤသ့တၢ်လၢာ်ကစၢ်, ကတိၤလံတၢ်လံ.”